മാമകഹൃദയത്തിൻ ആത്മരഹസ്യം – 7 [ദാസൻ] 163

ഞാൻ അവളുടെ കൈകൾ മാറ്റി എഴുന്നേറ്റു, എൻ്റെ കൈയിൽ കയറി പിടിച്ച അവൾ

” അങ്ങിനെ അങ്ങോട്ട് പോയാലോഡാ കള്ളാ, എനിക്കറിയില്ലെ ഏട്ടൻ എന്തിനാണ് വന്നതെന്ന്. ഇതു പറയാൻ എന്നെ വലിച്ചു മുറിയിൽ കയറ്റി, വാതിൽ അടച്ചു കുറ്റിയിട്ടു. എന്നിട്ട് സാരോപദേശം തരാൻ മാത്രം, ഉവ്വുവ്വേ എനിക്ക് മനസ്സിലായി. ഇവിടെ കിടക്കെടാ കള്ളാ …..”

ഇത് പറഞ്ഞ് അവൾ എന്നെ തള്ളി കട്ടിലിൽ കിടത്തി, എൻറെ ചുണ്ടുകളിൽ അവളുടെ ചുണ്ടുകളാൽ മുദ്ര അർപ്പിച്ചു.

“ഇതിന് അല്ലേ ഏട്ടാ ഈ അഭ്യാസം ഒക്കെ കാണിച്ചത്. ഇനിയെങ്ങാനും എന്നെ വിളിക്കാതെ ഇരിക്കുകയോ കാണാൻ വരാതിരിക്കുകയോ ചെയ്താൽ, ഏട്ടൻ താമസിക്കുന്ന സ്ഥലത്ത് ഞാൻ വന്നു താമസിക്കും. മനസ്സിലായല്ലോ, ഇനി ഏട്ടൻ പൊയ്ക്കോ അമ്മയും അച്ഛനും സംശയിക്കും.”

എൻറെ മേൽ നിന്നും എഴുന്നേറ്റു പോകാൻ പോയ അവളെ കട്ടലിലേക്ക് കടത്തി.

“നീ അങ്ങിനെ മിടുക്കിയാകല്ലെ. ഈ കാത്തു നിന്ന ദിവസങ്ങളിൽ നിന്നെ, എനിക്ക് ഹോസ്റ്റലിൽ നിന്നും പിടിച്ചിറക്കി കൊണ്ടുവരാൻ കഴിയില്ലെന്ന് കരുതിയോ? വേണ്ട എന്ന് വെച്ചിട്ടാണ്.”

എൻറെ കീഴ്ചുണ്ട് അവൾ വിരലുകളാൽ വലിച്ചുനീട്ടി.

” എൻറെ ഏട്ടന്, അങ്ങിനെ പറഞ്ഞത് വിഷമമായോ, ക്ഷമിക്ക് ഏട്ടാ…. വാ….. എഴുന്നേൽക്ക് നമുക്ക് വീട്ടിൽ പോകണ്ടേ? ഞാൻ ഏട്ടൻറെ കൂടെ വരുന്നുണ്ട്, സമയം കളയണ്ട”

ഞങ്ങൾ എഴുന്നേറ്റ് വാതിൽ തുറന്നു പുറത്തേക്കിറങ്ങി.

” വാ ഏട്ടാ, താഴേക്ക് പോകാം.”

ഞങ്ങൾ താഴേക്കിറങ്ങി, അമ്മായി അപ്പോഴും പാചകത്തിലാണ്. അവൾ അടുക്കളയിലേക്ക് ചെന്നു.

“അമ്മേ. ഞാൻ അപ്പച്ചിയെ കണ്ടിട്ട് കുറച്ചു ദിവസങ്ങളായി, ഞാൻ ഏട്ടൻറെ കൂടെ അങ്ങോട്ട് പോവുകയാണ്.”

