മുറിപ്പാടുകൾ [മനൂസ്] 2764

കുറച്ചു നേരം അയാളിലേക്ക് മിഴികൾ നട്ടിരുന്ന ശേഷം അവൾ ഒന്നും പറയാതെ അവിടെ നിന്നും എഴുന്നേറ്റ് വാതിലിന് അരികിലേക്ക് നടന്നു..

വാതിലിന് അരികിൽ എത്തിയ ശേഷം ഒന്നുകൂടി ജോർജിനെ തിരിഞ്ഞു നോക്കി..അപ്പോഴും അയാൾ ആ ഇരിപ്പ് തുടർന്നു..അകലേക്ക് നോക്കി അയാൾ പുഞ്ചിരിക്കുകയാണ്..

അവൾ വെളിയിലേക്ക് പാദങ്ങൾ ചലിപ്പിച്ചു..താഴേക്കുള്ള പടിക്കെട്ടുകൾ ഓരോന്നും സജ്ജലങ്ങളായ മിഴികളോടെ നടന്നിറങ്ങുമ്പോൾ പിന്നിൽ ആ വാതിൽ വലിയ ശബ്ദത്തോടെ കൊട്ടിയടയ്ക്കപ്പെട്ടത് അവൾ കേട്ടു.

പക്ഷെ തിരിഞ്ഞു നോക്കിയില്ല.ഒരു ജീവിതത്തിന്റെ പര്യവസാനമാണ് അതെന്നത് അവൾ ഉറപ്പിച്ചു.

ഭൂമിയെ വന്യമായി ഭോഗിച്ചു പെയ്യുന്ന മഴയിലേക്ക് കുടചൂടി നടന്നിറങ്ങി.

ദുഃഖങ്ങൾ എന്നെങ്കിലും പെയ്തു തോരുമെന്ന വിശ്വാസത്തോടെ അകലെയുള്ള വീട്ടിലേക്ക് അവൾ യാത്രയായി..

അവസാനിച്ചു.

വിലയേറിയ അഭിപ്രായങ്ങൾക്കായി കാത്തിരിക്കുന്നു.. സ്നേഹത്തോടെ മനൂസ്???