രണ്ടാം ജന്മം 3 [അജി] 170

 

“അയ്യോ അതിന് എന്താ….അമ്മയുടെ കൊച്ച് മോള് അല്ലേ…”

 

അനു പൊന്നുവിനെ അമ്മക്ക് കൊടുത്തു.

 

“എന്റെ കിച്ചുട്ടന്റെ മോള്… ”

അമ്മ അതും പറഞ്ഞ് പൊന്നുവിനെ ഉമ്മകൾ കൊണ്ട് മൂടി.

 

പൊന്നുവിനെ അമ്മ എടുത്ത് കൊഞ്ചിക്കാൻ തുടങ്ങി. പൊന്നു അമ്മയുടെ കൈയിൽ ഇരുന്ന് കളിക്കാൻ തുടങ്ങി. അച്ഛനും അമ്മയുടെ ഒപ്പം ഇരുന്ന് പൊന്നുവിനെ കൊഞ്ചിപ്പിക്കുന്നുണ്ട്. അമ്മയുടെ കണ്ണ് നിറയുന്നുണ്ടായിരുന്നു.

 

 

“അനു നീ ഇവർക്ക് ചായ വെച്ചേ….”

 

ഞാൻ അനുവിനെ ചായ വെക്കാൻ പറഞ്ഞുവിട്ടു.

 

“മോളുടെ പേരെന്താ….?”

അച്ഛൻ എന്നോട് ചോദിച്ചു.

 

“അരുണീ ഞങ്ങൾ പൊന്നു എന്ന് വിളിക്കും ”

 

“പോന്നുസേ…..അച്ഛമ്മേടെ പോന്നുസേ….”

അമ്മ പൊന്നുവിനെ കൊഞ്ചിക്കാൻ തുടങ്ങി.

 

അപ്പോഴേക്കും അനു ചായയുമായി വന്നു. അവരത് എടുത്ത് കുടിക്കാൻ തുടങ്ങി.

 

“മ്മ്….”

അവരത് ആസ്വദിച്ചു കുടിക്കാൻ തുടങ്ങി. ചായ അവർക്കിഷ്ടപ്പെട്ടു എന്ന് തോന്നുന്നു. അവരത് ആസ്വദിച്ച് കുടിക്കുന്നത് അനു നോക്കുന്നുണ്ടായിരുന്നു.

 

“ഞങ്ങൾ വന്നാ കാര്യം പറഞ്ഞില്ലല്ലോ… നമ്മുടെ അമ്മുവിന്റെ കല്യാണം ആണ് രണ്ട് ആഴ്ച കഴിഞ്ഞാൽ. നീ അവിടെ വരണം ഒരു ചേട്ടന്റെ സ്ഥാനത്ത് നീ അവിടെയുണ്ടാവണം. നീ മാത്രമല്ല അനുവും പൊന്നുവും അവിടെയുണ്ടാവണം ”

 

അച്ഛൻ പറഞ്ഞത് ആരെക്കുറിച്ചാ എന്ന് എനിക്ക് അറിയില്ലായിരുന്നു. എനിക്ക് എന്താ മറുപടി കൊടുക്കേണ്ടേ എന്ന് അറിയില്ല. ഞാൻ അനുവിനെ നോക്കിയപ്പോൾ അനു എന്നെ നോക്കുന്നുണ്ടായിരുന്നു. ഞാൻ എന്ത് പറയുമെന്ന് അറിയാതെ.

 

“അച്ഛന് അറിയാം മോന്റെ ദേഷ്യം. നീ അനുവിന്റെ കൈ പിടിച്ച് വന്നപ്പോൾ നിങ്ങളെ അകത്ത് കയറ്റാതെ ഇറക്കി വിട്ടവൻ അല്ലേ ഞാൻ.അന്ന് ഞാൻ നിങ്ങളെ വീട്ടിലേക്ക് കയറ്റാണമായിരുന്നു. അച്ഛനോട് ക്ഷമിക്കെടാ….”

 

അച്ഛൻ എന്റെ മുന്നിൽ കൈ കൂപ്പി നിന്നു. എനിക്ക് അത്‌ കണ്ടപ്പോൾ വിഷം ആയി.

 

“ഞാൻ വരാം… ഇവരെയും കൂട്ടി വരാം “