വിചാരണ[മിഥുൻ] 126

എല്ലാ സംശയങ്ങൾക്കും അഭിയുടെ അടുത്തേക്കായിരുന്നു കൃഷ്ണ ഓടി വരുന്നത്. അത് അഭിയ്ക്കും ഇഷ്ടമായിരുന്നു.

 

അങ്ങനെ ദിവസങ്ങൾ കടന്നു പോയി. ജോലി കഴിഞ്ഞ് റൂമിലെത്തിയ അഭി കട്ടിലിലേക്ക് ചാടിക്കേറി കിടന്നു. അങ്ങനെ ഒരു ശീലം ഇല്ലാത്തത് ആയിരുന്നു. എങ്കിലും കിരൺ നേരെ കുളിമുറിയിലേക്ക് കയറി.

 

കുളി കഴിഞ്ഞ് നോക്കിയപ്പോഴും അഭി കട്ടിലിൽ തന്നെ കിടക്കുന്നു… അവനെ വിളിച്ചപ്പോൾ അവൻ ഒരു കള്ള ചിരിയുമായി നോക്കുന്നതാണ് കണ്ടത്.

 

“എന്താടാ ഒരു കള്ളച്ചിരി..?”

 

“എടാ കൃഷ്ണ എങ്ങനുണ്ട്…?”

 

“എന്താടാ.. എന്ത് പറ്റി? അവള് ഒരു നല്ല കൊച്ചു ആണല്ലോ… നല്ലതായി കോടിങ്ങും ചെയ്യുന്നുണ്ട്.”

 

“അവളെ എനിക്ക് ഇഷ്ടമാടാ. ഞാൻ അവളോട് എൻ്റെ ഇഷ്ടം തുറന്നു പറയട്ടെ?”

 

“നിനക്കു പ്രാന്താ… ഒരു പ്രേമം… മണ്ണാങ്കട്ട.”

 

“നീ പോടാ അൺ റൊമാൻ്റിക് മൂരാച്ചി…”

 

“നിനക്കെന്താ പ്രേമത്തോട് ഇത്ര ദേഷ്യം. വല്ല കരിഞ്ഞ ജീവിതം ആണോ സാറേ സാറിൻ്റെ ഫാഷ് ബ്ലാക്ക്…”

 

“എന്തോന്ന്..?”

 

“എടാ ഫ്ലാഷ്ബാക്ക് എന്ന്.”

 

“ഒന്ന് പൊയെടാ അവിടുന്ന്. അവൻ്റെ ഒരു കരിഞ്ഞ ജീവിതം.” ഇതും പറഞ്ഞു ഫ്ലാറ്റിൻ്റെ ഗ്യാലറിയിൽ പോയി ഇരുന്നു. അഭി ഓടിപ്പോയി കുളിച്ചു വന്നു അവൻ്റെ കൂടെ ഇരുന്നു.

 

“എന്താ മോനെ കിരണേ വിദൂരതയിലേക്ക് നോക്കി ഇരിക്കുന്നത്. ഞാൻ മുന്നേ ചോദിച്ചത് മനസ്സിൽ കൊണ്ടോ.”

 

“വെറുതെ നീ ചൊറിയാതെ പോക്കെടാ. എനിക്ക് പ്രേമവും ഒന്നും ഇല്ലായിരുന്നു. എനിക്കിഷ്ടമല്ല ഈ പ്രേമം ഒക്കെ.”

 

“അന്നാൽ എനിക്ക് ഇഷ്ടമാണ്. കൃഷ്ണയെ കണ്ടപ്പോൾ മുതൽ എനിക്ക് സ്പാർക്ക് അടിച്ചതാ.”

 

“എത്ര തവണ മോന് ഇങ്ങനെ സ്പാർക്ക് അടിച്ചിട്ടുണ്ട്?”