ഹൃദയരാഗം 26 [Achu Siva] 1047

വിനയ് വാസുകിയെ തന്റെ ക്യാബിനിലേക്ക് കൂട്ടി കൊണ്ടു പോയി…. അവിടെ വെയിറ്റ് ചെയ്യാൻ പറഞ്ഞതിന് ശേഷം മീറ്റിംഗിന് പോയി….

പിന്നെ കാണാം വാസുകി എന്ന് പറഞ്ഞു ദേവികയും പുറത്തേക് പോയി….

അവൾ വല്ലാത്ത ദേഷ്യത്തോടെ അവിടെ ചെയറിലേക് ഇരുന്നു….

എന്തോ ദേഷ്യവും സങ്കടവും ഒക്കെ കാരണം അവൾക്ക് ഇരിപ്പുറച്ചില്ല…. അവൾ അവിടെ നിന്നും എഴുന്നേറ്റു….

ശ്ശോ…. ഇനി ഞാൻ അരുണേട്ടനോപ്പം നിൽക്കുന്നത് വല്ലോം വിനയേട്ടൻ കണ്ട് കാണുമോ…. ഹേയ്…. എങ്കിൽ അപ്പോ തന്നെ കാര്യം തിരക്കിയെനേം…. അല്ലെങ്കിൽ തന്നെ ഞാന്‍ എന്തിനാ പേടിക്കുന്നത്….. എന്റെ ഫ്രണ്ടിന്റെ ബ്രദർ അവളെ കൂട്ടാൻ വന്നു….. അതിലിപ്പോ സംശയം തോന്നാനായി ഒന്നുമില്ലല്ലോ….

വാസുകി അതോർത്ത് സ്വയം സമാധാനിച്ചു….

ഈ ദേവികയേ പറ്റി കൂടുതൽ അറിയണമെന്ന് ഞാൻ അന്നേ കരുതിയതാ…. അവളുടെ ഒരു വിശേഷം തിരക്കൽ…. അല്പമെങ്കിലും ഉളുപ്പ് ഉണ്ടെങ്കിൽ അവൾ അതും മൂക്കിൽ തിരുകി ഇട്ട് നടക്കുമോ…. പാവമാണോ പാവത്തെ പോലെ അഭിനയിക്കുവാണോ ?….ഒന്നും മനസ്സിലാകുന്നില്ലല്ലോ….. ആരോടാ ഇവളെ പറ്റി ഒന്നു തിരക്കുന്നത്….

അവൾ എന്ത് ചെയ്യണമെന്ന് ആലോചിച്ചു ആ റൂമിലൊക്കെ നടന്നു…. കുറച്ചു സമയം കഴിഞ്ഞു ഡോർ തുറന്നു വെളിയിലേക്ക് ഇറങ്ങി….

എവിടെ നിന്നു തുടങ്ങും…. ആരോട് ചോദിക്കും . ആരെയും തീരെ പരിചയവും ഇല്ല…. അവൾ ഓർത്തു….

അവൾ മുന്നോട്ട് നടക്കാൻ തുടങ്ങി…. അവൾക്ക് എതിരെ നടന്നു വരികയായിരുന്ന രണ്ടു പേരിൽ അവളുടെ കണ്ണുകൾ ഉടക്കി…. അവള്‍ അവരെ സസൂക്ഷ്മം നിരീക്ഷിച്ചു…. എന്തോ ആലോചിച്ചെന്ന പോലെ ഒരു നിമിഷം നിന്നു….

അവരെ തിരിച്ചറിഞ്ഞതും വാസുകിയുടെ മുഖം തെളിഞ്ഞു, കണ്ണുകള്‍ തിളങ്ങി…. തുടങ്ങേണ്ടത് ഇവിടെ നിന്ന് തന്നെ…. അവള്‍ തീരുമാനിച്ചു….