ഹൃദയരാഗം 26 [Achu Siva] 1047

” ഒരു പ്രത്യേക സാഹചര്യത്തില്‍ കല്യാണം നടന്നു എന്നും, എല്ലാം ഒന്ന് സെറ്റിൽഡ് ആയിട്ട് പാര്‍ട്ടി ഒക്കെ തരാമെന്നുമാണ് സര്‍ ഓഫീസിൽ പറഞ്ഞത് “….

അവനത് പറഞ്ഞിട്ട് ചിരിയോടെ വാസുകിയെ നോക്കി….

അവളും അത് കേട്ട് ചിരിച്ചു…..

പിന്നീട് അവന്‍ വിനയ് നേ പറ്റിയും, ബിസിനസ്സ് കാര്യങ്ങളെ പറ്റിയും അവനറിയാവുന്നത് വിശദമായി അവള്‍ക്ക് പറഞ്ഞു കൊടുത്തു…. വാസുകി എല്ലാം ശ്രദ്ധയോടെ കേള്‍ക്കുകയായിരുന്നു…. മനസ്സിലാക്കുകയായിരുന്നു…. അവളുടെ വിനയേട്ടനെ പറ്റി എല്ലാം….

ഇവർ സംസാരിക്കുന്നതെല്ലാം കേട്ട് ഇരിക്കുകയായിരുന്നു അഞ്ജുവും, ഗീതുവും…. ഇടയ്ക്കിടെ ഗീതു വാസുകിയോട് സംസാരിച്ചിരിക്കുന്ന അരുണിനെ കണ്ണിമ ചിമ്മാതെ നോക്കി ഇരിക്കുന്നുമുണ്ടായിരുന്നു….

സംസാരിച്ചു കഴിഞ്ഞ് ഒപ്പം ഭക്ഷണവും കഴിച്ച് കഴിഞ്ഞ് എഴുന്നേൽക്കാറായപ്പോൾ ആണ് വാസുകി മറ്റൊരു പ്രധാനപ്പെട്ട കാര്യത്തെ പറ്റിയോർത്തത്….

” അരുണേട്ടാ…. ആരോടായിരുന്നു ഞങ്ങൾ വരുമ്പോള്‍ അരുണേട്ടൻ ഷോപ്പിന് പുറത്ത് കാറില്‍ ചാരി സംസാരിച്ചോണ്ടിരുന്നത് ? “….

അവള്‍ അവനെ ഒന്ന് ചുഴിഞ്ഞ് നോക്കിക്കോണ്ട് ചോദിച്ചു….

അവള്‍ ചോദിക്കുന്നത് കേട്ടപ്പോള്‍ അഞ്ജുവും, ഗീതുവും മുഖത്തോട് മുഖം നോക്കിയിട്ട് ചെറിയ പരിഭ്രമത്തോടെ അവന്റെ നേരെ നോക്കി….

അവർ അപ്പോഴാണ് ആ കാര്യത്തെക്കുറിച്ച് ഓര്‍ത്തത്…. അവന്‍ എന്താണ് പറയാന്‍ പോകുന്നതെന്നറിയാൻ അവർ ശ്രദ്ധയോടെ ഇരുന്നു….