രുദ്ര വീരസിംഹൻ -THE WARRIOR PRINCE-part-7[PONMINS] 453

“ നിങ്ങളുടെ പ്രശ്നം എന്ത് തന്നെ ആയാലും ആര് തന്നെ ആയാലും ഞാൻ ഉണ്ടാവും ,ഞാൻ സഹായിക്കും , ഇത് എന്റെ വാക്ക് “

അവന്റെ ഘനഗംഭീര്യം നിറഞ്ഞ വാക്കുകൾ ആ പെൺകുട്ടികളുടെ ഉള്ളിലേക്ക് ഒരു കുളിർമഴയായി പെയ്തിറങ്ങി , അവരിൽ ആശ്വാസത്തിന്റെ ഒരു നിശ്വാസം ഉയർന്നു ,രണ്ടുപേരും മുഖത്തോട് മുഖം നോക്കി ആശ്വാസത്തോടെ ചിരിച്ചു , പിന്നെ കൈകൾകൂപ്പിക്കൊണ്ട് തന്നെ അവനെ നോക്കി ഇരുന്നു , അവൻ അവരെ പിടിച്ചുപൊക്കി കസേരയിൽ ഇരുത്തി ,അവരോട് ജ്യൂസ് മുഴുവൻ കുടിക്കാൻ പറഞ്ഞു , അവർ അത് പോലെ തന്നെ ചെയ്തു ,അപ്പോഴേക്ക് കണ്ണനും ഒമറും അവിടെ എത്തി , അവരും അവിടെയുള്ള ചെയറിലേക്ക് ഇരുന്നു , കണ്ണൻ അച്ചുവിന്റെ കയ്യിലെ പേപ്പറിലേക്ക് ഒന്ന് നോക്കി ശേഷം അതിന്റെ ഒരു ഫോട്ടോ എടുത്ത് ആർക്കോ അയച്ചു ,

അച്ചു : ഇനി പറയു എന്താ ശെരിക്കും ഉള്ള പ്രശ്നം ,,, അവൻ അവരോട് ചോദിച്ചു

ചാരു :സാർ ഞങ്ങളെ തെറ്റിദ്ധരിക്കരുത് ,ഞങ്ങൾ പറയുന്നത് എല്ലാം വിശ്വസിക്കുമോ എന്നും അറിയില്ല , പക്ഷേ ഞങ്ങളെ ഇങ്ങോട്ട് അയച്ചവർ ഞങ്ങളോട് പറഞ്ഞത് ഞാൻ പറയാം ,,, അവൾ അച്ചുവിനെ നോക്കി ഒന്ന് ദീർഘനിശ്വാസം എടുത്തു .

