രുദ്ര വീരസിംഹൻ -THE WARRIOR PRINCE-part-4 [PONMINS] 285

മീര : അത് ,, ഒരിക്കൽ ജൂസിൽ മയക്ക് മരുന്ന് കലക്കി ദേവേട്ടന്ന് കൊടുത്തു ഞാൻ ഉറങ്ങി കിടന്ന ദേവേട്ടൻറെ ഒപ്പം ഞാനും കേറി കിടന്നു അത് ചേച്ചി കണ്ടു വന്നു , അതുപോലെ തിരിച്ചും ചേച്ചിയെയും ശങ്കരേട്ടനെയും ഞാൻ ദേവേട്ടന്ന് കാട്ടി കൊടുത്തു , പിന്നെ പലപ്പോഴും ചേച്ചി കാണുന്ന രീതിയിൽ ദേവേട്ടനോട് അടുത്തിടപഴകി ,ദേവേട്ടൻ എന്നെ ഒരു സഹോദരിയുടെ സ്ഥാനത്തെ കണ്ടിട്ടുള്ളു , അത് സന്ധ്യയെ വെച്ച് ചേച്ചിയെ എരി കയറ്റി അതോടെ അവർ പിരിഞ്ഞു ,,,, അവർ പറഞ്ഞു നിർത്തിയതും മാധവി മീരയുടെ ചെപ്പക്കുറ്റി നോക്കി കനത്തിൽ ഒന്ന് പൊട്ടിച്ചു

മാധവി : ചെ , നിന്നെയൊക്കെ ആണോ , ഞാൻ ഇത്രയും നാൾ ചേച്ചി എന്ന് വിളിച്ചത് , എനിക്ക് എന്നോട് തന്നെ അറപ്പ് തോന്നുന്നു ,, ചി ,,,, അവരുടെ മുഖം ദേഷ്യം കൊണ്ട് വിറച്ചു

മഹേഷ് : അപ്പൊ ഇനി മക്കൾ പറ എന്തൊക്കെ ചെയ്‌തെന്ന് ,,, മഹേഷ് ആദ്യക്കും സാന്ദ്രക്കും നേരെ തിരിഞ്ഞുകൊണ്ട് പറഞ്ഞു

ആദ്യ : അച്ഛൻ പറഞ്ഞിട്ടാണ് എല്ലാം ചെയ്തത് ,,, അവൾ പേടിയോടെ തല താഴ്ത്തി പറഞ്ഞു

മഹേഷ് : ഓക്കേ , എന്ന പറ എന്റെ ദേവൂട്ടിയെ ആരാ തള്ളിയിട്ടത് ,,,

മഹേഷിന്റെ ആ ചോദ്യം എല്ലാവരെയും ഞെട്ടിച്ചു കളഞ്ഞു , അച്ചു അയാളുടെ മുഖത്തേക്ക് അന്താളിച്ചു നോക്കി ,, ആദ്യയും സാന്ദ്രയും നിന്ന് വിയർക്കാൻ തുടങ്ങി

“പറയെടി ” മഹേഷ് ഇരുന്നിടത്തു നിന്ന് ചാടി എണീച്ചുകൊണ്ട് അവളോട് അലറി ,,,

“ബി ,,ബി ,,ബിജേഷ് ”,,,ആദ്യ വിക്കി വിക്കി പറഞ്ഞു ,,,

എല്ലാവരും ഒരു ഞെട്ടലോടെ ആണ് അത് കേട്ട് നിന്നത് , ഇത്രകാലം അച്ചു ചെയ്യാത്ത തെറ്റിന് കുറ്റപ്പെടുത്തിയത് ഓർക്കേ മാധവിക്കും ജയേഷിനും കുറ്റബോധം തോന്നി

“ ആഹ് “ പെട്ടെന്ന് ബിജേഷ് പിറകിലേക്ക് ചവിട്ട് കൊണ്ട് മറിഞ്ഞ്‌വീണു , മുന്നിൽ നിൽക്കുന്ന സംഹാരരുദ്രനെ കണ്ട അവൻ പേടിയോടെ കരയാൻ തുടങ്ങി , ഒരു ഏറ്റു പറച്ചിലിനും ഇടം കൊടുക്കാതെ അച്ചു അവന്റെ ചവിട്ടി കൂട്ടി , കയ്യും കാലും തിരിച്ചൊടിച്ചു ഒരു മൂലയിലേക്ക് ഇട്ടു അവന്റെ കലി തീർത്തു , അവനെ തടയാൻ ചെന്ന റാമിനെ മഹേഷ് പിടിച്ചു വെച്ചു “ അത് അവന്റെ ന്യായം “ ഇതായിരുന്നു അയാളുടെ മറുപടി ,

