♨️മനസ്വിനി ?5️⃣ «??? ? ?????» 2967

“അല്ല… ഇച്ചായന്റെ വണ്ടി ആണോ ഇത്… ഏയ്യ് അല്ലാലോ….”

“കടം വാങ്ങിയതാ….”

“അയ്യേ….പറയുമ്പോ വല്യ എഞ്ചിനീയറൊക്കെയാ, ഇപ്പോളും ബൈക്ക് കടം വാങ്ങി നടക്കുവാണോ… പുതിയൊരെണ്ണം വാങ്ങ്‌ ഇച്ചായാ…..”

“എഞ്ചിനീയറൊക്കെ ഇപ്പൊ അല്ലെ ആയത് പെണ്ണേ… അതിനു മുൻപ് നാട്ടിൽ നല്ല രീതിയിൽ കടക്കാരനായിരുന്നു… ഇപ്പോഴാണ് ഒന്ന് നേരെ നില്ക്കാൻ തുടങ്ങിയത്…..”

“ഇച്ചായ… ഞാൻ ചുമ്മാ….”

“ഏയ്യ്… അതൊന്നും കൊഴപ്പില്ല…. സത്യം പറഞ്ഞാൽ ഞാനും ഒരു ബൈക്ക് വാങ്ങുന്നതിനെ കുറിച് ആലോചിച്ചു നിൽക്കുവായിരുന്നു….”

“മ്മ്….”

“ഇനിയെന്താ പരിപാടി…. കോളനിയിലേക്ക് പോകുന്നുണ്ടോ???”

“ഇല്ല…. ഞങ്ങൾ ഇന്നലെ അവിടെ ഉണ്ടായിരുന്നു…. ആ അത് പറഞ്ഞപ്പോഴാ… ഇന്നലെ കോൺട്രാക്ടറുടെ ആൾകാർ വന്ന് സാധനങ്ങൾ ഒക്കെ ഇറക്കിയിട്ടുണ്ടായിരുന്നു…”

“ഞാൻ കണ്ടു…..”

“ഇത് പറയാൻ ഇന്നലെ ഞാൻ ഇച്ചായനെ വിളിച്ചിരുന്നു.. പക്ഷെ കാൾ കണക്ട് ആകുന്നുണ്ടായിരുന്നില്ല… പിന്നെ മറന്നു…”

“ഞാൻ യാത്രയിൽ ആയിരുന്നു…. അതാ… ”

“ഓ….”

“നജു എങ്ങനെയാ തിരിച്ചു പോകുവാ… ഇനി ഇപ്പൊ ബസ് ഉണ്ടോ…???”

“ഇതിലെ വല്ലപ്പോഴുമേ ബസ് ഉണ്ടാവാറുള്ളു…. അല്ലെങ്കിൽ പനമരം പോകണം…. പനമരത്തേക്കുള്ള ബസും ഇനി അര മണിക്കൂർ കഴിഞ്ഞേ ഉള്ളു…..”

“എങ്കിൽ വാ… നമ്മക് ഓരോ ചായ കുടിക്കാം… കഴിഞ്ഞ ആഴ്ചത്തെ ആ കടം അങ്ങനെ തീരട്ടെ….”

“അത് വേണ്ട… ചോദിക്കുമ്പോ തരാത്തത് അവിടെ തന്നെ കടമായി കിടന്നോട്ടെ….”

“ജാഡ കളിക്കല്ലേ പെണ്ണേ… വാ…”

“ഞാൻ വരൂല…..”

“ഉറപ്പാണോ….”

“അതേ….”

“എങ്കിൽ നീ വണ്ടിയിൽ കയറു.. ഞാൻ പനമരം വരെ ഡ്രോപ്പ് ചെയ്യാം….. ഇവിടെ നിന്ന് വേര് മുളപ്പിക്കണ്ട….”