അതിന് അമ്മായിയുടെ മറുപടി

” എല്ലാം നിൻറെ തോന്നലുകൾ അനുസരിച്ചല്ലേ പ്രവർത്തിക്കുന്നത്, അതിന് ഞാനെന്തു പറയാനാണ്. നിൻറെ അച്ഛനോട് പറഞ്ഞിട്ട് പൊയ്ക്കൊ”

അവൾ അമ്മാവനോട് പറഞ്ഞപ്പോൾ അമ്മാവൻ എതിർപ്പൊന്നും പറഞ്ഞില്ല. അവളുടെ മുറിയിൽ കയറി ബാഗുമെടുത്ത് എൻറെ ഒപ്പം വന്നു വണ്ടിയിൽ കയറുന്നതിന് മുമ്പ്, വണ്ടി ഉരഞ്ഞ പാടുകൾ നോക്കി.

” ഒരു വിധം നല്ലവണ്ണം ഉരഞ്ഞല്ലൊ”

“അതു സാരമില്ല, അവിടെയെത്തിയിട്ട് ടെച്ച് ചെയ്യാം.”

അവൾ വണ്ടിയിൽ വന്ന് കയറി. ഞങ്ങൾ വീടെത്തിയപ്പോൾ അമ്മ, ഭക്ഷണവും റെഡിയാക്കി കാത്തിരിക്കുകയായിരുന്നു. തിങ്കളാഴ്ച അതി രാവിലെ തന്നെ വീട്ടിൽ നിന്നും ഞങ്ങൾ ഇറങ്ങി. പിന്നെ സാധാരണ പോലെ വിളിയും കാണലും തുടർന്നു.രണ്ടു മാസം കഴിഞ്ഞപ്പോൾ അവളുടെ ഹൗസ് സർജൻസി കഴിഞ്ഞു, അധികം താമസിയാതെ കൊറോണ പ്രോട്ടോക്കോൾ പാലിച്ചു ഞങ്ങളുടെ കല്യാണം നടന്നു. ആദ്യ രാത്രി അവൾ തളർന്നു എൻ്റെ മാറിൽ കിടക്കുമ്പോൾ

” അന്ന് ഹോസ്പിറ്റലിൽ ബോധം ഇല്ലാതെ കിടക്കുമ്പോൾ ശാലിനിയെ വിളിച്ചു എന്തൊക്കെയൊ പറയുന്നുണ്ടായിരുന്നല്ലൊ? ഏതാണ് ആ ശാലിനി ? ഞാൻ പിന്നെ അന്ന് പ്രശ്നം ഉണ്ടാക്കണ്ടല്ലൊ എന്നു കരുതിയാണ് ഒന്നും ചോദിക്കാതിരുന്നത്. കല്യാണം കഴിയട്ടെ എന്നു വിചാരിച്ചിരിക്കുകയായിരുന്നു. ഇനി പറയു ആരാണവൾ?”

ഞാനവളോട് എല്ലാ ആത്മരഹസ്യവും പറഞ്ഞു. അതിനവളുടെ മറുപടി

“എനിക്ക് അറിയാമായിരുന്നു ഏട്ടാ, എല്ലാം. എന്നാലും ഏട്ടനെ ഒന്ന് കബളിപ്പിക്കാമെന്ന് കരുതി”

എൻ്റെ മാറിലെ രോമക്കാടുകളിൽ അവളുടെ വിരലുകൾ പരതി നടന്നു.
രാവിലെ കുളിച്ച് മുടിയിൽ ടർക്കിയും ചുറ്റി ചായയുമായി എന്നെ വന്നുണർത്തി. ചായക്കപ്പ് ടേബിളിൽ വെച്ച് കട്ടിലിൽ എൻ്റെ അരികിൽ ഇരുന്നു.

” രാവിലെ ഇങ്ങിനെ കിടന്നാൽ ശരിയാവില്ല, കുറച്ചു സ്ഥലങ്ങളിലൊക്കെ പോകുന്ന കാര്യം അച്ഛൻ പറയുന്നുണ്ട് “