സുൽത്വാൻ 6 [ജിബ്രീൽ] 441

പെട്ടെന്ന് ഞെട്ടി മാറി അവൾ
“ചോര…… ” എന്നുപറഞ്ഞ് അവൻ്റെ മുഖത്തേക്ക് നോക്കി
ഷാനു പക്ഷേ അതൊന്നും അറിയുന്നുണ്ടായിരുന്നില്ല അവൻ അവളുടെ കരിനീല മിഴികളിൽ ഉത്തരങ്ങൾ പരതുകയായിരുന്നു

“ഇതെങ്ങനെയാ…. പറ്റിയെ….” അവളുടെ ശബ്ദം കുറച്ചുകൂടി ഉച്ചത്തിൽ മുഴങ്ങി

ഉറക്കത്തിലെന്നപോലെ ഞെട്ടിയ ഷാനു അവളുടെ നോട്ടം നെഞ്ചിലേക്ക് ആണെന്ന് മനസ്സിലായപ്പോൾ കാര്യം കത്തി “അതൊരു ചെറിയ മുറിവാണ് ” എന്നു പറഞ്ഞു അവളെ മറികടന്നു പോകാൻ നിന്നവൻ്റെ കൈപിടിച്ചവൾ നിർത്തി

“ഇതെങ്ങനെയാ സംഭവിച്ചത്… ”അവളുടെ ശബ്ദത്തിൽ വല്ലാത്തൊരു തീക്ഷ്ണതയുണ്ടായിരുന്നു

“അത് …ജിത്തുവിനെ കുറച്ച് ആളുകൾ ചേർന്ന്… അത് തടഞ്ഞപ്പോൾ അവരുടെ കയ്യിലെ കത്തി കൊണ്ടതാണ്” മുറിവ് മാളുവോ നിസാമോ കണ്ടുപിടിക്കുകയാണെങ്കിൽ അവരോട് പറയാൻ വേണ്ടി അവൻ ഒരു കള്ളം കണ്ടുപിടിച്ചിരുന്നു പക്ഷേ എന്തുകൊണ്ടാണെന്ന് അറിയില്ല അവനത് റാഹിയോടു പറയാൻ കഴിഞ്ഞില്ല

അവളവൻറെ കൈവിട്ടു . അവനവളെ മറികടന്നു പോയി

അവളുടെ മനസ്സിൽ പരിഭ്രാന്തി നിറയാൻ തുടങ്ങി ഇന്നലെ കണ്ട സ്വപ്നവും അവൻറെ നെഞ്ചിലെ മുറിവും…..
അവൾക്ക് പക്ഷേ ഒന്നിനും വ്യക്തമായ ഒരു ഉത്തരം അവളുടെ മനസ്സു കൊടുത്തില്ല

♦♦♦♦♦♦♦♦♦♦♦♦♦♦♦♦

ഷാനുവും റാഹിയും റാഹിയുടെ കാറിൽ കോളേജിലേക്കു പോകുകയാണ് മാളുവിനോടും നിസാമിനോടും ഷാനു ഉണ്ടാക്കി വച്ചിരുന്ന കള്ള കഥ പറഞ്ഞ് വിശ്വസിപ്പിച്ചു
“രാഘവേട്ടന്റെ വീട്ടിൽ പോയിരുന്നല്ലേ ………” കാറിലെ നിശബ്ദതയെ ഭേതിച്ചു ഷാനു ചോദിച്ചു
അവൾ പെട്ടന്ന് ഒന്ന് ഞെട്ടിയെങ്കിലും അവൾ അതെ എന്ന രീതിയിൽ തല കുലുക്കി
അവൾ അവൻ എന്തിനാണ് പോയതെന്ന ചോദ്യം ചോദിക്കുമെന്നു പ്രധീക്ഷിച്ചു കൊണ്ടിരുന്നു

പക്ഷേ ഷാനു പിന്നീടൊന്നും പറഞ്ഞില്ല