🌄The mystery Island-2 🌄 (Jeevan) 153

“മഴയുണ്ടാകുന്ന അതേ പ്രക്രിയ… അല്ലേ സർ… ” അരവിന്ദ് ചോദിച്ചു…

 

” എക്സാക്റ്റ്ലി… അതിന്‍റെ  ഒരു മിനി വേർഷൻ… നല്ല വെയിൽ ഉള്ളതുകൊണ്ട് അത്യാവശ്യം വെള്ളമുണ്ടാകും നമുക്ക് അത് ജീവൻ നിലനിർത്താൻ ആകും… “

 

അവർ പിന്നെയും കയ്യിലുള്ള പ്ലാസ്റ്റിക് ഷീറ്റ് ഉപയോഗിച്ച് അതേപോലെ ഒരണ്ണം കൂടി ഉണ്ടാക്കി…

 

അത് ചെയ്തു വെച്ച ഒരു മരത്തിന്‍റെ  തണലിൽ അവർ മൂന്നുപേരും തളർന്നുറങ്ങിപ്പോയിരുന്നു…ഏകദേശം മൂന്ന് മണിക്കൂറുകൾക്കു ശേഷമാണ് എണീറ്റത്… അപ്പോളേക്കും പാത്രത്തിൽ അത്യാവശം  വെള്ളമായിരുന്നു…

 

അവർ ആ വെള്ളം വളരെ ശ്രദ്ധയോടെ എടുത്ത് തങ്ങളുടെ കയ്യിൽ ഉണ്ടായിരുന്ന കുപ്പിയിലേക്ക്  ഒഴിച്ച് സൂക്ഷിച്ചു… ദാഹം നന്നായി ഉണ്ടായിരുന്നു എങ്കിലും അവർ തത്കാലം ആശ്വാസം ആകാൻ വളരെ കുറച്ച് മാത്രമേ കുടിച്ചുള്ളൂ…

 

” സൂര്യന്‍റെ  പൊസിഷൻ വെച്ച് ഇപ്പോൾ ഏകദേശം ഉച്ച ആയി കാണും… ” വിജയ് പറഞ്ഞു…

 

“അതെ വിജയ്…  വെള്ളത്തിന്‍റെ കാര്യത്തില്‍  ഒരു ആശ്വാസമായി സ്ഥിതിക്ക് കഴിക്കാനും നമുക്ക് എന്തെങ്കിലും കണ്ടെത്തിയെ മതിയാവു… “

 

“സർ ഇപ്പോൾ നമ്മൾ എടുത്ത ചേമ്പ് പോലെയുള്ള ചെടിയുടെ കിഴങ്ങ് ഭക്ഷ്യ യോഗ്യം ആയിരിക്കുമോ…” അരവിന്ദ് സംശയം പങ്കുവച്ചു…

 

“അറിയില്ല അരവിന്ദ്… നമ്മുക്ക് ചാൻസ് എടുക്കാൻ ആകില്ല… പക്ഷെ ചുട്ട് ഒരല്പം കഴിച്ചു നോക്കാം…”

 

“നമുക്ക് തീ ഉണ്ടാക്കാണ്ടെ അതിന്…”

 

“അതെ…”

 

“അതിന് എന്താണ് മാർഗം…”

 

“കല്ല് ഉരസി ഉണ്ടാക്കേണ്ടി വരും… അല്ലേ സർ…”

 

“കല്ല് ഉരസി ഉണ്ടാക്കാൻ പറ്റും… പക്ഷെ അത് ഭയങ്കര പാട് ആണ്…വേറെ ഒരു വഴി ഉണ്ട്…ആഫ്രിക്കൻ ട്രൈബ് യൂസ്‌ ചെയുന്നത് ആണ്…”

 

“എന്താണ് സർ അത്…”

 

“ഞാന്‍ അത് ചെയ്യാം… അപ്പോൾ കാണാമല്ലോ…”

 

ഗുരുമൂർത്തി അത് പറഞ്ഞ് അവിടെ നിന്നും കാടിന്‍റെ ഭാഗത്തേക്ക് നീങ്ങി… അദ്ദേഹം അവിടെയെല്ലാം കുറച്ചുനേരം എന്തോ നോക്കി നടന്നു… അതിനുശേഷം ഒരു ഒരു തടിക്കഷണവും ബലമുള്ള കൊച്ചു കമ്പും, അറ്റം കൂർത്ത ഒരു കല്ലും കൊണ്ടു വന്നു…