അച്ചു തിരിച്ചു വന്നു ദേവുട്ടിയുടെ കൂടെ ഇരുന്നു അവളെ കൂട്ടിപ്പിടിച്ചു നെറ്റിയിൽ ഉമ്മ കൊടുത്തു , അവന്റെ കണ്ണുകളും നിറഞ്ഞതു കണ്ട എല്ലാവരും സങ്കടപ്പെട്ടു ,

മഹേഷ് : ഇനി അന്ന് രാത്രി നടന്നത് പറ ,, മഹേഷ് വീണ്ടും അവരോട് ചോദിച്ചതും രണ്ടും കണ്ണീർ വാർക്കാൻ തുടങ്ങി ,, മഹേഷിനെ നോക്കി കൈ കൂപ്പി

മഹേഷ് : ഒരു കാര്യവും ഇല്ല മക്കളെ , ഉപ്പ് തിന്നവൻ വെള്ളം കുടിക്കും , സത്യം സത്യം പോലെ പറയുന്നതാ നിങ്ങൾക്ക് നല്ലത് ,, അയാൾ ഒരു ദയയും അവരോട് കാണിക്കാതെ പറഞ്ഞു

എന്നിട്ടും അവർ മിണ്ടുന്നില്ലെന്ന് കണ്ടതും രണ്ടുപേരെയും തലങ്ങും വിലങ്ങും തല്ലി , അവസാനം സഹിക്ക വയ്യാതെ അന്ന് നടന്നത് മുഴുവൻ വള്ളി പുള്ളി തെറ്റാതെ പറഞ്ഞു .

ആദ്യം പ്രതികരിച്ചത് ആദ്യയുടെ ഭർത്താവ് ആയിരുന്നു അവന്റെ സർവ്വ ശക്തിയും എടുത്ത് മുഖമടച്ചു ഒന്ന് കൊടുത്തു ,എന്നിട്ട് കഴുത്തിൽ കെട്ടിയ താലി വലിച്ചു പൊട്ടിച്ചു ഇറങ്ങി പോയി ,,, സാന്ദ്രയുടെ ഭർത്താവ് അവളെ ഒന്ന് നോക്കി കാറി തുപ്പി അവിടുന്ന് പോയി , ആദ്യയും സാന്ദ്രയും കരച്ചിലോടെ അവിടെ ഇരുന്നു , മക്കളുടെ ദുരവസ്ഥകണ്ട ആ അച്ഛനമ്മമാർ സങ്കടംകൊണ്ട് വിങ്ങി പൊട്ടി ,,,, ഇതെല്ലം കണ്ടിട്ടും അവരെ നോക്കി നിൽക്കുന്ന മഹേഷിനെ കണ്ട അവരിൽ പക നിറച്ചു .

മഹേഷ് പതിയെ നടന്ന് ദേവ ഭദ്രന് അടുത്തെത്തി അയാളെ പുച്ഛത്തോടെ ഒന്ന് നോക്കി ,ദേവ ഭദ്രനിലും പുച്ഛം നിറഞ്ഞു

മഹേഷ് : താൻ എന്റെ കമ്പനി മൊത്തത്തിൽ വിലക്ക് വാങ്ങിയോ , അതോ പകുതിയേ കൊടുത്തൊള്ളോ ,,

ദേവ ഭദ്രൻ : ഇതിനി തന്നെ ബോധിപ്പിക്കണ്ട ആവശ്യം ഇല്ലെടോ ,,

മഹേഷ് : ഹഹഹഹ്ഹ ,,ഹ്ഹഹ്ഹഹ്ഹ ,, തന്നെ പോലൊരു പമ്പര വിഡ്ഢിയെ ഞാൻ എന്റെ ജീവിതത്തിൽ കണ്ടിട്ടില്ല , എടോ സ്വന്തം കുടപ്പിറപ്പിനെ ചതിക്കാൻ തയ്യാറായ ഇവർ തന്നെ ചതിക്കില്ലെന്ന് കരുതിയോ ,,ഹഹഹ

