🌄The mystery Island-2 🌄 (Jeevan) 153

“അതെ അരവിന്ദ്… ഞാനും കണ്ടിട്ടില്ല… ഒരുപക്ഷെ പുതിയ ഒരു സ്പീഷീസ്‌ ആകാം… അതുമല്ലെങ്കിൽ വംശനാശം സംഭവിച്ചു പോയ ഏതെങ്കിലും വർഗം… എന്തായാലും സാധാരണ നമ്മുടെ നാട്ടിൽ കണ്ട് വരുന്ന പാമ്പുകളിൽ നിന്നും ഇവക്ക് വ്യത്യാസമുണ്ട്…” ഗുരുമൂർത്തി തന്‍റെ അഭിപ്രായം പങ്കുവച്ചു..

 

“ഇവയെല്ലാം പെട്ടന്ന് എവിടെ നിന്ന് വന്നു സർ…” അരവിന്ദ് സംശയം ചോദിച്ചു…

 

“ഇവിടെ പല ഇടങ്ങളിലായി ഇവ ഉണ്ടായിരുന്നു… പക്ഷെ എന്തോ ഒന്ന് ട്രിഗർ ചെയ്തപ്പോൾ ഇവ എല്ലാം കൂടി ഒരുമിച്ച് വന്നു… ആ ട്രിഗർ നമ്മൾ കഴിച്ച നാരങ്ങയാണ്… നിങ്ങൾ ശ്രദ്ധിച്ചില്ലേ… അത് താഴെ വീണ്… നമ്മൾ പൊട്ടിച്ചു കഴിക്കാൻ തുടങ്ങിയ ഉടനെ അവ പ്രത്യക്ഷപ്പെട്ടു…

 

മാത്രമല്ല നമ്മൾ അത് എറിഞ്ഞു കളഞ്ഞപ്പോൾ അത് നമ്മളെ വിട്ട് അതിന് പിന്നാലെ പോയി… സൊ നമുക്ക് ഉറപ്പിക്കാം ആ പഴത്തിനും ഈ പാമ്പ് വർഗ്ഗത്തിനും എന്തോ ബന്ധമുണ്ട്…” ഗുരുമൂർത്തി അവരെ തന്‍റെ നിരീക്ഷണങ്ങൾ പറഞ്ഞു കേൾപ്പിച്ചു…അദ്ദേഹം വീണ്ടും തുടർന്നു…

 

“ഇപ്പോളും പല ഇടത്തു നിന്ന് പാമ്പുകൾ അവിടേക്ക് പോകുന്നു… നമ്മുക്ക് ഇവിടെ നിന്നും മാറാം… അതാകും സുരക്ഷിതം….”

 

അവർ അവിടെ നിന്നും വളരെ ശ്രദ്ധയോടെ കുറെ ദൂരേക്ക് മാറി…

 

പട്ടിണിയും ഓട്ടവും മാനസിക സമ്മർദ്ധവും എല്ലാം കൂടി അവരെ തളർത്തിയിരുന്നു… അല്പം വെള്ളത്തിനായി അവർ ചുറ്റും നോക്കി… ഒന്നും കാണാതെ ഇരുന്നപ്പോൾ ഗുരുമൂർത്തി അവരെയും കൊണ്ട്‌ തീരം ലക്ഷ്യമാക്കി നടന്നു…

 

ഗുരുമൂർത്തിക്ക് കുറച്ചൊക്കെ സർവൈവൽ മെത്തേഡ്സ് അറിയുമായിരുന്നു…

 

രാജ്യാന്തര തലത്തിൽ തന്നെ അറിയപ്പെടുന്ന പ്രഗത്ഭനായ ഒരു ജിയോളജിസ്റ്റ് ആയ അദ്ദേഹം തന്‍റെ പഠനങ്ങൾക്കും മറ്റുമായി ലോകത്തെ ഒരുപാട് സ്ഥലങ്ങൾ സന്ദർശിച്ചിരുന്നു…

 

അദ്ദേഹം അങ്ങനെ പല തരത്തിൽ ഉള്ള ഗോത്രവർഗക്കാരോട് മറ്റും സഹകരിച്ചിരുന്നത് കൊണ്ട് ജീവൻ നില നിർത്താനുള്ള ചില പൊടികൈകൾ അദ്ദേഹം അവരിൽ നിന്നും പഠിച്ചെടുത്തിരുന്നു…

 

അദ്ദേഹം മറ്റ് രണ്ട് പേരോടുമായി പറഞ്ഞു –

 

“വിജയ്, അരവിന്ദ്… നമ്മൾക്ക് ജലം ആണ് ഇപ്പോൾ ഏറ്റവും ആവിശ്യം… അത് കൊണ്ട് വെള്ളം ഉണ്ടാക്കാൻ ഞാൻ  ഒരു വഴി പറയാം നിങ്ങൾ രണ്ടുപേരും എന്നോടൊപ്പം നിൽക്കണം…