🌄The mystery Island-2 🌄 (Jeevan) 153

പിറ്റേന്ന് ഉദയത്തോടെ അവർ എഴുന്നെറ്റു…തലേന്ന് രാത്രിയിൽ മരത്തിൽ കെട്ടി വച്ച കവറിൽ നിന്നും കുറച്ച് വെള്ളം കൂടി കിട്ടിയിട്ടുണ്ട്… അവർ അത് കുപ്പിയിലാക്കി…

 

രാവിലെ തന്നെ അവർ സാധങ്ങൾ എല്ലാം പൊതിഞ്ഞെടുത്തു അവിടെ നിന്നും പുറപ്പെട്ടു…

 

കയ്യിലുള്ള ബാഗുകളിൽ അവർ കിഴങ്ങും മറ്റ് ഭക്ഷ്യ വസ്തുക്കളും വെള്ളവും മറ്റും നിറച്ചു…

 

അതിന് ശേഷം ചെമ്പില പോലെയുള്ള ഇല ഒരു പാത്രം പോലെയാക്കി അതിൽ കരിയില പൊടിച്ചു ഇട്ട് തലേ ദിവസം ഉണ്ടാക്കിയ തീയിൽ നിന്നും കുറച്ച് കനൽ എടുത്ത് ഇട്ടു…

 

കനലിൽ നിന്നുള്ള ചൂടേറ്റ് കരിയിലയുടെ പൊടി പതിയെ പതിയെ ഏരിയാൻ തുടങ്ങി…

 

(“തീ ഉണ്ടാക്കുന്ന ജോലി വളരെ പരിശ്രമം നിറഞ്ഞത് ആയത് കൊണ്ട് അത് എളുപ്പം ആക്കാനായി ആണ് ഇങ്ങനെ ചെയ്യുന്നത്… കനലിന്‍റെ ചൂട് ഏറ്റു പതിയെ എരിയുന്ന കരിയിലയുടെ പൊടി, ഊതി കത്തിച്ചാൽ തീ ആയി മാറും… അത് കരിയിലയിലും മറ്റും ഇട്ടു ആളിക്കത്തിച്ചു വിറകും കൊടുത്തു വലിയ തീകുണ്ഡം ആക്കി എടുക്കാം… “

 

അവർ അവിടെ നിന്നും നടന്നു നീങ്ങി… ഏറെ നേരത്തെ നടത്തതിന് ഒടുവിൽ അവർ ഉൽക്കാട്ടിൽ എത്തി…

 

ചെറിയ ചില ജീവികൾ ഒഴികെ മറ്റ് മൃഗങ്ങളെ ഒന്നും കാണാൻ സാധിക്കാതെ ഇരുന്നത് അവർക്ക് അത്ഭുതം ഉളവാക്കി…

 

അല്പം കൂടി മുന്നിലേക്ക് നടന്നപ്പോൾ ആണ് അവർക്ക് ആ മനം കുളിരുന്ന ആ  കാഴ്ച കാണാൻ ആയത്…

 

“അവരുടെ മുന്നിലായി ഒരു ചെറു തടാകം പോലെ ഒരു ജലാശയം… തെളിഞ്ഞ വെള്ളത്തോട് കൂടി…അല്പം പച്ച നിറത്തിൽ… വട്ടത്തിലായി…”

 

അവരുടെ പ്രതീക്ഷ വാനോളം ഉയർത്താൻ ആ കാഴ്ചക്ക്‌ ആയിരുന്നു…

 

അവർ അതിന് അടുത്തേക്ക് നടന്നു… ഗുരുമൂർത്തി അല്പം വെള്ളം എടുത്ത് രുചിച്ചു നോക്കിപ്പറഞ്ഞു…

 

“ശുദ്ധ ജലം തന്നെ…”