🌄The mystery Island-2 🌄 (Jeevan) 153

അരവിന്ദ് ആകാംഷയോടെ എന്തിനെപ്പറ്റിയാണ് ഗുരുമൂർത്തി സംസാരിക്കുന്നത് എന്ന് ശ്രദ്ധിച്ചു…

 

 ഗുരുമൂർത്തി അടുത്ത് കിടന്ന ഒരു വല്യ കല്ലെടുത്ത് ആ വീണുകിടന്നിരുന്ന പനയുടെ തടിയിൽ ഇടിക്കാൻ തുടങ്ങി…

 

അല്പം കഴിഞ്ഞപ്പോൾ അതിന്‍റെ മുകളിലെ തൊലി ഇളകി വന്നു…

 

ഗുരുമൂർത്തി അപ്പോൾ കൈ കൊണ്ട് വലിച്ച് അടർത്തി…

 

അതിനുശേഷം അദ്ദേഹം അരവിന്ദനെ വിളിച്ചു അദ്ദേഹം എന്തിനെപ്പറ്റിയാണ് സംസാരിച്ചത് എന്ന് കാണിച്ചു കൊടുത്തു…നോക്കുമ്പോൾ ചെറിയ ഉരുണ്ട് ക്രീം കളർ ശരീരവും ബ്ലാക്ക് തലയുമുള്ള പുഴുക്കൾ… “
“സർ… ഇത്‌… ഇത് പുഴു അല്ലേ…”

 

“അതെ അരവിന്ദ് ഇത് പുഴു തന്നെയാണ്…ഇത് ഒരു പ്രാണിയുടെ ലാർവ ആണ്…പക്ഷേ ഇന്ന് നമുക്ക് ഇത്‌ ഭക്ഷണം ആകും…”

 

“സർ… അത് വേണോ… ഇത്‌ എങ്ങനെയാണ് കഴിക്കുന്നത്…”

 

“താൻ വിഷമിക്കാതെ കിഴങ്ങിന്‍റെ കാര്യത്തില്‍ എനിക്ക് ഉറപ്പില്ല അത് കഴിക്കാൻ ആകുമോ എന്ന്…പക്ഷേ ഈ പുഴുവിന്‍റെ കാര്യത്തിൽ എനിക്ക് 100% ഉറപ്പാണ്… “

 

“മാത്രമല്ല നമ്മുടെ ശരീരത്തിന് വേണ്ട പ്രോട്ടീൻ അതുപോലെ ചില മിനറൽ അതെല്ലാം ഈ പുഴവിൽ ഉണ്ട്… ഇതും നമ്മൾക്ക് തീയിൽ വേവിച്ച് കഴിക്കാം… “

 

അതിൽ ഉണ്ടായിരുന്ന മുഴുവൻ പുഴുക്കളെയും അവർ ശേഖരിച്ചു…

 

തിരികെ എത്തി വിജയും പുഴുവിനെ കഴിക്കുന്നത് മടിച്ചെങ്കിലും ഗുരുമൂർത്തി അയാൾക്കും അതിന്റെ പ്രാധാന്യം മനസ്സിലാക്കി കൊടുത്തു… “

 

മനസ്സില്ലാ മനസ്സോടെ അവർ കഴിക്കാം എന്ന് സമ്മതിച്ചു…

 

അവർ ആ കിഴങ്ങ് വെള്ളത്തിൽ കഴുകി.. എന്നിട്ട് തീയിൽ ചുട്ട് എടുത്തു…

 

പേടിയോടെ ആണെങ്കിലും ജീവൻ നിലനിർത്താനായി ചുട്ടെടുത്ത കിഴങ്ങിൽ നിന്നും ഒരല്പം അടർത്തിയെടുത്ത് കഴിച്ചു…

 

ഭാഗ്യത്തിന് ഒന്നും തന്നെ സംഭവിച്ചില്ല എന്ന് മാത്രമല്ല നല്ല രുചിയുമുള്ള കിഴങ്ങായിരുന്നു…

 

അതെ പോലെ കുറെ പുഴുവിനെയും ചെറിയ ഒരു കമ്പിൽ കോർത്തു അവർ ചുട്ടു… നെയ് ഉഴുകുന്ന പോലെയുള്ള ഗന്ധം അവിടെ വ്യാപിച്ചു…