“ ഒരു തെയില ഫാക്ടറിയിലെ സാദാരണ തൊഴിലാളികുടെ മക്കൾ ആണ് ഞങ്ങൾ , ആ ഫാക്ടറിയുടെ പഴയകാല മുതലാളി അവിടുത്തെ ജനങ്ങൾക്ക് വേണ്ടി പല പല നല്ല കാര്യങ്ങൾ ചെയ്തിരുന്നു , മക്കൾക്ക് പഠിക്കാൻ സ്കൂൾ ,ഹോസ്പിറ്റൽ , കോളേജ് അങ്ങനെ പലതും എന്നാൽ 25 വർഷം മുന്നേ അദ്ദേഹവും സുഹൃത്തുക്കളും ആരാലോ കൊല്ലപ്പെട്ടു , അതോടെ ഇതെല്ലം നോക്കി നടത്തുന്നവർ അക്രമമായി തന്നെ പിടിച്ചെടുത്തു കൂടെ അവരുടെ ബന്ധുക്കളും ചേർന്നതും എല്ലാം അവർക്ക് അനുകൂലമായി , ഞങ്ങളുടെ ദുരിതം അവിടെ തുടങ്ങി , സ്ത്രീകളുടെ മാനം അവർക്ക് കളിപ്പാട്ടം പോലെ അവർക്ക് തോന്നുന്നത് പോലെ തട്ടികളിക്കാൻ തുടങ്ങി , ആ എസ്റ്റേറ്റ് കോളനി വിട്ട് ഒരാൾക്ക് പോലും പുറത്തു പോകാൻ അനുവാദം ഇല്ലാതെ ആയി അതിനു ശ്രേമിച്ചവരെ എല്ലാം അവർ കൊന്ന് തള്ളി , എസ്റ്റേറ്റിലെ സ്ത്രീകൾ കഴിഞ്ഞ 25 വർഷം ആയി ആരുടേത് എന്ന് പോലും അറിയാത്ത കുഞ്ഞുങ്ങളെ പ്രസവിക്കാൻ തുടങ്ങി , എന്നാൽ പ്രസവിച്ച കുട്ടികളെ എല്ലാം അവർ ജനിച്ച ഉടൻ കൊണ്ടുപോകും അതിൽ ചില പെൺകുട്ടികൾ മാത്രം അവർ തിരിച്ചുകൊണ്ടു വന്ന് അവരുടെ അമ്മമാരേ ഏൽപ്പിക്കും , ബാക്കി ഉള്ള കുട്ടികളെ എന്ത് ചെയ്യുന്നു എന്ന് പോലും ആർക്കും അറിയില്ല , കോളനി മൊത്തം കാവലിനായി ആളുകൾ ഉണ്ട് , ഞങ്ങൾ രണ്ടുപേരെയും ഒരുപാട് കഷ്ട്ടപെട്ടാണ് അവരുടെ കണ്ണിൽ നിന്നും മറച്ചു വളർത്തിയത് , അതിനു എല്ലാവരും ഒന്നിച്ചു തന്നെ നിന്നു അതിനു ഒരു കാരണവും ഉണ്ടായിരുന്നു ,,, അവൾ അത്രയും പറഞ്ഞു നിർത്തി

ഒമർ : എന്ത് കാരണം ,,, അവൻ ആകംക്ഷയോടെ ചോദിച്ചു

“ ഞങ്ങൾക്ക് 5 വയസ്സ് പ്രായമുള്ളപ്പോൾ ഒരിക്കൽ എല്ലാവരുടെയും കണ്ണ് വെട്ടിച്ചു ഒരു അഘോര സ്വാമി ഞങ്ങളുടെ കോളനിയിൽ വന്നു , അദ്ദേഹം ഞങ്ങളെ രണ്ടുപേരെയും കൈകളിൽ എടുത്തു അമ്മമാരുടെയും മറ്റുള്ളവരുടെയും മുന്നിലേക്ക് വന്ന് നിന്നു , അദ്ദേഹം എല്ലാവരെയും നോക്കി ഒന്ന് ചിരിച്ചു പിന്നെ പറയാൻ തുടങ്ങി
“ നിങ്ങൾക്ക് ഈ ദുരിതത്തിൽ നിന്നും മോചനം വേണമെങ്കിൽ ഇവർ രണ്ടുപേരെയും അവരുടെ ദൃഷ്ടിയിൽ പെടുത്താതെ വളർത്തുക , അതിന് നിങ്ങൾക്ക് ഒരു വഴി കാണാൻ കഴിഞ്ഞാൽ ഇവർക്ക് 18 വയസ്സ് പൂർത്തിയാകുമ്പോൾ ഇവരെ ഇവിടുന്ന് രക്ഷപ്പെടുത്തുക അതുവരെ ഇവർക്ക് വിദ്യാഭ്യാസം കൊടുക്കാൻ നിരാഹാരം കിടന്നും അവരെക്കൊണ്ട് സമ്മദിപ്പിക്കുക , ഇവർക്ക് 18 വയസ്സാവുമ്പോൾ നാം വരും വീണ്ടും ,,,,,, അതും പറഞ്ഞു അദ്ദേഹം അവിടുന്ന് പോയി , അയാൾ പറഞ്ഞപോലെ നിരാഹാരം കിടന്നും മറ്റും ഞങ്ങൾ രണ്ടിനെയും പഠിക്കാൻ അവിടുത്തെ സ്കൂളിൽ ചേർത്തു , പിന്നെ കാത്തിരിപ്പായിരുന്നു ആ സ്വാമി വരുന്നത് വരെയുള്ള കാത്തിരിപ്പ് , അങ്ങനെ ആ സ്വാമി വന്നു , ഞങ്ങൾ പ്ലസ് ടു കഴിഞ്ഞ സമയം , അയാൾ വന്ന അന്ന് 3 പേർ ചേർന്ന് എന്നെ ആർമ്മാദിക്കുക ആയിരുന്നു അവരുടെ പേക്കൂത്തു കഴിഞ്ഞതും അവർ പോയെന്ന് ഉറപ്പാക്കി ആ സ്വാമി ഞങ്ങളുടെ അടുത്തേക്ക് വന്നു , എന്നിട്ട് ഞങ്ങളെ എന്തോ മണപ്പിച്ചു അതോടെ ഞങ്ങളുടെ ബോധം പോയി , പിന്നെ ഞങ്ങൾ കണ്ണ് തുറക്കുന്നത് ഇവിടെ ആണ് , ഈ നഗരത്തിൽ , കൂടെ അദ്ദേഹവും ഉണ്ടായിരുന്നു , ഞങ്ങളെ അയാൾ ഒന്ന് നോക്കി എന്നിട്ട് ഈ പേപ്പർ കട്ടിങ്സ് ഞങ്ങൾക്ക് തന്നു