അയാൾ പറഞ്ഞത് കേട്ടതും ദേവ ഭദ്രൻ മാനവിനെയും കൂട്ടരെയും ഒന്ന് നോക്കി ,

മഹേഷ് : താൻ എഴുതി വാങ്ങി , ഇവന്മാർ തനിക്ക് തന്നു എന്നൊക്കെ പറയുന്ന കമ്പനിയുടെ ഫുൾ ഫോം എങ്കിലും തനിക്കറിയുമോ , അറ്റ്ലീസ്റ്റ് അത് ആര പേരിൽ ആണെന്നെങ്കിലും , ഇവന്മാർ എന്റെ സൈൻ വാങ്ങി അങ് ഉണ്ടാക്കാൻ ആ കമ്പനിയുടെ ഓണർ ഞാൻ അല്ല , ഞാൻ വെറും നടത്തിപ്പുകാരൻ മാത്രം ,,,

മഹേഷ് പറഞ്ഞു നിർത്തിയതും എല്ലാവരും ഞെട്ടി , ദേവ ഭദ്രൻ മാനവിനേം കൂട്ടരെയും ദേഷ്യത്തിൽ നോക്കുന്നതെങ്കിൽ മാനവും കൂട്ടരും മഹേഷിനെ ഞെട്ടി നോക്കുക ആണ് , ഇതെല്ലം കണ്ട മഹേഷ് പൊട്ടിച്ചിരിച്ചു “ ഹഹഹഹ “

മഹേഷ് : RM GROUP OF COMPANIES , ഈ പേരുമാത്രമേ ഇവർക്കെല്ലാം അറിയൂ , 24 വർഷം മുൻപ് ഞാൻ ഞാൻ ആ കമ്പനി തുടങ്ങുമ്പോൾ എന്ത് എങ്ങനെ എന്നുള്ള ചിന്തയിൽ നിന്ന എന്റെ അടുക്കലേക്ക് ഒരു ഗുരുനാഥൻ എന്ന പോലെ വന്ന ഒരു മനുഷ്യൻ എനിക്ക് പകർന്നു തന്ന ചില സത്യങ്ങളിൽ നിന്നാണ് “ രുദ്ര മഹേഷ് “ എന്ന സ്ഥാപനം രൂപം കൊണ്ടത് , അതിന്റെ മുഴുവൻ ഉടമസ്ഥാവകാശവും എന്റെ ഒരേ ഒരു മകൻ രുദ്രന് സ്വന്തം , അതേടാ എന്റെ മകന് വേണ്ടി ഞാൻ എന്നാലാവുന്നത് സ്വരുക്കൂട്ടി വെച്ച് കെട്ടിപ്പടുത്ത സാമ്രാജ്യം ആണ് RUDRA MAHESH GROUP OF COMPANIES,,,

അയാൾ രണ്ടു കൈകളും വിരിച്ചു പിടിച്ചുകൊണ്ട് അഭിമാനത്തോടെ പറഞ്ഞു , എന്നാൽ ഇതെല്ലം കേട്ട രുദ്രൻ അടക്കമുള്ളവർ ഞെട്ടലോടെ ആണ് ഇരുന്നത് , മഹേഷിന്റെ വെളിപ്പെടുത്തൽ തങ്ങൾക്കേറ്റ ഏറ്റവും വലിയ അടി ആണെന്ന് മാനവിനും കൂട്ടർക്കും മനസ്സിലായി ദേവ ഭദ്രൻ ദേഷ്യം കൊണ്ട് വിറച്ചു ,ചതി പറ്റി എന്ന് അവന് മനസ്സിലായി അതും അവനെ ഒരു പമ്പര വിഡ്ഢിയാക്കി ,

മഹേഷ് : അച്ചു , ഇതിൽ കൂടുതൽ കാര്യങ്ങൾ ഇനി എനിക്ക് നിങ്ങളോട് പറയാൻ ഉണ്ട് , അതൊന്നും ഇവർ അറിയേണ്ടത് അല്ല , ഇവർക്കെല്ലാം കൊടുക്കേണ്ടത് കൊടുത്തു ഒഴുവാക്കിയേക്ക് ,,, അയാൾ അത്രയും പറഞ്ഞു അവിടെ നിന്ന് പോയി പുറകെ തന്നെ മാധവിയും മക്കളും അവിടെ ദേവുട്ടിയും അച്ചുവും കൂട്ടരും മാത്രമായി ,