രുദ്രതാണ്ഡവം 2 [HERCULES] 1639

” ഇല്ലമ്മേ… ഞാനെനി കാവിലേക്ക് പോണില്ല… ദേവു ഇനി ഇവിടന്ന് കളിച്ചോളാ… ”
ദേവു മുത്തശ്ശനെ നോക്കി ചിരിച്ചു.
നാരായണ ഭട്ടതിരിപ്പാടിന്റെ ചുണ്ടിലേക്കും ആ ചിരി പടർന്നു.

********

മാളിൽ നിന്ന് തിരിച് വീട്ടിലേക്കുള്ള യാത്ര
അഭിയെ നല്ലപോലെ ബോറടിപ്പിച്ചു. ഓഫിസ് സമയം കഴിഞ്ഞ് റോഡിൽ നല്ലതിരക്കുണ്ടായിരുന്നു. ട്രാഫിക് ബ്ലോക്ക് ആണേൽ കൂനിന്മേൽ കുരു എന്നപോലെ അഭിയെ മുഷിപ്പിച്ചു.

വീട്ടിൽ എത്തി കുളിച് ഫ്രഷ് ആയി വേഗം തന്നെ അവൻ താഴെക്കിറങ്ങി.

” എന്താടാ മുഖം വല്ലാണ്ടിരിക്കണേ വയ്യേ നിനക്ക്… ”

” ഒന്നുല്ല ദേവൂസേ… തലവേദനെടുക്കുന്നു…”

” അതെന്താ പെട്ടന്നൊരു തലവേദന . ”

” കോളേജിലൊക്കെ പോയി വെയിലൊക്കെ കൊണ്ടില്ലേ അതോണ്ടാവും ”

” നല്ലവേദനയുണ്ടോ ”

“ഹ്മ്മ് ”
അവൻ ഒരു മൂളലിൽ ഒതുക്കി.

“നീയെന്നാ കഴിച്ചിട്ട് കിടന്നോ… ”

” എനിക്ക് വേണ്ട ദേവൂസേ… ഞാൻ കിടക്കാൻ പോവാ ”

” കഴിച്ചിട്ട് കിടന്നാമതി… പോയി മുഖമൊക്കെ കഴുകിവന്നേ.. മ്മ്.. ചെല്ല് ”

ദേവകി വേഗം തന്നെ അവന് ഭക്ഷണം വിളമ്പി.
അവൻ ഒന്നും കഴിക്കുന്നുണ്ടായിരുന്നില്ല. വെറുതേ പാത്രത്തിൽ ചിത്രം വരച്ചുകൊണ്ട് അവിടെ ഇരുന്നു.
ദേവകി അവനടുത്തേക്ക് കസേര വലിച്ചിട്ടു. പിന്നെ ചോറ് കുഴച്ചു ഉരുളകളായി അവനെ ഊട്ടി.പിന്നെ പാത്രവും എടുത്ത് അടുക്കളയിലേക്ക് പോയി