♨️മനസ്വിനി ?5️⃣ «??? ? ?????» 2967

രവി സാറിന്റെ മാറ്റം എല്ലാവരിലും അത്ഭുതവും ഇച്ചിരി പേടിയും നിറച്ചിട്ടുണ്ട്…. ഇതിന്റെ പുറകിൽ എന്താ സംഭവിച്ചത് എന്ന് ആർക്കും ഒരു പിടിയും ഇല്ല…

ഒരിക്കൽ നാരായൺ സാറിന്റെ അടുത്ത് ഈ കാര്യം സംസാരിച്ചപ്പോൾ എന്നോട് പറഞ്ഞത് എല്ലാം അമ്പലത്തിലെ പായസത്തിന്റെ പവർ ആണെന്നാണ്…. അതും പറഞ്ഞു പൊട്ടി ചിരിച്ചു… ഞാൻ ഒന്നും മനസിലാവാതെ ഒരു പൊട്ടനെ പോലെ ഇരുന്നു….

ഉച്ചയ്ക്ക് ഓഫീസിൽ നിന്നും ഇറങ്ങി ഒരു ഓട്ടോ വിളിച്ചു വീട്ടിൽ എത്തുമ്പോഴേക്ക് അമ്മച്ചി റെഡി ആയി നിൽപ്പുണ്ട്…. ബാഗൊക്കെ എടുത്ത് അതേ ഓട്ടോയിൽ തന്നെ ബസ് സ്റ്റാൻഡിലേക്ക് തിരിച്ചു…. രണ്ടരയ്ക്കുള്ള പയ്യന്നൂർ ഫാസ്റ്റിൽ നാട്ടിലേക്ക്….

മഴ കാരണം ബസ് ഉണ്ടാവുമോ എന്ന് ആദ്യം സംശയിച്ചിരുന്നു…. ഒടുവിൽ വിളിച്ചു കൺഫേം ചെയ്തിട്ടാണ് ഇറങ്ങിയത്….

മാനന്തവാടിയിൽ നിന്ന് എടുക്കുന്ന ബസ് ആയത് കൊണ്ടും ഉച്ച സമയം ആയതു കൊണ്ടും വല്യ തിരക്കില്ല….

ഡോറിന് തൊട്ടടുത്തുള്ള സീറ്റിൽ ഞാൻ സ്ഥാനം പിടിച്ചു…. തൊട്ടടുത്തു ഓപ്പോസിറ്റ് സൈഡിൽ ലേഡീസ് സീറ്റിൽ അമ്മച്ചിയും ഇരുന്നു…. അമ്മച്ചിക്ക് ബസിലെ കാറ്റ് അത്ര പിടിക്കില്ല….

ബസ് മാനന്തവാടിയിൽ നിന്നും എടുക്കുന്നതിനു തൊട്ടു മുൻപ് കയ്യിൽ മൂന്ന് നാല് ബാഗും ആയി അന്ന ബസിലേക്ക് കയറി വന്നു…ബാഗും താങ്ങി പിടിച്ചു കയറാൻ ബുദ്ധിമുട്ടുന്ന അന്നയുടെ കയ്യിൽ നിന്നും രണ്ട് ബാഗ് വാങ്ങി ഞാൻ സഹായിച്ചു… എന്നെ കണ്ടതും അവളും ഒന്ന് ചിരിച്ചു…..

“ചേട്ടായി നാട്ടിൽ പോന്നിണ്ടേനുവാ…..”

“കുറെ ആയില്ലേ പോയിറ്റ്… അമ്മച്ചിക്ക് ഒരെ നിർബന്ധം… പിന്നെ വേറേം കുറച്ചു ആവശ്യം ഇണ്ട്….”

“അമ്മച്ചി ഇണ്ടാ…. ഞാൻ എപ്പോം വിചാരിക്കും ഒന്ന് പരിചയപ്പെടണോന്ന്….”

അന്ന ബാഗ് ഒക്കെ ആയി നേരെ അമ്മച്ചിയുടെ സീറ്റിലേക്ക് ചെന്നു, ഞാൻ അന്നയെ അമ്മച്ചിക്ക് പരിചയപ്പെടുത്തി കൊടുത്തു….…..

അന്ന സീറ്റിൽ ഇരുന്ന ശേഷം ഞാൻ കയ്യിലിരുന്ന ബാഗ് അവൾക്ക് കൊടുത്തു…