ഹൃദയരാഗം 26 [Achu Siva] 1047

” ഞാൻ അധികം നാളായിട്ടില്ല മേഡം….ചേച്ചി രണ്ട് മൂന്ന് വര്‍ഷമായി ഈ ഹോസ്പിറ്റലിൽ ആണ് “….

അർച്ചനയാണ് മറുപടി നൽകിയത്….

” നിങ്ങൾ എപ്പഴും ഒരുമിച്ചാണല്ലോ…. നേരത്തെ അറിയുമോ ? “….

വാസുകി ചോദിച്ചു….

” ഞങ്ങൾ ഒരേ നാട്ടുകാരാണ് മേഡം…. എന്ന് വെച്ച് വീട് അത്ര അടുത്തൊന്നുമല്ല…. കണ്ടിട്ടുണ്ട്…. പിന്നെ ഇവിടെ വെച്ച് കൂടുതൽ പരിചയമായി…. ഏതായാലും മേഡത്തിനോട് ഇങ്ങനെ സംസാരിക്കാൻ പറ്റിയതിൽ ഒരുപാട് സന്തോഷം “….

രാജി വളരെ സന്തോഷത്തോടെ പറഞ്ഞു….

അതിനു മറുപടിയായി വാസുകി ഒന്നു ചിരിച്ചു….

ആ ദേവികയുടെ വിഷയം എങ്ങനെ ഒന്നു എടുത്തിടും….

വാസുകി തല പുകഞ്ഞു ആലോചിച്ചു….

” അന്ന് മുതലേ മേഡത്തിനെ ഒന്നു പരിചയപ്പെടണമെന്നുണ്ടായിരുന്നു…. ഇനി അത് ഇഷ്ടപെട്ടില്ലെങ്കിലോ എന്ന് ഓർത്തിട്ടാ…. ഞങ്ങളോടൊക്കെ മിണ്ടില്ലെന്നാണ് വിചാരിച്ചത്…. ഞാൻ അപ്പഴേ പറഞ്ഞില്ലേ ചേച്ചി മേഡം വെറും ഒരു പാവമാണെന്ന് “….

അർച്ചന പതിപ്പിക്കല്‍ തുടങ്ങി വെച്ചു….

” അതെയതെ മുൻപ് വന്നപ്പോ ഇവിടെ ഉള്ള ചില സ്റ്റാഫുകൾ മേഡം ഒരു ദേഷ്യക്കാരി ആണെന്നും, ആരോടും മിണ്ടില്ല എന്നുമൊക്കെ പറയുന്നുണ്ടായിരുന്നു…. പക്ഷേ ഞങ്ങൾക്ക് രണ്ടിനും അന്ന് മുതലേ അങ്ങനെ തോന്നിട്ടിയില്ല…. എല്ലാത്തിനും കുശുമ്പ് ആണെന്നെ…. മേഡത്തിന്റെ ഗ്ലാമർ കണ്ടിട്ടുള്ള അസൂയ…. വെറുതെ ഇല്ലാത്തതൊക്കെ പറഞ്ഞു പരത്തും “….

രാജിയും വാസുകിയെ നന്നായി പുകഴ്ത്തി പറയാൻ തുടങ്ങി….

വാസുകി അതിനൊന്നും മറുപടി പറയാതെ ചിരിച്ചു കൊണ്ടു തന്നെ നിന്നു….

” ഏതായാലും മേഡം വിനയ് സാറിന്റെ ഭാഗ്യമാണ്…. അത്രക്ക് ചേർച്ചയാണ് നിങ്ങൾ തമ്മിൽ…. ഇവിടെ എല്ലാവർക്കും അന്നൊക്കെ നിങ്ങളെ പറ്റി തന്നെയേ പറയാൻ നേരമുണ്ടായിരുന്നൊള്ളൂ “…

അർച്ചനയും ഒട്ടും കുറയ്ക്കാൻ പോയില്ല….

എന്റെ ദൈവമേ ഇവളുമാരുടെ സുഖിപ്പീരു കേട്ട് ഇന്നെന്റെ ചെവിയിൽ കൂടെ പുക വരാതെ ഇരുന്ന മതിയാരുന്നു…. എന്തോ ഉടായിപ്പ് ഉണ്ടല്ലോ…. ഹാ, നോക്കാം….

ആ ചിന്തയോടെ വാസുകി അവരെ തന്നെ കേട്ടു നിന്നു….