♨️മനസ്വിനി ?5️⃣ «??? ? ?????» 2965

ഞാൻ അവരോട് ഏകദേശം അര മണിക്കൂറോളം സംസാരിച്ചു.

അവര് എന്നെയും കൂട്ടി ഒന്ന് രണ്ട് വീടുകൾ കാണിച്ചു തന്നു… എല്ലാത്തിന്റെയും മേൽക്കൂരയിലെ കോൺക്രീറ്റിൽ വിള്ളൽ വീണു വീടിനകത്തേക്ക് വെള്ളം ഉറ്റി വീഴുന്നുണ്ട്….

വീടുകളിൽ ചിലതു ഒറ്റ മുറിയാണ്… വെപ്പും കുടിയും കിടത്തവും എല്ലാം ആ ഒരു മുറിയിൽ തന്നെ… ചിലതു മാത്രം രണ്ട് മുറി… എല്ലാം കഴിഞ്ഞ അഞ്ചു വർഷത്തിൽ പണിതതാണ്…

ഒന്ന് ഉറപ്പാണ്… അപ്പ്രൂവ് ആയ പ്ലാൻ അനുസരിച്ചല്ല ഇവിടെ ഒരു വർക്കും നടന്നിട്ടുള്ളത്…..

അവര് പറഞ്ഞ പ്രശ്നങ്ങൾ പരിഹരിക്കാൻ ശ്രമിക്കാം എന്ന് പറഞ്ഞു ഞാൻ കോൺക്രീറ്റ് ലീക് ചെയ്യുന്നതിന്റെയും മറ്റും വീഡിയോ എടുത്തു..….

ഒരു മണിക്കൂർ കൂടി അവിടെ ചിലവഴിച്ചു ഞാൻ കോളനിയിൽ നിന്ന് ഇറങ്ങി….

റോഡ് വരെ നടന്നു ബൈക്കിനു അടുത്ത് എത്തിയപ്പോഴേക്കും പന്റിന്റെ പോക്കറ്റിൽ കിടന്ന മൊബൈൽ റിങ് ചെയ്തു….

നജു എന്ന പേര് ഡിസ്പ്ലേയിൽ തെളിഞ്ഞത് കണ്ട് ഒരുപാടു സന്തോഷം തോന്നി….

“ഹലോ…..” ഞാൻ കുറച്ചു ഗൗരവത്തിൽ തന്നെ സംസാരിച്ചു തുടങ്ങി…

“ഇച്ചായ… കോളനീന്നു ഇറങ്ങിയോ….”

“അറിഞ്ഞിട്ട് എന്തിനാ….”

“ചൂടിലാണല്ലോ….”

“ആണെങ്കിൽ….???”

“ആണെങ്കിൽ കുന്തം… ഞാൻ ഫോൺ വെച്ചിട്ട് പോകുവെ…..”

“വെക്കല്ലേ… വെക്കല്ലേ…. ഞാൻ ഇവിടെ കോളനിയിലാ ഉള്ളത്….”

“ആണോ…. കുറച്ചു സമയം കാത്ത് നിൽക്കുമോ…. ഞാൻ ഇവിടെ അടുത്തുള്ള ജംഗ്ഷനിൽ ഉണ്ട്… ഇവിടെ ഓട്ടോ ഒന്നും കാണുന്നില്ല… ഇപ്പൊ വരുവായിരിക്കും….”

“ഏഹ്ഹ്…. നീ അല്ലെ പറഞ്ഞെ വരൂലാന്നു….”

“അത് ചുമ്മാ….”