സുൽത്വാൻ 2 [ജിബ്രീൽ] 448

അലർച്ച കേട്ട് എല്ലാവരും തിരിഞ്ഞു നോക്കുമ്പോൾ വെള്ള മുണ്ടും ഷർട്ടും ധരിച്ച് ഒരാൾ അവരുടെ അടുത്തേക്ക് നടന്നു വരുന്നതാണ് കണ്ടത്

അയാൾ വരുന്നത് കണ്ട ജാസിർ കുറച്ച് മാറി നിന്നു

” എന്താ ഇത് ഗുണ്ടാ തെരുവോ ” അയാൾ ദേശ്യത്തിൽ ചോദിച്ചു

” ഒരു സ്റ്റുഡന്റിനെ തല്ലി ചതക്കാൻ മാത്രം എന്ത് അധികാരമാണ് നിനക്ക് ഇവിട ഉള്ളത് നീ കോളേജ് ചെയർമാൻ ആണെന്നുള്ളതോ അതോ നിന്റെ വാപ്പ ഇവിടുത്തെ അഡ്മിനിസ്റ്റ്രേറ്റർ ആണെന്നുള്ളതോ അതോ നിന്റെ വല്ല്യാപ്പ എം എൽ എ ആണെന്നുളള തോ ദാ നോക്ക് ജാസിർ ഞാനാണ് ഇവടെ പ്രിൻസിപ്പൽ കുടുബത്തിന്റെ സ്വാതീനം ബാക്കി കുട്ടികളുടെ നെഞ്ചെത്തേക്ക് കയറാനുള്ള ലൈസൻസ് അല്ല ഞാൻ പ്രിൻസിപൽ ആയിരിക്കുന്നടത്തോളം അത് സമ്മദിക്കുകയും ഇല്ല ” അയാൾ ദേശ്യം കൊണ്ട് വിറക്കുകയാണ്

ജാസിർ പ്രിൻസിപ്പലിന്റെ മുഖത്ത് നോക്കി പുഛിച്ച് അവിടെ നിന്ന് നടന്നു പോയി അവന്റെ പുറകെ അവന്റെ ടീമും

പ്രിൻസിപ്പൽ നിസാമിനെ പിടിച്ച് എഴുന്നേൽപ്പിച്ചു കൂടെ അദ്ലയും ഉണ്ട്