🌄The mystery Island-2 🌄 (Jeevan) 153

തീരത്ത് അടിഞ്ഞു കിടന്ന കുറച്ച് കടൽ ഉപ്പ് എടുത്ത് ചുട്ടെടുത്ത കിഴങ്ങിനും പുഴുവിനും പുറത്ത് വിതറി അവർ കഴിക്കാൻ തുടങ്ങി…

 

“പ്രതീക്ഷിച്ച പോലെ അല്ല ഈ പുഴുവിനു നല്ല രുചിയുണ്ട്…സറിന് ഇതിനെപ്പറ്റിയൊക്കെ എങ്ങനെ അറിയാം… ” വിജയ് അഭിപ്രായപ്പെട്ടു …

 

“ഞാൻ പണ്ട് ഗവേഷണത്തിന് ആഫ്രിക്കയിൽ ആയിരുന്നപ്പോൾ അവിടെയുള്ള  പല ഗോത്രങ്ങളും ഇത് ഭക്ഷണമായി ഉപയോഗിക്കാറുണ്ട്… നൈജീരിയയില്‍ ചില സ്ഥലങ്ങളില്‍ മാർക്കറ്റിൽ പോലും ഇതൊക്കെ അവൈലബിൾ ആണ്…”

 

“വിജയ്ക്കും അരവിന്ദിനും ഇതൊക്കെ പുതിയ അറിവ് ആയിരുന്നു…

 

അവർ ആസ്വദിച്ചു ഭക്ഷണം കഴിച്ചു… കുറേശെ തങ്ങൾ ശേഖരിച്ച വെള്ളവും കുടിച്ചു…

 

സാർ നമ്മളുടെ ഇനിയുള്ള പാൻ എന്താണ്… ഇവിടെ എങ്ങനെ ജീവിക്കാം എന്നാണോ…

 

ഒരിക്കലുമില്ല വിജയ്…ഈ   ഭാഗത്തുള്ള ഭക്ഷണം ഒന്നോ രണ്ടോ ദിവസത്തേക്കേ ഉണ്ടാകു… അതുകൊണ്ട് ഇവിടെ തന്നെ സമയം ചെലവിടുന്നത് ശാശ്വതമല്ല…

 

ദ്വീപിന്‍റെ ബാക്കിയുള്ള ഭാഗത്തേക്ക് നമ്മൾ പോയെ മതിയാവു… ഇവിടെ നിന്നും രക്ഷപ്പെടാൻ എന്തെങ്കിലും ഒരു മാർഗ്ഗം കണ്ടുപിടിക്കണം എങ്കിൽ അത് ചെയ്തേ മതിയാവൂ…അതിനാൽ എത്രയും വേഗം നമുക്ക് ഇവിടെ നിന്നും സഞ്ചരിച്ചു തുടങ്ങണം…

 

“സർ… ഇവിടെ ഭക്ഷണം ഉണ്ടല്ലോ… ഇത് തീർന്നിട്ട് ഇവിടുന്നു പോയാൽ പോരെ…”

 

അതിന്‍റെ ആവശ്യമില്ല നമുക്ക് ഇവിടുന്ന് കണ്ടെത്തിയ കിഴങ്ങുകളും മറ്റും കുഴിച്ചെടുത്തു യാത്ര തുടരാം…പുഴുവിനും ജീവൻ ഉണ്ടായതുകൊണ്ട് അതും കേടായി പോവില്ല ഒന്ന് രണ്ട് ദിവസത്തേക്ക് ഉള്ള ഭക്ഷണം അതിൽ നിന്ന് ലഭിക്കും…ഒപ്പം മറ്റ് എന്തേലും ലഭിക്കുമോ എന്നും നോക്കാം…

 

അല്പ സമയത്തെ വിശ്രമത്തിന് ഒടുവിൽ അവർക്ക്  ഭക്ഷണം ലഭിച്ച ആ കിഴങ് കുഴിച്ചെടുക്കുവാൻ തുടങ്ങി…