മിഥുനമാസത്തിലെ കാറ്റ് (അപ്പൂസ്) 2030

കൊല ചെയ്യാൻ എളുപ്പം ആ ദിവസം അല്ലെ.. കൊലപാതകി അതറിഞ്ഞു ആ ദിവസം തിരഞ്ഞെടുക്കുന്നത് ആണെങ്കിലോ??”

“ഈ കാറ്റ്. മുത്തപ്പൻ പാറക്ക് ചുറ്റും മാത്രം വീശുന്ന കാറ്റ്..അതിൽ തന്നെ പ്രശ്നമില്ലേ?? ”

“അത് അന്ന് യൂണിവേഴ്സിറ്റിയിലെ സൈന്റിസ്റ്റ്മാർ വന്നു പരിശോധിച്ചു തെളിഞ്ഞതല്ലേ.. ഈ മലക്ക് ചുറ്റുമുള്ള മാഗ്നറ്റിക് പോൾ വേരിയേഷൻ.. അത് കാരണം ആണ് കാറ്റു വീശുന്നത്”

“വായിൽ കൊള്ളാത്ത പേര് ഇട്ടു ഓരോന്ന് പറഞ്ഞാൽ പോരെ.. നിങ്ങൾക്കും നിങ്ങളുടെ ശാസ്ത്രജ്ഞർക്കും..”

അപ്പോളേക്കും ശവം കാണാൻ പോയ ചിലർ തിരിച്ചു വന്നു..

ശത്രുസംഹാരത്തിന് ഇട്ട ഒരു നാളികേരം കുറവുണ്ട്… ഇനി ഒരൊറ്റ എണ്ണമേ ബാക്കി ഒള്ളു.. ”

“ഏഴു നാളികേരം ഉണ്ടായതാ. ആറെണ്ണം കാണാനില്ല.. ആറു ബോഡിയും കിട്ടി.. ഇതിനെ കുറിച്ച് എന്താ പറയാനുള്ളത് സഖാക്കൾക്ക്?”

“ഇതാണോ വലിയ കഥ.. ആറല്ല എഴ് ജഡങ്ങൾ കിട്ടിയിട്ടുണ്ട്.. ഒരു പെണ്ണിന്റെയും ആറു ആണുങ്ങളുടെയും..

അത് തന്നേ ആണ് പറഞ്ഞു വരുന്നേ.. ആ പെണ്ണിന്റെ പ്രേതം… അതാണ് ഇതെല്ലാം ചെയ്യിക്കുന്നെ…

നിങ്ങളിങ്ങനെ പറഞ്ഞോ.. സംഗതി അതൊന്നുമല്ല…. ആ നാളികേരത്തിന്റെ കഥ ഈ കൊലപാതകവുമായി ചേർന്നപ്പോൾ എന്താ വരുമാനം ക്ഷേത്രത്തിനു….. ഇത്തിരി കാശ് കിട്ടിയാൽ പുളിക്കോ?? വരുമാനം കൂട്ടാൻ ആ മലയൻമാര് ചെയ്ത പണി ആവും..”

“എന്തിനാ പാവം മലയൻമാരെ പറയുന്നേ?? ദൈവദോഷം വരുത്തല്ലേ മക്കളെ…”

അത് വരെ നിശബ്ദനായി കേട്ടു നിന്ന ചായക്കടക്കാരൻ കുമാരേട്ടനും പറഞ്ഞു..

“അല്ല കുമാരേട്ടനും അങ്ങനെ തോന്നും.. എത്ര ഇരട്ടി ചായ പോവുന്നുണ്ട് ഇപ്പോൾ? ഇനി കുമാരേട്ടൻ എങ്ങാനും ചെയ്ത പണി ആണോന്നു സംശയിച്ചാലും തെറ്റില്ല.”