♨️മനസ്വിനി ?5️⃣ «??? ? ?????» 2967

“പോയെ പോയെ…. ഞാൻ എങ്ങും ഇല്ല….”

“എന്തു സാധനാടീ….”

“ആ തന്നെ….”

“ആ നിനക്കു വേണ്ടേ വേണ്ട… ഇവിടെ ഒറ്റക്കിരുന്നോ… ഞാൻ പോകുവാ…..”

“ആ പൊക്കോ…..”

“ഞാൻ ശെരിക്കും പോകും….”

“പൊക്കോന്ന്….”

“അങ്ങനെ ഇപ്പൊ ഞാൻ പോണില്ല… നീ പറയുമ്പോഴേക്ക് പോകാൻ ഞാൻ ആര് നിന്റെ വാല്യക്കാരനോ….”

അവൾ മുഖത്ത് വന്ന ചിരി മറച്ചു പിടിക്കാൻ കുറെ കഷ്ടപ്പെടുന്നുണ്ട്….

“കഷ്ടപ്പെട്ട് പിടിച്ചു വെക്കേണ്ട… പൊട്ടട്ടങ്ങട്…..”

പറഞ്ഞു തീരും മുൻപേ അവൾ ചിരിക്കാൻ തുടങ്ങി… മഴത്തുള്ളികൾ ചിതറും പോലെ…..

ബസ് സ്റ്റോപ്പിൽ ഇരുന്ന് സംസാരിച്ചു കൊണ്ടിരിക്കുന്നതിനിടയിൽ നജുന്റെ ഫോൺ റിങ് ചെയ്യാൻ തുടങ്ങി…ഡിസ്പ്ലേയിലെ പേരു കണ്ടതും നജുന്റെ മുഖത്തു സന്തോഷം നിറഞ്ഞു….

കുറച്ചു മാറി നിന്ന് അവൾ കാൾ അറ്റൻഡ് ചെയ്തു… കുസൃതിയും കുറുമ്പും വാശിയും കുരുത്തക്കേടും ട്രോളും വിശേഷങ്ങളും എല്ലാം ഉണ്ടായിരുന്നു ആ സംസാരത്തിൽ… എനിക്ക് സത്യത്തിൽ അസൂയ തോന്നി….

കാൾ കട്ട് ചെയ്ത് എന്റെ അടുത്ത് വന്നിരിക്കുമ്പോൾ അവളുടെ മുഖം വിടർന്നിരുന്നു…