മിഥുനമാസത്തിലെ കാറ്റ് (അപ്പൂസ്) 2030

“ഒക്കെ ശരി സമ്മതിച്ചു. പക്ഷെ താൻ പറഞ്ഞത് കാമുകനും കാമുകിയും ചേർന്നു താലി കെട്ടണം എന്നല്ലേ.. എന്നിട്ടെന്താ തനിച്ചു കെട്ടിയത്?”

പെട്ടെന്ന് വന്ന അപ്രതീക്ഷിതചോദ്യത്തിൽ അവൾ ആദ്യം പതറി എങ്കിലും വിക്കി പറഞ്ഞൊപ്പിച്ചു..

“അതിനു, അതിന്… ഞാൻ അതിന്.. ഗന്ധർവന് വേണ്ടി കെട്ടിയതാടോ.. അതാ തനിച്ചു കെട്ടുന്നേ.. അത് പോട്ടെ ഇയാൾ പ്രാർത്തിക്കുന്നില്ലെ? ശത്രുസംഹാരത്തിന് ആണോ പ്രാർത്ഥന?”

“എനിക്ക് അതിനും മാത്രം ശത്രുക്കൾ ഇല്ലല്ലോ.. വേറെ എന്തെങ്കിലും പ്രാർഥിക്കാം എന്നു വച്ചാൽ എനിക്കും വളരെ മുൻപേ പ്രാർത്ഥിക്കുന്ന ഒരാളുടെ പ്രാർത്ഥനയും ആയി ക്‌ളാഷ് ആയി മുത്തപ്പനെ കൺഫ്യുസ് ആക്കണ്ട..”

കടക്കണ്ണു കൊണ്ട് അവനു നേരെ ഒരു നോട്ടമെറിഞ്ഞു അവൾ തിരിഞ്ഞു നടന്നു..

പക്ഷെ ആ കയ്യിൽ പിടിച്ചു അവളെ തിരിച്ചു നിറുത്തി അവൻ ചോദിച്ചു..

“ഈ അമ്പലനടയിൽ ഇയാൾ എന്റെ താലിക്ക് തല കുനിച്ചു തരാൻ ഞാൻ പ്രാർത്ഥിച്ചോട്ടെ??”

“എനിക്ക് പോണം..”

ആ കൈ വിടുവിച്ചു അവൾ തിരിച്ചു നടന്നു.. അൽപ്പം നടന്ന ശേഷം നിന്നു തിരിയാതെ തന്നെ അവനോട് ചോദിച്ചു

“ഇനിയൊരു പൗർണമിക്കു വരാനാവുമോ തേനാടും കുന്നിൽ എനിക്കൊപ്പം മുത്തപ്പൻ പാറ കയറാൻ??”

പതിനഞ്ചു മാസങ്ങൾ.. കുളിതെറ്റി ഒഴിവാക്കേണ്ടി വന്നത് ഒഴിച്ചുള്ള ഏഴുപൗര്ണമിക്കും അവർ അവിടെ ഒത്തുചേർന്നു അവൻ അവളോട് പ്രണയാഭ്യർത്ഥന നടത്തി…

ഇന്ന് എട്ടാം വട്ടം അവരുടെ മുത്തപ്പൻപാറ സന്ദർശനം കഴിഞ്ഞു.. മിഥുനമാസത്തിലെ പൗർണമി ദിവസം…. ഇന്ന് പക്ഷെ അവൾ ഇങ്ങോട്ട്