ഹലോ കൂട്ടുകാരേ ,
ഒരു മാസത്തോളമായി ഇതിന്റെ മുന്നിലത്തെ പാർട്ട് പബ്ലിഷ് ചെയ്തിട്ട് , ഒരൽപ്പം നീണ്ട ഗ്യാപ്പ് വന്നു , ക്ഷമിക്കണം . കുറച്ച് ദിവസം നാട്ടിൽ ഉണ്ടായിരുന്നില്ല പിന്നെ ജോലിത്തിരക്കും ചെറിയ ചെറിയ ശാരീരിക അസ്വസ്ഥതകളും കുറച്ച് കൂടി എഴുത്തിനെ വൈകിപ്പിച്ചു …..

 

പ്രതീക്ഷ വയ്ക്കാതെ വായിക്കുക , ലൈക്ക് ചെയ്ത് ഒന്ന് സപ്പോർട്ട് ചെയ്യുക ഒപ്പം നിങ്ങളുടെ വിലയേറിയ അഭിപ്രായങ്ങൾ ഒരു വരിയിലെങ്കിലും കുറിക്കുക …. ബാക്കി കാര്യങ്ങൾ അവസാനം പറയാം …..

എന്നാൽ പിന്നെ വായിച്ച് തുടങ്ങിക്കോളൂ …….

                    ……………………..

 

 

 

                   ✮കൽക്കി࿐

                              ഭാഗം – 10

( അധ്യായം 1 – അവസാന ഭാഗം )

Author : വിച്ചു

[ചെകുത്താനെ സ്നേഹിച്ച മാലാഖ] 

Previous Parts

 

   ◊◊◊◊◊◊◊◊ ◊◊◊◊◊◊◊◊  ◊◊◊◊◊◊◊ 

 

 

 

 

കാറ് നിർത്തി ജെറി ആ ബംഗ്ലാവിന്റെ അടുത്തേക്ക് നടന്നു , ഒരു വശത്തായി നിർത്തിയിട്ടിരിക്കുന്ന ആ കാർ കണ്ടതും അവന്റെ മുഖത്ത് ഒരു പുഞ്ചിരി വിടർന്നു ….

 

പുറത്തെങ്ങും ആരുമില്ല . സ്റ്റെപ്പുകൾ കയറിച്ചെന്ന് അവൻ ആ ബംഗ്ലാവിന്റെ വാതിൽ തള്ളിത്തുറന്ന് അകത്തേക്ക് കയറിയതും ……

 

പെട്ടെന്ന് അവന്റെ കഴുത്തിന് മുന്നിലായി ഒരു നീളൻ വാൾ ശരീരത്തിൽ തൊട്ടു തൊട്ടില്ല എന്ന മട്ടിൽ വന്ന് നിന്നു , അൽപ്പം കൂടി മുന്നോട്ട് നീങ്ങിയാൽ ആ മൂർച്ചയേറിയ തിളക്കമുള്ള വാൾ തന്റെ ജീവനെടുക്കുമെന്ന് അവന് മനസ്സിലായി …. പെട്ടെന്നുണ്ടായ ആ ഷോക്കിൽ ഭയത്തോടെ അവൻ പതിയെ ഇടത്തേക്ക് തിരിഞ്ഞ് നോക്കി ,
തന്റെയടുത്ത് നിൽക്കുന്ന ആ ആളിനെക്കണ്ടതും ജെറി ആകെ മൊത്തം ഒന്ന് നടുങ്ങി , അവന്റെ ശരീരം മുഴുവൻ ഭയന്ന് വിറയ്ക്കാൻ തുടങ്ങി ………