വിവാഹം 2 [മിഥുൻ] 159

“കാർത്തീ നീ പോയി ഫോൺ റെക്കോർഡ്സ് എടുക്ക്. ഞാൻ അപ്പോഴത്തേക്കും ഇയാളുടെ ഡീറ്റെയിൽസ് എടുക്കട്ടെ…. നമ്മുക്ക് ഇന്ന് തന്നെ ഇതിനെ പറ്റി ഒരു തീരുമാനം ഉണ്ടാക്കണം….”

“ഓകെ സാർ … ഞാൻ പോയിട്ട് വരാം….”

ഞാൻ പോയി തിരക്കിയപ്പോൾ കിട്ടിയ വിവരങ്ങൾ എല്ലാം ഞെട്ടിക്കുന്നതായിരുന്നു. മരിച്ച രാജീവും അരവിന്ദും മികച്ച കൂട്ടുകാർ ആയിരുന്നു. കോളജിൽ പഠിക്കുന്ന കാലം മുതൽ ഒന്നിച്ചു നടന്ന കൂട്ടുകാർ… രാജീവിൻ്റെ പേരിലും അങ്ങനെ അറിയപ്പെടുന്നതോ അറിയപ്പെടാത്തതോ ആയ കേസുകൾ ഒന്നും ഇല്ലായിരുന്നു. മാത്രമല്ല ടൗണിൽ നിന്നും മാറി ഒരു ഒഴിഞ്ഞ സ്ഥലത്ത് രാജീവിൻ്റെ ബൈക്ക് സ്റ്റാൻഡിൽ വച്ച് റോഡിൻ്റെ സൈഡിൽ തന്നെ ഉണ്ടായിരുന്നു. മാത്രമല്ല അതിൻ്റെ മുന്നിലായി ഫോണും കിടപ്പുണ്ടായിരുന്നു.

ഞാൻ വേഗം കാർത്തിയേ വിളിച്ചു. “നമ്മുക്ക് ഒരു അപ്ഡേറ്റ് ഉണ്ട്. മരിച്ച രാജീവും അരവിന്ദും കൂട്ടുകാർ ആണ്. ഇവരുടെ ഈ കൂട്ടിൽ പെട്ട എല്ലാവരെയും വാച്ച് ചെയ്യണം. അതിനു മുന്നേ താൻ പോയ കാര്യം എന്തായി.”

“സാർ ഞാൻ അങ്ങോട്ട് വന്നൊണ്ടിരിക്കുകയാണ്. സാർ ഓഫീസിലേക്ക് പൊന്നോളൂ…

ഞാൻ വേഗം തന്നെ ഓഫീസിലേക്ക് പോയി.

അധികം വൈകാതെ തന്നെ കാർത്തിയും അവിടെ എത്തി.

“സാർ, ഫോൺ റെക്കോർഡ്സിൽ അവസാനത്തെ കോൾ അയാളുടെ ഭാര്യ തന്നെ ആണ്. ആ വഴിക്ക് നോക്കിയാൽ ഈ ഭാര്യ പറഞ്ഞിട്ടാണ് ഇരുവരും ഫോറസ്റ്റ് ഏരിയായിലേക്കു പോയെതെങ്കിലോ?”

ഒന്ന് നിർത്തിയ ശേഷം കാർത്തി വീണ്ടും തുടർന്നു.. “രാജീവിൻ്റെ ഫോൺ ലോക്കേഷൻ ഫോറസ്റ്റ് ഏരിയായ്ക് അടുത്ത് തന്നെ ആണുള്ളത്.”

കാർത്തിയും ഞാനും കൂടെ മരിച്ചവരുടെ ഭാര്യമാരെ കാണാൻ പോയി. അവിടെ നിന്ന് ലഭിച്ച വിവരവും തികച്ചും അവിശ്വസനീയമായിട്ടാണ് തോന്നിയത്.