മായാമിഴി? (9) മനോരോഗി ഫ്രം മാടമ്പള്ളി 197

 

” നീ പേടിക്കേണ്ട നിന്നേ ഞാൻ ഒന്നും ചെയ്യില്ല… കാരണം ഈ കഥയിൽ നിനക്കൊരു പങ്കുമില്ല… പിന്നെ നിന്നെ ഞാൻ ഈ പിടിച്ച് കൊണ്ട് വന്നത് നീ എനിക്കൊരു പാലമായത്കൊണ്ടാണ്…. നിന്റച്ഛനിലേക്ക്… അതായത് വിശ്വനാഥ വർമ്മയിലേക്കുള്ള പാലം ”

 

 

 

അയാൾ വീണ്ടും പൊട്ടിച്ചിരിച്ചു….

 

 

അയാളുടെ  ചിരിയും സംസാരവും ഒക്കെ കണ്ടപ്പോൾ ഹരി പേടിച്ചരണ്ടു… കാരണം  ഭീമാകാരനായ, കണ്ടാൽ പേടിതോന്നുന്ന തരത്തിലുള്ള മുഖവും നോട്ടവും ഒക്കെ ആയിരുന്നു അയാൾക്ക്…. അറിയാത്ത ഒരാൾ കണ്ടാലും തെല്ലൊരു ഭയം മനസ്സിൽ തോന്നും… അങ്ങനൊരു രൂപമായിരുന്നു പട്ടേലാർക്ക്…

 

 

 

 

” ആഹ് പിന്നെ നിന്റച്ഛനെ മറന്നേക്ക് കേട്ടോ… അവന്റെ നാളുകൾ എണ്ണപ്പെട്ടു കഴിഞ്ഞു ”

– പട്ടേലാർ

 

 

 

 

” ഇവന് തത്കാലം കഴിക്കാൻ എന്തെങ്കിലും കൊടുക്ക് ”

 

 

പട്ടേലാർ തന്റെ ക്യാബിനിലേക്ക്  നടന്നു…

 

 

 

 

? ? ? ? ? ? ? ? ? ? ? ? ?

 

 

 

 

 

”  ഞങ്ങളെന്നാ ഇറങ്ങുവാ മോനേ…. ആ കുട്ടി വന്നാൽ വിളിക്കാൻ പറയുട്ടോ… എങ്കിലേ സമാധാനമാവുള്ളു ”

 

 

 

വൈകുന്നേരം അച്ഛനും അമ്മയും ആരുവും  വീട്ടിലേക്ക് ഇറങ്ങാനൊരുങ്ങി…

 

 

 

” ഞാനും വരാം… എന്നെകൊണ്ടുള്ള ആവശ്യം ഒന്നുമില്ലന്നെ… ഇവിടെ പുറത്ത് കെടന്നിട്ട് എനിക്കെന്തേലും അസുഖം വരത്തേയുള്ളു ”

– നിരഞ്ജൻ

 

 

 

” ഹാ എങ്കിൽ ഭക്ഷണം കൊണ്ട് കൊടുത്തിട്ട് നീ തിരിച്ചുപോര് ”

– അച്ഛൻ

 

 

 

അവർ നാല് പേരും അവിടുന്ന് ഇറങ്ങി…