♨️മനസ്വിനി ?5️⃣ «??? ? ?????» 2967

മഴ കാരണം മെല്ലെയാണ് വണ്ടി പോകുന്നത് ഒപ്പം ബ്ലോക്കും, നാൽപതു മിനിറ്റ് എടുത്തു വീട്ടിൽ എത്താൻ..

കാറിൽ നിന്ന് പുറത്തിറങ്ങുമ്പോൾ തന്നെ കറിക്കുള്ള അരപ്പിന്റെയും വെന്ത ഇറച്ചിയുടെയും മണം മൂക്കിലേക്ക് അടിച്ചു കയറാൻ തുടങ്ങിയിരുന്നു….

അമ്മച്ചിടെ ബീഫ് കറി ഇച്ചിരി സ്പെഷ്യൽ ആണ്… പാചകത്തിനു ഇടയിൽ ചില പൊടികൈകൾ ഉണ്ട്… വയറു നിറയെ കഴിച്ച് വയറ് പൊട്ടുന്ന അവസ്ഥയിൽ ആണെങ്കിലും ഒരു കഷ്ണം കൂടി തിന്നാൻ വായിൽ കൊതി വരും….

വണ്ടി ഇറങ്ങി പുറത്തു തന്നെ നിൽക്കുന്ന നാരായൺ സാറിനെ ഞാൻ അകത്തേക്ക് വിളിച്ചു..

“അകത്തേക്ക് വരാം സർ… രതീഷേട്ടാ… വാ ന്ന്….”

“നീ വിളിച്ചപ്പോ വരാതിരുന്നെങ്കിൽ വൻ നഷ്ടം ആയിരുന്നേനെ…” നാരായൺ സർ ബീഫിന്റെ മണം ആസ്വദിച്ചു കൊണ്ട് ഒരു കള്ള ചിരിയോടെ പറഞ്ഞു….

“വരൂ സർ….”

ഉള്ള സൗകര്യത്തിൽ ഇരുന്നു ഓരോ കാര്യം സംസാരിക്കുന്നതിനിടയിൽ അടുക്കളയിലെ പണി ഒതുക്കി അമ്മച്ചിയും ഒപ്പം കൂടി….

ഒൻപതു മണി കഴിഞ്ഞിട്ടാണ് ഭക്ഷണം കഴിച്ചത്… രണ്ട് പേരും ഭക്ഷണം നന്നായി ആസ്വദിക്കുന്നുണ്ട്…

നാരായൺ സാറിന്റെ ഫുഡ് കഴിക്കുന്ന സ്റ്റൈൽ കാണാൻ തന്നെ പ്രത്യേക രസമാണ് …