ഹൃദയരാഗം 26 [Achu Siva] 1047

” എടീ…. ഇതൊക്കെ ഞങ്ങൾക്ക് അറിയാവുന്നതല്ലേ…. എന്തിനാ ഇതെല്ലാം പറഞ്ഞ് പിന്നെയും സങ്കടപ്പെടുന്നത് “….

ഗീതു അവളുടെ വിഷമം കണ്ട് സഹിക്കാനാവാതെ പറഞ്ഞു….

” അല്ലെടീ…. ഞാന്‍ പറഞ്ഞു വന്നത് അതല്ല…. വേണു അങ്കിൾ വെറുമൊരു ഡ്രൈവര്‍ മാത്രമായിരുന്നില്ല…. അച്ഛന്റെ വിശ്വസ്തനായിരുന്നു…. അച്ഛന്‍ വേണു അങ്കിളിനെ ഒരു സുഹൃത്തിനെ പോലെയാണ് കണ്ടിരുന്നത്…. ഞങ്ങള്‍ക്കെല്ലാവർക്കും അത്ര പ്രിയപ്പെട്ട ആളായിരുന്നു വേണു അങ്കിൾ…. കുടുംബത്തിലെ ഒരു അംഗത്തെ പോലെ…. തിരിച്ച് അങ്കിളിനും അങ്ങനെയായിരുന്നു “….

അവള്‍ എന്താണ് പറഞ്ഞു വരുന്നതെന്നറിയാൻ അവർ ആകാംഷയോടെ ശ്രദ്ധിച്ചിരുന്നു….

” എന്നാല്‍ അങ്ങനെ ഉള്ള വേണു അങ്കിൾ, അച്ഛന്റെയും, അമ്മയുടെയും, ഏട്ടന്റെയും മരണ വിവരം അറിഞ്ഞ് വീട്ടിലോ, പിന്നീട് എന്നെ കാണാനോ, അന്വേഷിച്ചോ ഒന്നും വന്നില്ല “….

അത് പറഞ്ഞിട്ട് അവള്‍ അവരുടെ മുഖത്തേക്ക് നോക്കിക്കൊണ്ട് തുടര്‍ന്നു….

” അച്ഛന്‍ അങ്ങനെ ഡ്രൈവ് ചെയ്യാറില്ല…. എല്ലായ്പ്പോഴും അച്ഛന്റെ കൂടെ ഉണ്ടായിരുന്ന വേണു അങ്കിൾ നവീന്‍ പറഞ്ഞ ആ ആക്സിഡന്റ് നടക്കുമ്പോള്‍ അവരുടെ കൂടെ ഉണ്ടായിരുന്നില്ല “….

ഉള്ളില്‍ ഒരു കടല്‍ ഇരമ്പുന്നുണ്ടായിരുന്നെങ്കിലും അവള്‍ ഉറച്ച ശബ്ദത്തില്‍ പറഞ്ഞു കൊണ്ടേയിരുന്നു….

” ഞാന്‍ വിശ്വസിച്ചിരുന്ന പോലെ അവര്‍ ആത്മഹത്യ ചെയ്തതായിരുന്നു എങ്കില്‍, വേണു അങ്കിളിനെ കൂടെ കൂട്ടില്ല…. എന്നാൽ, നവീന്‍ അവരെ കൊലപ്പെടുത്തി എന്ന് തുറന്നു പറഞ്ഞ സ്ഥിതിക്ക് എന്തുകൊണ്ടാണ് വേണു അങ്കിൾ അന്ന് അവരുടെ കൂടെ ഉണ്ടാകാതിരുന്നത് ?…. അവര്‍ മരിച്ചപ്പോഴോ, പിന്നീടോ എന്നെ കാണാൻ പോലും വരാതെ ഇരുന്നത് എന്ത് കൊണ്ടാണ് ? “….

അവള്‍ പറഞ്ഞിട്ട് ചോദ്യ ഭാവത്തില്‍ അവരുടെ നേരെ നോക്കി….

ഇപ്പോള്‍ അവള്‍ പറഞ്ഞു വരുന്നത് എന്താണെന്ന് അവര്‍ക്ക് ഏകദേശം മനസ്സിലായി….

” നീ പറയുന്നത് മനസ്സിലാകുന്നുണ്ട്…. അപ്പോള്‍ വേണു അങ്കിളിന് എന്തെങ്കിലും അതിനെപ്പറ്റി അറിയാമെന്നാണോ നീ പറഞ്ഞു വരുന്നത് ? “….

അഞ്ജു അവളോട് ചോദിച്ചു….