ആമുഖം,

പ്രിയപ്പെട്ട വായനക്കാരെ … ഈ ഭാഗം അല്പം വൈകിയതില്‍ ക്ഷമ ചോദിക്കുന്നു …മറ്റൊന്നും കൊണ്ടല്ല , പക്ഷേ എഴുതാന്‍ ഇരിക്കുമ്പോള്‍ മനസ്സില്‍ ഒന്നും വന്നില്ല … ഈ ഭാഗം വായിച്ചു ഇഷ്ടം ആയി എങ്കില്‍ ഹൃദയം ചുവപ്പിച്ചും, അഭിപ്രായങ്ങള്‍ നല്‍കിയും നിങ്ങളുടെ സപ്പോര്‍ട്ട് അറിയിക്കണം… നമുക്ക് ലഭികുന്ന പ്രതിഫലം നിങ്ങളുടെ പിന്തുണയാണ് ….

“ഈ കഥ ഒരു സര്‍വൈവല്‍ , ഹൊറര്‍ & ഫാന്‍റസി ത്രില്ലര്‍ ആണ് … കഥയും സന്ദര്‍ഭങ്ങളും കഥാപാത്രങ്ങളും തികച്ചും സങ്കലിപികം…”‘

****************

?The Mystery Island -2?

     ദി മിസ്റ്ററി ഐലന്‍ഡ്-2  | Author : Jeevan| Previous Parts

 

അവർ മൂന്ന് പേരും ജീവൻ രക്ഷിക്കാനായി ഓടി… വിഷ സർപ്പങ്ങൾ അവർക്ക് പിന്നാലെയും…

 

അവർ ഓടുന്നതിനു ഒപ്പം പല വഴിക്കു നിന്നും സർപ്പങ്ങൾ പാഞ്ഞടുത്ത് കൊണ്ടിരുന്നു…

 

അപ്പോളാണ് വിജയുടെ കയ്യിൽ നിന്നും ഒരു കഷ്ണം നാരങ്ങ തെറിച്ചു താഴേക്ക് വീണത്…

 

അത് വീണതും അതിന് ചുറ്റുമായി കുറെ പാമ്പുകൾ കൂടുവാൻ തുടങ്ങി…

 

ഗുരു മൂർത്തി ഓട്ടത്തിന്‍റെ ഇടയിലും അത് ശ്രദ്ധിച്ചിരുന്നു… അദ്ദേഹം പെട്ടന്ന് തന്നെ ബാക്കി ഉള്ളവരോടായി പറഞ്ഞു –

 

“വിജയ്… അരവിന്ദ്… നിങ്ങളുടെ കയ്യിലുള്ള ആ നാരങ്ങ വേഗം തന്നെ പിന്നിലേക്ക് മാക്സിമം ശക്തിയെടുത്തു വലിച്ചെറിയു…”

 

അവർ മുന്ന് പേരും തങ്ങളുടെ കയ്യിൽ ഉണ്ടായിരുന്ന നാരങ്ങ ദൂരേക്ക് വലിച്ചെറിഞ്ഞു…

 

നാരങ്ങ വലിച്ചെറിഞ്ഞതും സർപ്പങ്ങൾ അവർക്ക് അടുത്തേക്കുള്ള പാച്ചിൽ നിർത്തി നാരങ്ങയുടെ അടുത്തേക്ക് പായാൻ തുടങ്ങിയിരുന്നു…

 

അവർ അവിടെ നിന്നും അല്പം കൂടി ദൂരേക്ക് മാറി നിന്നു…എണ്ണിയാൽ ഒടുങ്ങാത്ത അത്രയും പാമ്പുകൾ… അവർ ഒന്നിന് മുകളിൽ ഒന്നായി ഒരു കുന്നു പോലെ ആ നാരങ്ങയുടെ മുകളിയായി കിടക്കുന്നു…

 

നട്ടെല്ലിന് തണുപ്പ് ഉളവാക്കുന്ന ദൃശ്യം… ത്രികോണാകൃതിയിൽ ഉള്ള തലയും കൂർത്തു വളഞ്ഞ വലിയ വിഷപ്പല്ലും അധികം നീളവും വണ്ണവും ഇല്ലാത്ത കറുത്ത ചെതുമ്പൽ പോലെയുള്ള തൊലിയുമായി ലക്ഷക്കണക്കിന് ഉരഗങ്ങൾ…

 

“കണ്ടിട്ടു തന്നെ പേടിയാകുന്നു… എത്ര എണ്ണമാ… വിഷം ഉണ്ടെന്ന കാര്യം സുനിശ്ചിതം…” വിജയ് ആണ് പറഞ്ഞത്…

 

“ഇത്‌ എന്ത് തരം പാമ്പാണ്… ഇത്‌ വരെ ഇങ്ങനെ രൂപമുള്ള ഒരു പാമ്പിനെ പറ്റി കേട്ടിട്ടേ ഇല്ല…” അരവിന്ദ് അഭിപ്രായപ്പെട്ടു…