ഒന്നും ഉരിയാടാതെ…

Onnum uriyadathe

Author : നൗഫു |||Previuse part

 

 

എന്തും വരട്ടെ എന്നുള്ള ചിന്തയുമായി ഞാൻ നാജിയയുടെ റൂം ലക്ഷ്യമാക്കി നടന്നു.. ചെറുതായി ഒരു ഭയം നിറയുന്നുണ്ട്, അത് കൊണ്ട് തന്നെ അവൾ മുകളിലേക്കു കയരുന്നുണ്ടോ എന്ന് നോക്കി, ഇല്ലന്ന് ഉറപ്പ് വരുത്തി കൊണ്ട് ഞാൻ മുറിയിലേക് കടന്നു…

 

ഒന്ന് കുളിക്കണം…

 

അടുത്ത് കണ്ട മേശക്ക് മുകളിൽ ഹാരിസ് ഇക്കാക്ക തന്ന മൂന്നു കവറുകളും വെച്ച് കൊണ്ട് അതിൽ നിന്നും ഒരു തോർത്ത്‌ എടുത്ത്, കൂടെ ഒരു ലുങ്കിയും.. വളരെ പെട്ടന്ന് കുളിച്ചു ഇറങ്ങുവാനായി ഞാൻ ആ മുറിയിലേക് കയറി…

 

ആ സമയം തന്നെ നാജിയയുടെ റൂമിന്റെ വാതിൽ തുറക്കുന്ന ശബ്ദം ഞാൻ കേട്ടു… തൊട്ട് പിറകെയായി എന്തൊക്കെയോ സാധനങ്ങൾ പറന്നു പോയി നിലത്തു വീഴുന്ന ശബ്ദവും.. കൂടെ എന്തൊക്കെയോ വിളിച്ചു പറയുന്നുണ്ട്…

 

ഹുസ്ന ഇത്തയുടെ ശബ്ദം അവിടെ കേൾക്കുന്നുണ്ട്..

 

“നാജി.. അവൻ നിന്റെ ഭർത്താവ് ആണ്.. ഇന്നലെ വരെ നിനക്ക് അവൻ ആരുമല്ലങ്കിലും ഇന്ന് നിനക്ക് മഹറു തന്നു ജീവിത വഴിയിൽ കൂടെ നടക്കാൻ സ്വീകരിച്ചവൻ..”

 

“ഞാൻ ആരുടേയും മഹർ സ്വീകരിച്ചിട്ടില്ല … നാജി ഹുസ്നയോട് കുറച്ചു കടുപ്പത്തോടെ പറഞ്ഞു…”

 

“അതൊന്നും പറഞ്ഞിട്ട് ഇനി കാര്യമില്ല മോളെ നീ കുറച്ചു പക്വതയോടെ പെരുമാറുക.. നിങ്ങൾക് ഒരുമിച്ചു പോകുവാൻ കഴിയില്ലെങ്കിൽ അവനിൽ നിന്നും വിടുതൽ വാങ്ങുവാൻ നിയമമുണ്ട്.. നീ ഒന്നുമല്ലെകിലും വിവരമുള്ള പെണ്ണല്ലേ. കുറച്ചു ദിവസം ഒന്ന് അഡ്ജസ്റ്റ് ചെയ്യൂ.. നമുക്ക് വേണ്ടത് പോലെ ചെയ്യാം..”