വിചാരണ[മിഥുൻ] 126

അവർ വരുന്നത് കണ്ട കിരൺ അഭിയോട് ചോദിച്ചു… “അവൾ ആള് എങ്ങനുണ്ടെടാ… എനിക്ക് ഓവർ സ്മാർട്ട് ആണോന്നൊരു സംശയം…”

 

“നിനക്കു ഇതുവരെ ഇല്ലാത്ത അസുഖവും തുടങ്ങിയോ…. ഈ പരദൂഷണം… അവള് പാവമാണെന്നാ എനിക്ക് തോന്നിയത്…”

 

അഭിയുടെ വാക്ക് കേട്ട് കിരണിനു സ്വന്തമായി ഒരു പുച്ഛം തോന്നി… കിരൺ ഉച്ചത്തിൽ ടീമിൽ ഉള്ളവരെല്ലാം കേൾക്കുന്ന വിധത്തിൽ പറഞ്ഞു…

 

“ഹലോ ഓൾ… മീറ്റ് മിസ് കൃഷ്ണപ്രിയ…. ന്യൂ മെമ്പർ ഓഫ് അവർ ടീം…”

 

എല്ലാവരും കയ്യിടിച്ച് കൃഷ്ണയെ അവരുടെ ടീമിലേക്ക് സ്വീകരിച്ചു…

 

കിരൺ തുടർന്നു… “ഇദ്ദേഹം നമ്മുടെ ടീമിൽ ട്രെയിനിങ്ങിന് വന്നതാണ്… ചിലപ്പോൾ ടീം ചേഞ്ച് ഉണ്ടാകും എന്ന് ശ്രേയ ചേച്ചി(കമ്പനിയിലെ എച്ച് ആർ) പറഞ്ഞിരുന്നു… എങ്കിലും വെൽകം ടൂ അവർ ടീം…” കിരൺ കൃഷ്ണയുടെ നേരെ തിരിഞ്ഞ് കൊണ്ട് പറഞ്ഞു..

 

ശേഷം ടീമിലുള്ള ഓരോരുത്തരെയും പരിചയപ്പെടുത്താൻ തുടങ്ങി….

 

ബാക്കി എല്ലാവരെയും പരിചയപ്പെടുത്തിയ ശേഷം ഇനി അഭിയെയും കിരണിനെയും കൂടെ പരിചയപ്പെടുത്താൻ ഉണ്ടായിരുന്നുള്ളൂ..

 

“ഇത് അഭിരാം… ഞങ്ങളും അഭി എന്ന് വിളിക്കും… എല്ലാ ടീമിലും ടീം മെമ്പർസിൻ്റെയും ക്വാളിറ്റി അനാലിസിസ് ചെയ്യാൻ ഓരാൾ ഉണ്ടാകും… നമ്മുടെ ടീമിൽ അത് ചെയ്യുന്നത് അഭി ആണ്….”

 

കിരൺ സ്വയം പരിചയപ്പെടുത്താൻ തുടങ്ങിയപ്പോൾ അഭി ഇടക്ക് കയറി പറയാൻ തുടങ്ങി….

 

“ഇത് കിരൺ… നമ്മുടെ ടീമിൻ്റെ അഡ്മിൻ എന്നുതന്നെ പറയാം… കമ്പനിയിൽ നമ്മുടെ ടീമിനെ റപ്രസെൻ്റ് ചെയ്യുന്ന ആൾ… എൻ്റെ മാത്രം ക്വാളിറ്റി അനാലിസിസ് ചെയ്യുന്ന ആൾ… കിരണിൻ്റെ ക്വാളിറ്റി അനാലിസിസ് ഞാനാണ് ചെയ്യുന്നത്… അങ്ങനെ നമ്മുടെ ടീമിലെ ഓൾ ഇൻ ഓൾ…”

 

“ഡാ ഇരുന്നു തള്ളാതടെയ്…” കിരൺ അവൻ്റെ വാക്കുകളെ കേട്ടുകൊണ്ട് പറഞ്ഞു…

 

അഭി തുടർന്നു… “നമ്മുടെ കമ്പനി വളരെ ഫ്രണ്ട്‌ലി ആണ്… അതുകൊണ്ട് തന്നെ ഇവിടെ ആരും ആരെയും സാർ എന്നൊന്നും വിളിക്കില്ല… ഒന്നുകിൽ പേര് വിളിക്കാം… അല്ലെങ്കിൽ ചേട്ടാ/ചേച്ചീ എന്ന് വല്ലതും വിളിക്കാം…  ബാക്കി ഒക്കെ നമ്മുക്ക് വഴിയേ പഠിക്കാം… ദേ അതാണ് സീറ്റ്… അവിടെ ഇരുന്നോളൂ… ലോഗിൻ ഒക്കെ ശ്രേയ ചേച്ചി മെയിൽ അയച്ചിട്ടുണ്ടാകും… ഇല്ലെന്നുണ്ടെങ്കിൽ ഉടൻ വരും… അതിൽ കൊടുത്തിട്ടുള്ള ലിങ്കുകളിൽ ലോഗിൻ ചെയ്തു വെയ്റ്റ് ചെയ്യ്… ഞങ്ങളിലാരേലും വന്നു ബാക്കി പറഞ്ഞു തരും…”

 

ടീമിലെ അനു എന്ന കുട്ടിയെ കൃഷ്ണയ്ക്ക് പറഞ്ഞു കൊടുക്കാൻ ഏൽപ്പിച്ചു…

 

എല്ലാവരോടും പെട്ടെന്ന് അടുക്കുന്ന ഒരു പ്രകൃതം ആയിരുന്നു കൃഷ്ണയുടെത്… പക്ഷേ കൃഷ്ണയുമായി അടുക്കാത്തത്ത് കിരൺ മാത്രം ആയിരുന്നു. അഭിയുമായി വളരെ വേഗന്നു തന്നെ കൃഷ്ണ അടുത്തു. അഭിയേട്ടാ എന്ന കൃഷ്ണയുടെ വിളി തന്നെ കേൾക്കാൻ നല്ലതായി തോന്നി.