“ നിങ്ങളെ ഒരാൾ ഇപ്പോ വന്ന് കൂട്ടിക്കൊണ്ട് പോവും , ഭയം വേണ്ട എന്ത് തന്നെ സംഭവിച്ചാലും പൊരുതണം , അവന്റെ മുന്നിലേക്ക് നിങ്ങൾ എത്തിപ്പെടുമ്പോൾ നിങ്ങൾക്ക് തന്നെ അവനെ മനസ്സിലാവും , പിന്നെ നിങ്ങളെ അവൻ സഹായിക്കാൻ മടിച്ചാൽ അവനോട് പറയണം അവൻ എഎന്താണോ തേടുന്നത് അത് ഇവിടെ നിന്നും തുടക്കം ലഭിക്കുമെന്ന് ,അവനറിയാം അതവന് തട്ടി കളയാൻ പറ്റില്ലെന്ന് ,,,, അത്രയും പറഞ്ഞു അയാൾ പോയി , അതിനു ശേഷം ഒരു സ്ത്രീ വന്ന് ഞങ്ങളെ ഇവിടുത്തെ ഒരു ഹോസ്റ്റലിൽ ആക്കി ഇവിടുത്തെ കോളേജിൽ ചേർത്ത് ,ഭക്ഷണം കോളേജ് ഹോസ്റ്റലിൽ ഏർപ്പാടാക്കി ,, അതിനു ശേഷം സാറിന് വേണ്ടിയുള്ള കാത്തിരിപ്പായിരുന്നു ,,,,,, അവർ അത്രയും പറഞ്ഞു നിർത്തി അച്ചുവിനെ നോക്കി ,

അവരെല്ലാം കേട്ട് സ്തംഭിച്ചിരിക്കുക ആണ് , നടക്കുന്നത് എന്തെന്നറിയാതെ

ഒമർ : അല്ല ,ആ സ്വാമി പറഞ്ഞത് ഇവൻ ആണെന്ന് നിങ്ങൾക്ക് എങ്ങനെ മനസ്സിലായി

“ അതിന് അദ്ദേഹം 4 അടയാളങ്ങൾ പറഞ്ഞിരുന്നു ,അതിൽ 3 എണ്ണമേ ശെരി ആയുള്ളൂ ,അതുകൊണ്ട് ഞങ്ങൾക്കും ഒരു ഡൌട്ട് ഉണ്ട് ”

കണ്ണൻ : എന്ത് അടയാളങ്ങൾ ..

“ കഴുത്തിൽ രുദ്രാക്ഷം കെട്ടിയ ഒരു സ്വർണ ചെയിൻ ഉണ്ടാവും “

“ രുദ്രൻ എന്നായിരിക്കും നാമം “

“ ഇടതും വലതുമായി ഒമർ എന്നും കർണൻ എന്നും പേരുള്ള സുഹൃത്തുക്കൾ ഉണ്ടാവും “

പിന്നെ