♨️മനസ്വിനി ?5️⃣ «??? ? ?????» 2965

“ഇതെന്ത്ന്നാണെ ഇത്രേം കെട്ടൊക്കെ…. നാട് വിടാൻ പ്ലാൻ ഇണ്ടാ….”

“ഉയ്യ്… അപ്പൊ ഒന്നും അറിഞ്ഞില്ലേ… നാട് വിടല് തന്നെയാ…. ഇനി തിരിച്ചു വയനാട്ടിലേക്ക് ഇല്ല…..”

അന്ന പറഞ്ഞപ്പോഴാണ് കുറച്ചു നാൾ മുൻപ് നജുനെ വിളിച്ചപ്പോൾ അവൾ പറഞ്ഞത് ഓർമ വന്നത്…..

ഒരു ദിവസം രാത്രി മൂന്ന് നാല് തവണ വിളിച്ചിട്ടും കാൾ അറ്റൻഡ് ആയില്ല… രാത്രി ഒരുപാട് വൈകി ആണ് നജു തിരിച്ചു വിളിച്ചത്….

“ഇച്ചായ.. വിളിച്ചിരുന്നല്ലേ….”

“ആം… ചുമ്മാ… ബിസി ആയിരുന്നോ…..”

“മ്മ്… ഒരു ചെറിയ പാർട്ടി ഉണ്ടായിരുന്നു… ഫോൺ സൈലന്റ് ആയിരുന്നു ശ്രദ്ധിച്ചില്ല….”

“എന്താ വിശേഷിച്ചു… ബർത്ഡേ വല്ലോം….”

“ഏയ്യ്…. ഞങ്ങൾ ഇവിടെ വന്നിട്ട് ഇപ്പൊ ഒരു കൊല്ലം കഴിഞ്ഞു അതിന്റെയാ…..”

“ഓ… അല്ല… അപ്പൊ അങ്ങനെ ആണേൽ പുതിയ ടീം വരാറായില്ലേ…..”

“ഹാ… ഓഗസ്റ്റ് ഫസ്റ്റ് വീക്ക് വരും….. ഇപ്പ്രാവശ്യം കൂടുതൽ പേരുണ്ടെന്ന പറഞ്ഞത്…..”

“ആഹാ കൊള്ളാലോ…..”

“മ്മ്…..”

“എന്താടോ ഒരു തെളിച്ചം ഇല്ലാത്തതു… കൂടുതൽ പേർ നിങ്ങളുടെ പ്രവർത്തനം കണ്ട് മുന്നോട്ട് വരുമ്പോ സന്തോഷിക്കുകയല്ലേ വേണ്ടേ….”

“അത് സന്തോഷം തന്നെയാ ഇച്ചായ… പക്ഷെ… ഈ ഒരു കൊല്ലം ഒരു ഫാമിലി പോലെ കഴിഞ്ഞ ഞങ്ങൾ ഇനി അവരവരുടെ കാര്യം നോക്കി ഓരോ സ്ഥലത്തു…. ഇനി തമ്മിൽ വല്ലപ്പോഴും കണ്ടാൽ ആയി….”

“നീ സെന്റി ആവല്ലേ നജു.. ലോകം ഇപ്പൊ ഒരു കൈ വെള്ളയിൽ ഉള്ള അത്രയേ ഉള്ളു…..”

“മ്മ്….”

“എല്ലാവരും ഈ മാസം തന്നെ പോകുന്നുണ്ടോ…..???”

“ബോയ്സിൽ രണ്ട് പേര് ഈ വീക്ക് തന്നെ പോകും… അവർക്കു ജോബ് റെഡി ആയിട്ടുണ്ട്…. ഞാനും അന്നയും പിന്നെ രണ്ട് ബോയ്സും ഒഴികെ ബാക്കി എല്ലാവരും ഈ മാസം അവസാനം പോകും…..”

“മ്മ്….”