മാമകഹൃദയത്തിൻ ആത്മരഹസ്യം – 5 [ദാസൻ] 294

“ചേട്ടാ, വാതിൽ തുറക്കു….”

ഞാൻ വാതിൽ തുറന്നു.

“ചേട്ടനെന്താണ് വാതിലടച്ചു ഇരിക്കുന്നത്. ദേ അമ്മാവനും അമ്മായിയും പോകുന്നുവെന്ന് പറയുന്നു.”

“അമ്മാവനൊക്കെ നാളെ പോകാം”

“ഇല്ല മോനെ, നാളെ മോൾക്ക് എന്തൊ മീറ്റിംഗ് ഉണ്ടെന്ന് പറയുന്നുണ്ടായിരുന്നു. രാവിലെ തന്നെ പോകണമെന്ന് പറയുന്നുണ്ടായിരുന്നു.അതു കൊണ്ട് പോകട്ടെ”

” എന്നാൽ ഭക്ഷണം കഴിച്ചിട്ട് പോയാൽ മതി. രേഖേ എന്നാൽ ഭക്ഷണം എടുക്ക് ”

” ശരി ചേട്ടാ. മേഘേ വാ… ഭക്ഷണം കൊടുക്കാം”

ശാലിനിയുമായി വർത്താനം പറഞ്ഞിരുന്ന മേഘ എഴുന്നേറ്റ് അടുക്കളയിലേക്ക് പോയി. അമ്മയും മേഘയും രേഖയും കൂടി ആഹാരം എടുത്തുകൊണ്ടുവന്ന് ഡൈനിംഗ് ടേബിളിൽ വച്ചു.

” ചേട്ടാ ആഹാരം റെഡിയായിട്ടുണ്ട് ”

” അമ്മാവനൊക്കെ ഇരിക്കട്ടെ, കൂടെ രണ്ട്‌ അച്ഛൻമാരും ഇരിക്ക്. ഞാനും ഡോക്ടറും പിന്നെ ഇരുന്നോളാം.”

അമ്മാവനും അമ്മായിയും ശാലിനിയും ഇരുന്നു, കൂടെ രണ്ട് അച്ഛന്മാരും. ഭക്ഷണം കഴിഞ്ഞ് അമ്മാവനും കുടുംബവും ഇറങ്ങി, അമ്മാവനും അമ്മായിയും എന്നോട് യാത്ര പറഞ്ഞു . അവൾ ഞാനും അമ്മയും ഒഴിച്ച് ബാക്കിയുള്ളവരോട് യാത്രയും പറഞ്ഞു പോയി വണ്ടിയിൽ കയറി, അമ്മാവനും അമ്മായിയും വണ്ടിയിൽ കയറിയ ഉടൻ അവൾ വണ്ടി യെടുത്തു. എന്നെ എയർപോർട്ടിൽ ഡ്രോപ്പ് ചെയ്യാൻ വന്നത് രേഖയും ഹസ്ബൻഡുമാണ്. എയർപോർട്ടിലേക്ക് വരുന്ന വഴി രേഖ

“എല്ലാം ശരിയാകും ചേട്ടാ. ചേട്ടൻ ഇനി വരുമ്പോൾ ചേച്ചിയും കൂടെ ഉണ്ടാവും.”

“മോളെ. ഇനി അവളോട് ഒന്നും സംസാരിക്കാൻ നിൽക്കണ്ട, അത് അടഞ്ഞ അദ്ധ്യായമാണ്. സംസാരിച്ചു ഇനി അത് കൂടുതൽ വഷളാക്കേണ്ട. അവള് കുട്ടികളെ നോക്കാൻ വരുമായിരിക്കും അല്ലെ, ഇല്ലായെങ്കിൽ ഏതെങ്കിലും ഡോക്ടറെ അറേഞ്ച് ചെയ്യണം. എനിക്ക് കുട്ടികളെ പിരിഞ്ഞു വന്നിട്ട് ഒരു സുഖവും ഇല്ല.”

” എല്ലാം ഞാൻ നോക്കിക്കോളാം ചേട്ടാ. പിന്നെ അച്ഛനും ഉണ്ടല്ലോ.”

അവർ എന്നെ എയർപോർട്ടിൽ ഡ്രോപ്പ് ചെയ്തു തിരിച്ചുപോയി. ഞാൻ എയർപോർട്ടിനകത്തേക്ക് ചെന്നപ്പോൾ അവിടെ ശാലിനി നിൽക്കുന്നു. രേഖ, ഞാൻ അറിയാതെ ഇവൾക്കുള്ള പേപ്പറുകൾ ശരിയാക്കിയോ. ഒരുദിവസം അവൾ എൻറെ പാസ്പോർട്ട് മേടിച്ചു കൊണ്ടുപോയത് ഞാൻ ഓർത്തു. രേഖയും ശാലിനിയും ഒത്തു കൊണ്ടുള്ള നാടകമായിരുന്നൊ ഇതുവരെ ഉള്ളതൊക്കെ, എന്തും വരട്ടെ എന്ന് കരുതി ഞാൻ മുന്നോട്ടു നടന്നു.