ഹൃദയരാഗം 15 [Achu Siva] 721

ഉം …..അവൾ തളർന്ന മനസ്സോടെ മുറിയിലേക്ക് പോയി വാതിൽ അടച്ചു കുറ്റിയിട്ടു..ആ വാതിലിലൂടെ തന്നെ ഊഴ്ന്നു താഴേക്ക് ഇരുന്നു …വിനയ്ടെ വാക്കുകൾ വീണ്ടും വീണ്ടും അവൾ മനസ്സിലേക്ക് കൊണ്ടു വന്നു …തന്റെ സ്നേഹം തുറന്നു പറഞ്ഞു ആ ഇടനെഞ്ചിന്റെ ചൂടിൽ മുഖം ചേർത്ത് ഇറുകെ പുണർന്നു  നിൽക്കുന്ന നിമിഷം  കിനാവ് കണ്ടാണ് ഇത്രയും ദിവസം തള്ളി നീക്കിയത്  എന്നിട്ട് ഒറ്റ നിമിഷം കൊണ്ടു വെറുമൊരു അന്യയായി തീർന്നില്ലേ ..

അവൾ കട്ടിലിൽ കയറി ചുരുണ്ടു കൂടി കിടന്നു …കരഞ്ഞു കരഞ്ഞു കണ്ണുനീര് വരെ പിണങ്ങി മാറി നിന്നു …

ശാരദാമ്മ വിനയ്നെ ആഹാരം കഴിക്കാൻ വിളിച്ചപ്പോൾ കൈക്കു വേദന ആണെന്ന് പറഞ്ഞു അയാൾ ഒഴിഞ്ഞു മാറി …എങ്കിലും അവരുടെ നിർബന്ധം സഹിക്ക വയ്യാതെ ഒടുവിൽ സമ്മതിച്ചു …സ്പൂൺ ഉപയോഗിച്ചു  ഇടതു കൈ കൊണ്ടു എന്തൊക്കെയോ കഴിച്ചെന്നു വരുത്തി വിനയ് എഴുനേറ്റ് പോയി …രണ്ടു പേരുടെയും പെരുമാറ്റത്തിൽ നിന്നും കാര്യമായ എന്തോ പ്രശ്നമുണ്ടെന്നു ശാരദാമ്മക്ക് ബോധ്യമായി …

അവൾ ഉച്ചയായിട്ടും അതെ കിടപ്പു തന്നെ കിടന്നു …പിന്നെ പതിയെ എഴുനേറ്റ്  ജനാലയുടെ അടുത്തു ചെന്നു നിന്നു  വിദൂരതയിലേക്ക് കണ്ണോടിച്ചു …ഒരു ഇളം തെന്നൽ അവളെ തഴുകി തലോടി കടന്നു പോയി ….അവളിൽ എന്തെന്നില്ലാത്ത ഒരു പുത്തനുണർവ് കൈ വന്നത് പോലെ അനുഭവപെട്ടു …

അരുത് വാസുകി ,നീ തളർന്നു പോകരുത് …കൂടുതൽ കരുത്താർജിക്കുകയാണ് വേണ്ടത് …ഇവിടെ പതറിപോയാൽ ഒരു പക്ഷേ നിന്റെ വിനയേട്ടനെ എന്നെന്നേക്കുമായി നിനക്ക് നഷ്ടപ്പെട്ടുവെന്ന് വരും …അത് നിനക്ക് സഹിക്കാൻ കഴിയുമോ ….

ഇല്ല …ഇല്ല …എനിക്കതിനു ഈ ജന്മം കഴിയില്ല ..

ഇവിടെ തോറ്റു പിന്മാറുകയല്ല വേണ്ടത് …എന്ത് വിലകൊടുത്തും നീ നിന്റെ സ്നേഹം സത്യമായിരുന്നുവെന്നു തെളിയിക്കണം വാസുകി ,എത്ര ആട്ടി പായിച്ചാലും അതിന്റെ പതിന്മടങ്ങു ശക്തിയോടെ അയാളിലേക്ക് നീ ആഴ്ന്നിറങ്ങുക തന്നെ വേണം ….നിനക്ക് അതിനു കഴിയും ,നിനക്കെ അതിനു കഴിയു …

Mr.വിനയ് മേനോൻ ,വാസുകി പണ്ട് മുതലേ ഒരു പിടി വാശിക്കാരിയാ ..ആഗ്രഹിച്ചതൊക്കെ നേടിയെടുത്തു തന്നെയാണ് എന്റെ ശീലം …ഇന്നെനിക് എന്റെ ജീവനേക്കാൾ ഏറെ പ്രിയപ്പെട്ടത് നിങ്ങളാണ്  ,എന്റെ ശരീരത്തിലെ ഓരോ അണുവും ആഗ്രഹിക്കുന്നത് നിങ്ങളെ  മാത്രമാണ് …ഒന്നിന് വേണ്ടിയും അത് വിട്ട് കളയാൻ ഞാൻ ഒരുക്കമല്ല …നേടിയിരിക്കും …സ്വന്തമാക്കിയിരിക്കും ….എന്തൊക്കെ സഹിക്കേണ്ടി വന്നാലും …അവൾ വല്ലാത്ത ദൃഢ നിശ്ചയത്തോടെ ഡോർ തുറന്നു വെളിയിലിറങ്ങി ….കരഞ്ഞു കലങ്ങിയ മുഖവുമായി മുറിയിൽ ചടഞ്ഞു കൂടിയ പഴയ വാസുകിയായിട്ടല്ല ….അവളുടെ സ്വപ്നത്തെ നേടിയെടുക്കാൻ കരുത്താർജ്ജിച്ച ഒരു പുതിയ വാസുകിയായി  …

അവൾ താഴെ ശാരദാമ്മയുടെ അടുത്തേക്ക് ചെന്നു …അവരെ നോക്കി സന്തോഷത്തോടെ പുഞ്ചിരിച്ചു …

ആ മോളു വന്നോ …ഇപ്പൊ ഉഷാർ ആയിട്ടുണ്ടല്ലോ …മിടുക്കി …സങ്കടം ഒക്കെ പോയില്ലേ …