രണ്ടാം ജന്മം 3 [അജി] 170

 

ഞാൻ അത്‌ ആരെന്ന് അറിയാനായി ചോദിച്ചു.

 

“അത്‌ ചേട്ടന്റെ ഒരു കൂട്ട്ക്കാരനാ… വൃത്തിക്കെട്ടവനാ…. എനിക്ക് ഇഷ്ടമല്ല…”

അത് പറയുമ്പോൾ അവളിൽ ദേക്ഷ്യമുണ്ടായിരുന്നു.

 

“അനു… അയാൾ പറഞ്ഞത് നിനക്ക് വിഷമമായി എന്ന് എനിക്കറിയാം. ഞാൻ ഇവിടെയുള്ളപ്പോൾ നിന്നെ ആരും തൊടില്ല. നീ അതോർത്ത് പേടിക്കേണ്ടാ…”

 

ഞാൻ അവളുടെ കൈയിൽ പിടിച്ച് വാക്ക് നൽകി. അത്‌ കേട്ടപ്പോൾ അവളുടെ കണ്ണ് നിറയുവാൻ തുടങ്ങി. അനു കരഞ്ഞുകൊണ്ട് മുറിയിലേക്ക് ഓടി പോയി. ഞാൻ പതിവ് പോലെ അവിടെ ഹാളിൽ കിടന്നു.

 

എന്തായാലും ഇനി അവളെ കരയിപ്പിക്കരുത്. അവളെ സ്നേഹിച്ച് സന്തോഷിപ്പിച്ച് കഴിയണം. കിരണിന് കൊടുക്കാൻ കഴിയാത്തത് എനിക്ക് കൊടുക്കാൻ കഴിയണം. ഞാൻ തീരുമാനിച്ചു.

 

രാവിലെ ഞാൻ നേരത്തെ തന്നെ എഴുന്നേറ്റു. അനു അപ്പോൾ ഉണ്ണർന്നിരുന്നു. ഞാൻ വേഗം കുളിയും പല്ല് തേപ്പും കഴിച്ച് അനുവിന്റെ ഒപ്പം അടുക്കളയിൽ സഹായിക്കാൻ തുടങ്ങി. അനുവിന് ഞാൻ അടുക്കളയിൽ സഹായിക്കുന്നത് ഇഷ്ടമായി എന്ന് തോന്നുന്നു. കിരൺ അടുക്കളയിൽ ഒന്നും കയറില്ല എന്ന് തോന്നുന്നു.

 

“അനു…. പറയാതിരിക്കാൻ കഴിയില്ല അപാര രുചിയാ നിയുണ്ടാക്കുന്ന ഭക്ഷണത്തിന് ”

 

അവളെ അനുമോദിക്കണം എന്ന് എനിക്കുണ്ടായിരുന്നു. അത്‌ ഇപ്പോഴാണ് സാധിക്കുന്നത്. അനു ഞാൻ പറയുന്നത്‌ കേട്ട് പുഞ്ചിരിച്ചു.

 

“നിന്നെ ആരാ പാചകം പഠിപ്പിച്ചേ…”

 

“അച്ഛൻ ”

 

“അച്ഛനിപ്പോൾ എവിടെ ഉണ്ട്. ഒന്ന് കാണാൻ പറ്റോ…”

 

“അച്ഛൻ മരിച്ചു ”

 

അത്‌ പറഞ്ഞപ്പോൾ അനുവിന്റെ കണ്ണ് നിറയുവാൻ തുടങ്ങി. എന്റെ ചോദ്യം അനുവിനെ വിഷമ്മിപ്പിച്ചു എന്ന് തോന്നുന്നു.

 

“സോറി… എനിക്ക് അറിയില്ലായിരുന്നു. ഞാൻ അറിയാനായി ചോദിച്ചതാ…”

 

“ഹേയ് കുഴപ്പമില്ല…. വേറെ വല്ലതും ഇനി അറിയണോ….?”

 

“ഹെയ്‌ വേണ്ടാ… പിന്നെ മതി ”