ശിവാത്മിക VII [മാലാഖയുടെ കാമുകൻ] 1615

അപ്പക്കും വൈഷ്ണവിക്കും അത് മനസിലായില്ല.. അവർ ജയനോട് പറയാം എന്ന് മനസ്സിൽ ചിന്തിച്ചിരുന്നു.

“എന്റെ ഒരു ഫ്രണ്ട് ഉണ്ട്.. അവനോടു പറയാം..”

പ്രിൻസ് ഉടനെ ഫോൺ എടുത്തു അവന്റെ സിഐ ഫ്രണ്ടിനെ വിളിച്ചു.. ഉടനെ കാര്യം പറഞ്ഞു..

“അച്ചായാ..?”

അവൻ മാറി നിന്നപ്പോൾ ആലീസ് അവന്റെ അടുത്ത് ചെന്നു..

“ഞാൻ കാരണം ആണല്ലേ..? “

അവന്റെ കണ്ണ് നിറഞ്ഞിരുന്നു.. അവൾക്കും ഉത്തരം ഉണ്ടായിരുന്നില്ല..

“എവിടെപോയാണ്‌ അന്വേഷിക്കുക മോളെ ഞാൻ അവളെ..?”

അലിസിന് ഉത്തരം ഇല്ലായിരുന്നു.. അവൾ വൈഷ്ണവിയുടെ അടുത്ത് ചെന്നു..

“ശിവക്ക് കുഴപ്പം ഉണ്ടാകില്ല.. നിങ്ങൾ പൊയ്ക്കോളൂ.. വാക്ക് തരുന്നു.
അവളെ കണ്ടു പിടിച്ചു കൊണ്ടുവരും.. ഉറപ്പ്..വിശ്വസിക്കാം.. എന്നാലും അവളുടെ കൂട്ടുകാരുടെ വീടുകൾ ഫാമിലി എല്ലാം നിങ്ങൾ ഒന്ന് അന്വേഷിക്കണം.. പ്ലീസ്.. ഇപ്പോൾ നമ്മൾ ഒരുമിച്ചു നിൽക്കണം വൈഷ്‌ണു..”

അത് കേട്ടപ്പോൾ വൈഷ്‌ണവി തലകുലുക്കി..

“പോകുന്നില്ല.. ഞങ്ങൾ ഇവിടെ നിൽക്കാം…”

അപ്പ പറഞ്ഞപ്പോൾ ആരും ഒന്നും മിണ്ടിയില്ല..

പ്രിൻസ് വീണ്ടും കുറച്ചു കാളുകൾ ചെയ്തു.. ആലീസും..

“ഇപ്പോൾ വരാം..”

ആലീസ് അവളുടെ വണ്ടിയിൽ കയറി അത് കുതിച്ചുപാഞ്ഞു മുൻപോട്ട് പോയി..

പ്രിൻസ് നേരെ സ്റ്റേഷനിലേക്ക് ആണ് പോയത്..

സിഐ അവനെയും കൂട്ടി cctv ചെക്ക് ചെയ്യാൻ തുടങ്ങി..

അവൾ പോയ ദിവസത്തിന്റെ തലേ ദിവസം രാത്രി മുതൽ അവർ നോക്കി.. പല cctv ഫുറ്റേജ് നോക്കി..

അവസാനം ഒരെണ്ണത്തിൽ നോക്കിയപ്പോൾ നേരം വെളുക്കാൻ ആയപ്പോൾ അവൾ ബസ് സ്റ്റോപ്പിൽ വന്നു നിൽക്കുന്നത് കണ്ടു.