ഹൃദയരാഗം 26 [Achu Siva] 1047

” എന്റെ ഫ്രണ്ടിന്റെ ഷോറൂമിൽ നിന്നു എടുത്ത് തരാമെന്നു ഞാൻ എത്ര നാളു കൊണ്ടു പറയുന്നു ” ….

വിനയ് അൽപ്പം നീരസത്തോടെ പറഞ്ഞു.

ഇത് കേട്ട വാസുകിയ്ക്കു ദേഷ്യം കൊണ്ട് തല ഇപ്പോ പൊട്ടി പോകുമെന്ന അവസ്ഥയിൽ ആയി….

ഓ ശൃംഗാരിക്ക് വണ്ടി എടുത്ത് കൊടുക്കാൻ എന്തൊരു ശുഷ്‌കാന്തി…. ഒരിക്കൽ പോലും എന്നോട് ഇങ്ങനൊരു വാക്ക് ചോദിച്ചിട്ടുണ്ടോ ?…. നമ്മൾ വെറും അഭയാർത്ഥി ആണല്ലോ, ഇതൊന്നും ആഗ്രഹിക്കാൻ പാടില്ലല്ലോ….

അവൾ സങ്കടം ഉള്ളിലൊതുക്കി….

” അതൊക്കെ കുറച്ചൂടെ കഴിഞ്ഞു നോക്കാം ഏട്ടാ…. അല്ലാ…. വാസുകി നന്നായി ഡ്രൈവ് ചെയ്യുമല്ലോ…. തനിക്കൊരു വണ്ടി എടുത്തൂടെ വാസുകി “….

ദേവിക വാസുകിയെ നോക്കി ചോദിച്ചു….

അതിനും അവൾ ഒരു പുഞ്ചിരിയായി മറുപടി ഒതുക്കി…. എങ്കിലും അവളുടെ കണ്ണുകൾ വിനയ്ലേക്ക് അറിയാതെ നീണ്ടു പോയി….

ദേവിക വിനയ് യുടെ നേരേ തിരിഞ്ഞു….

” എന്താണിത് ഏട്ടാ…. ആർവി ഗ്രൂപ്സ് ചെയർമാന്റെ വൈഫിനെ ഇങ്ങനെ ബസ്സിലെ ഇടി കൊള്ളാൻ വിടുന്നത് മഹാ മോശമാണ് കേട്ടോ”.. .

അവൾ ഒരു കളിയായി പറഞ്ഞു ചിരിച്ചു

അത് കേട്ട് ദേവികയ്‌ക്കൊപ്പം ചിരിച്ചെങ്കിലും വിനയ്ടെ മനസ്സിലും അത് എന്തോ ഒരു വേദന സൃഷ്ടിച്ചു…. താൻ ഒരിക്കൽ പോലും ഇതിനെ പറ്റി എന്ത് കൊണ്ടു ചിന്തിച്ചില്ല എന്ന ചോദ്യം അയാളുടെ മനസ്സിൽ പൊന്തി വന്നു….

വിനയ്ടെ മുഖം മങ്ങി….

” അല്ലേ വാസുകി ? “….

ദേവിക വീണ്ടും ചിരിയോടെ അവളെ നോക്കി….

” വിനയേട്ടനെ കളിയാക്കണ്ട ചേച്ചി …. കോളേജിൽ പോകാൻ തുടങ്ങിയപ്പോ തന്നെ വിനയേട്ടൻ എന്നോട് ഈ കാര്യം പറഞ്ഞതാണ്…. ഞാൻ ആണ് ഇപ്പോഴേ വേണ്ട, ഫ്രണ്ട്സിനൊപ്പം പോകുന്നതാണ് രസം എന്നൊക്കെ പറഞ്ഞ് അത് വേണ്ടാന്ന് വെച്ചത് “….

വാസുകി പറഞ്ഞു….

ഇത് കേട്ട വിനയ് അവളെ ഒരു ഞെട്ടലോടെ തിരിഞ്ഞു നോക്കി…. പക്ഷേ വാസുകി അതൊന്നും മൈൻഡ് ചെയ്തതേ ഇല്ല….