സതി [ദേവദേവൻ] 57

എനിക്കറിയാം ഒരുനാൾ അവൾ എല്ലാം അറിയും .പക്ഷെ അതുവരെ അവളുടെ മമ്മിയുടെ ലാളനയും പ്രതീക്ഷിച്ചു അവൾ കഴിയട്ടെ .

അവളുടെ മമ്മിക്ക് പകരമാവാൻ  എനിക്കാവില്ല . പക്ഷെ എന്റെ മോൾക്ക് പപ്പയുടെയും മമ്മിയുടേയും സ്നേഹം ഒരുമിച്ചു കൊടുക്കാൻ ഞാൻ ശ്രെമിക്കും .

പലപ്പോഴും തളർന്നു പോകുന്നുണ്ട് ഞാൻ . പക്ഷെ നീ എനിക്ക് തന്ന ഏറ്റവും വലിയ സമ്മാനമാണ് നമ്മുടെ ജോ . കണ്ണിലെ കൃഷ്ണ മണി പോലെ ഞാൻ നോക്കും അവളെ . ഒരച്ഛന്റെ ഉറപ്പാണത് .കടമയും

” റോയി താൻ ഉറങ്ങുകയാണോ .”

സാം വന്നു തട്ടി വിളിച്ചപ്പോഴാണ് റോയി ചിന്തകളിൽ നിന്നും ഉണർന്നത് .

“താൻ കഥയും എഴുതോ “

മുന്നിലെ ലാപ്ടോപ്പിൽ കണ്ണോടിച്ചു സാം ചോദിച്ചു .

റോയി വെറുതെ ചിരിച്ചു

“ആ അലയൻസ് നമുക്ക് ആലോചിച്ചാലോ . നല്ല കൂട്ടരാണ് . സെക്കന്റ്‌ മാര്യേജ് അവർക്കൊരു പ്രശ്നമല്ല എന്ന് പറഞ്ഞിരുന്നു “

പ്രതീക്ഷയോടെ സാം റോയിയെ നോക്കി

“അത് ശെരിയാവില്ല സാം . ഞാൻ പല പ്രാവശ്യം പറഞ്ഞതല്ലേ ആനിക്ക് പകരം മറ്റൊരാൾ അതെനിക്ക് ചിന്തിക്കാനാവില്ല.”

“പക്ഷെ ജോ . അവൾക്ക് ഒരമ്മ വേണ്ടേ എത്രകാലം നീ ഒറ്റക്ക് അവളെ വളർത്തും . അവൾക്ക് അമ്മയുടെ ആവശ്യം വരുന്ന സന്ദർഭങ്ങൾ വരും .ആ സമയത്ത് നിനക്ക് ചിലപ്പോൾ  ഒന്നും ചെയ്യാനായെന്ന് വരില്ല “

സാം അവനെ ഓർമ്മിപ്പിച്ചു .