രുദ്രതാണ്ഡവം 2 [HERCULES] 1639

മനീഷ് എത്തീട്ടുണ്ട്. അവൻ അവിടെ നിന്ന് അവരോട് കത്തിയടിക്കുന്നുണ്ട്. എന്നാലും കുറുക്കന്റെ കണ്ണ് കോഴിക്കൂട്ടിലെന്നമാതിരി
അവരെ കടന്നുപോകുന്ന പെൺകുട്ടികളെയല്ലാം വായ്നോക്കിക്കൊണ്ടാണ് അവൻ നിക്കുന്നത്.

” ഡാ മനീഷേ… എന്നെ ഓർമെണ്ടോടാ ”
അഭി ചെന്നപാടെ മനീഷിന്റ നടുപ്പുറം നോക്കി നല്ല ഒരു അടി കൊടുത്തിട്ടാണ് ആ ചോദ്യം ചോദിച്ചത്.

” എടാ കോപ്പേ… നിന്റെ ഈ പരട്ട സ്വഭാവം ഇനീം മാറീലെ…. ഉഫ്… ന്റെ നടുപ്പുറം ഇവൻ കടപ്പുറം ആക്കീന്നാ തോന്നണേ.. ”

അവന്റെ സംസാരം കേട്ട് എല്ലാവരും ചിരിച്ചു

“എന്തൊക്കെയിണ്ടെടാ…. സുഖല്ലേ ”

” ഓ നമ്മൾക്കൊക്കെ എന്ത് സുഖം… എന്നാലും ന്റെ അഭീ… നീ വല്ലാണ്ട് മാറിപ്പോയല്ലോ…. പണ്ട് കാറ്റടിച്ചാൽ പാറിപ്പോകും എന്നകണക്കെ ഇരുന്ന ചെക്കന്റെ മാറ്റം നോക്കിക്കേ… ഫിറ്റ്‌ ബോഡിയും മസിലും… ശ്യോ കൊതിയാവണു കണ്ടിട്ട്. ”

” ആ ഈ ബോഡിയൊക്കെയേ ഉള്ളു… ആളിപ്പഴും പഴേ പേടിത്തൂറി തന്നെയാ… നേരത്തേ കാണണായിരുന്നു… ഇവന്മാരുടെ ഇടയിൽകിടന്ന് വിറക്കുവായിരുന്നു… ഞാൻ വന്നില്ലേൽ അവൻ ഇവിടെ കാര്യം സാധിച്ചേനെ ”
ഗൗരി അത് പറഞ്ഞതും അവിടെ കൂട്ടച്ചിരിമുഴങ്ങി. പറഞ്ഞത് സത്യമായത്കൊണ്ട് അഭി ഒന്നും നിരസിക്കാൻ പോയില്ല. എല്ലാം ഏറ്റുവാങ്ങി ഇളിഭ്യനായി നിന്നു
.
അങ്ങനെ ചിരിയും കളിയുമൊക്കെയായി കുറച്ച് നേരം അവരോടൊപ്പം അഭി ചിലവഴിച്ചു. പിന്നെ വീണ്ടും ക്ലാസിലേക്ക് പോയി. ഇപ്പൊ ഒരുവിധം ആൾകാരൊക്കെ എത്തീട്ടുണ്ട്. അവൻ ബാഗ് കൊണ്ടുവച്ച ബെഞ്ചിൽ ഇപ്പൊ വേറെ രണ്ടുപേര് കൂടി ഇരിക്കുന്നുണ്ടായിരുന്നു.

അവൻ അവിടേക്ക് ചെന്ന് അവരെ പരിചയപ്പെട്ടു.