♨️മനസ്വിനി ?5️⃣ «??? ? ?????» 2967

”ലേറ്റ് ആയല്ലോ മെൽവിൻ….”

“സാറിന്റെ മയക്കം കഴിഞ്ഞോ….”

“ഹാ….”

“മഴ അല്ലെ സർ….”

“നമ്മക്ക് പോകുന്ന വഴി വല്ലതും കഴിച്ചിട്ട് പോയാലോ….?”

“എനിക്ക് വേണ്ട സർ… അമ്മച്ചി കാത്തിരിക്കും….”

“ഓ… ഞാൻ അത് മറന്നു… വന്നിട്ട് ഇത്ര ദിവസം ആയിട്ടും അമ്മച്ചിയെ ഒന്ന് കാണാൻ ഒത്തില്ല….”

“എന്തായാലും എന്നെ ഡ്രോപ്പ് ചെയ്യാൻ വീട് വരെ പോകണം… ഇന്നത്തെ ഫുഡ് വീട്ടിൽ നിന്നാക്കാം സർ….”

“അത് വേണ്ട മെൽവിൻ… അമ്മച്ചിക്ക് ബുദ്ധിമുട്ടാകും….”

“അതൊന്നും ഇല്ല സർ… ഒരാൾക്കു ഭക്ഷണം കൊടുക്കുന്നതിനേക്കാൾ വല്യ സന്തോഷം അമ്മച്ചിക്ക് വേറെ ഇല്ല…”

“എന്നാലും…”

“ഒരു കുഴപ്പവും ഇല്ല സർ…. അമ്മച്ചിയോട് ഒന്ന് പറയണ്ട കാര്യമേ ഉള്ളു…. രണ്ട് പേര് കൂടെ ഉണ്ടാകും എന്ന് ഫുഡിനു…”

“മെൽവി… എത്താറായോ….?”

കാൾ കണക്ട് ആയ ഉടൻ അമ്മച്ചി ചോദിച്ചു…

“ഒരു അര മണിക്കൂർ കൂടി അമ്മച്ചി….”

“നീ വന്നിട്ടല്ലേ കഴിക്കു….”

“അതേ… പിന്നേ… എന്റെ കൂടെ രണ്ട് പേര് കൂടി ഉണ്ടാവുംട്ടോ….”

“ആണോ.. പറഞ്ഞത് നന്നായി… ഞാൻ നമ്മൾക്ക് രണ്ട് പേർക്കുള്ളത് മതിയല്ലോന്ന് വെച്ച് എല്ലാം മുറിച്ചു വെച്ചതെ ഉള്ളു…. നീ വന്നിട്ട് ചെയ്യാംനു കരുതിയിരിക്കുവായിരുന്നു… ഞാൻ ബാക്കി പണി നോക്കട്ടെ എന്നാൽ….…”

“ഹാ….എന്താ കറി….”

കണ്ണൻ ബീഫ് കൊണ്ട് തന്നിരുന്നു.. വരട്ടി എടുക്കാം എന്ന് വെച്ചു. നിന്റെ കൂടെ ഉള്ളോർക്കു പിടിക്കുവോ….

ചപ്പാത്തിക്ക് റോസ്റ്റ് പോരെ.. അതോ കറി ആക്കണോ…….

“മുഴുവൻ വരട്ടിക്കോ അമ്മച്ചി……. ഇല്ലേൽ തികയൂല….”