രണ്ടാം ജന്മം 3 [അജി] 170

എനിക്ക് ഇനിയും അവളെക്കുറിച്ച് അറിയണം എന്നുണ്ട്. പക്ഷേ ഞാൻ വല്ലതും ചോദിച്ചാൽ അവൾക്ക് വിഷമം ആവോ എന്ന് കരുതി ഞാൻ ഒന്നും ചോദിക്കാൻ നിന്നില്ല

 

ഞാനും അനുവും കടയിൽ ഇരിക്കുമ്പോൾ ആയിരുന്നു അവിടേക്ക് ഒരു കാർ വരുന്നത്. അതിൽ നിന്നും ഒരു സ്ത്രീയും പുരുഷനും ഇറങ്ങി വന്നു. അവരെ കണ്ട് അനു ഒന്ന് ഞെട്ടി.

 

“അത് കിച്ചുവേട്ടന്റെ അച്ഛനും അമ്മയുമാണ് ”

 

അനു പറയുന്നത് കേട്ട് ഞാനും ഞെട്ടി. അവരുടെ മുൻപിൽ എങ്ങനെ പിടിച്ച് നിൽക്കും എന്നായിരുന്നു എന്റെ പേടി.

 

“അനു എന്റെ ഒപ്പം നിൽക്കണേ….”

 

ഞാൻ സഹായത്തിനായി അനുവിനോട് പറഞ്ഞു. അവൾ എന്റെ കൈയിൽ മുറുകെ പിടിച്ചു. ധൈര്യമായിരിക്ക് ഞാനുണ്ട് കൂടെ എന്നാ രീതിയിൽ.

 

“അച്ഛാ… അമ്മേ…. വാ അകത്തേക്ക് ”

 

അനു അവരെ വിളിച്ച് അകത്തേക്ക് കയറ്റി. എനിക്ക് അവരുടെ മുന്നിൽ നിൽക്കാൻ ചെറിയൊരു പേടിയുണ്ടായിരുന്നു.

 

“അച്ഛനോട് ക്ഷമിക്ക് മക്കളെ…. നിങ്ങളെ വീട്ടിൽ നിന്ന് ഇറക്കി വിട്ടതിന്”

 

അച്ഛൻ ക്ഷമപണം എന്നാ രീതിയിൽ ഞാനങ്ങളോട് പറഞ്ഞു. അത്‌ എന്താ സംഭവം എന്ന് എനിക്ക് മനസ്സിലായില്ല. ഞാൻ അനുവിനെ നോക്കി.

 

“അയ്യോ…. അച്ഛാ അത്‌ ഞാനങ്ങളൊക്ക മറന്നു”

 

അനു അച്ഛന് മറുപടി നൽകി.

 

“കിച്ചുട്ടന് ഞങ്ങളോടുള്ള ദേഷ്യം മാറിയില്ലേ….”

 

അമ്മ എന്നോട് ചോദിച്ചു.

 

“അയ്യോ അമ്മേ എനിക്കൊരു ദേഷ്യവുമില്ല…. നിങ്ങൾ എന്റെ അച്ഛനും അമ്മയും അല്ലേ നിങ്ങളോടൊക്കെ എങ്ങനെ ഞാൻ ദേഷ്യപ്പെടാനാ…”

 

ഞാൻ അമ്മയോട് പറഞ്ഞു. അമ്മക്ക് അങ്ങനെ പറഞ്ഞപ്പോൾ സന്തോഷം വന്നത് പോലെ.

 

“കുഞ്ഞിനെ തരോ…. ഞാൻ ഒന്ന് എടുക്കട്ടെ….”

 

അമ്മ അനുവിനോട് ചോദിച്ചു.