പ്രതികാരം

Author :Tom David

എന്റെ ആദ്യത്തെ കഥക്ക് support തന്ന എല്ലാവർക്കും നന്ദി…. 😁🙏

 

ഇതൊരു ചെറിയ കഥയാണ് ആർക്കൊക്കെ ഇഷ്ടപ്പെടും എന്ന് അറിയില്ല കഴിഞ്ഞ കഥയിൽ ഉണ്ടായിരുന്ന അക്ഷരത്തെറ്റുകൾ ഈ കഥയിൽ ഉണ്ടാവാതിരിക്കാൻ പരമാവതി ശ്രമിച്ചിട്ടുണ്ട് അറിയാതെ എന്തെങ്കിലും ഉണ്ടെങ്കിൽ എല്ലാവരും ഷെമിക്കുക ഇഷ്ടപ്പെടുക ആണെങ്കിലും അല്ലെങ്കിലും അഭിപ്രായം പറയുക….. 🙂

 

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

 

 

“പറന്നു പോവുക ആയിരുന്ന എനിക്ക് പെട്ടന്നാണ് പുറകിൽ നിന്ന് അടി വീണത്. തെറിച്ചു അവിടെ ഉണ്ടായിരുന്ന ഭിത്തിയിൽ തല ഇടിച്ചു വീണു അപ്പോൾ തന്നെ എന്റെ ബോധം പോയി.

കണ്ണ് തുറന്നപ്പോൾ ഇരുട്ട് നിറഞ്ഞ മുറിയിൽ ആയിരുന്നു. ജനലിൽ കൂടി വന്ന സൂര്യപ്രകാശം കണ്ണിലേക്ക് അടിച്ചു കയറി അത് ആ മുറിയിൽ കുറച്ചു വെളിച്ചം നൽകിക്കൊണ്ടിരുന്നു. ശരീരം മുഴുവൻ വേദന അനുഭവപ്പെട്ടു മെല്ലെ ചിറകുകൾ വിടർത്താൻ നോക്കി എന്നാൽ കഴിഞ്ഞില്ല. ഒരു മേശയുടെ പുറത്തു കിടത്തിയിരിക്കയായിരുന്നു എന്നെ.

പെട്ടന്ന് ആ മുറിയുടെ വാതിൽ തുറന്നു ഒരു ഇരുണ്ട രൂപം മുന്നിലേക്ക്‌ നടന്നു വന്നു അവൻ വലതു കൈ കൊണ്ട് ലൈറ്റിന്റെ സ്വിച്ച് ഓൺ ചെയ്തു പെട്ടന്ന് ഉണ്ടായ വെളിച്ചം കാരണം ഞാൻ കണ്ണ് ഇറുക്കി അടച്ചു. കണ്ണ് തുറന്നപ്പോൾ എന്റെ മുന്നിൽ ആയി അവൻ നിൽക്കുന്നു അവന്റെ മുഖം എനിക്ക് വ്യക്തമായിരുന്നില്ല പെട്ടന്ന് അവൻ എന്റെ അടുത്തേക്ക് മുഖം കൊണ്ടുവന്നു ചിരിച്ചുകൊണ്ട് ചോദിച്ചു.

“പേടിച്ചു പോയോ, പേടിക്കണ്ട ഒന്നും ചെയ്യില്ല ഞാൻ…..”

അവന്റെ കണ്ണ് മുഴുവൻ ചുമന്നിരുന്നു വായിൽ നിന്നും മദ്യത്തിന്റെ മണം എന്റെ മൂക്കിലേക്ക് അടിച്ചു കയറി. അവന്റെ പല്ലുകളിൽ ഹാൻസിന്റെ കറ ഉണ്ടായിരുന്നു.

ഞാൻ ഒരിക്കൽ കൂടി എഴുന്നേൽക്കാൻ ശ്രമിച്ചു എന്റെ ചലനം ശ്രദ്ധിച്ചിട്ടെന്നാവണ്ണം അവൻ എന്റെ ഇടതു ചിറകിൽ പിടുത്തമിട്ടു. മറുകൈ കൊണ്ട് എന്റെ വയറിൽ പിടിച്ചു ചിറകു അവൻ വലിച്ചു കീറി അവൻ എത്രത്തോളം ശക്തൻ ആണെന്ന് എനിക്ക് മനസ്സിലായി ഇനി ഇവിടെ നിന്ന് ഒരു മടക്കം ഇല്ല എന്ന് എന്റെ മനസ്സ് പറഞ്ഞു.

ആദ്യം ചിറകിന്റെ കുറച്ചു ഭാഗം മാത്രം ആണ് അവനു കീറാൻ കഴിഞ്ഞത് പിന്നീട് അവൻ എന്റെ ഇടതു ചിറകു പൂർണമായും വലിച്ചു കീറി എടുത്തു മാറ്റി എന്റെ പുറത്ത് നിന്നും ചോര ചീറ്റി തെറിച്ചു.

അതിനു ശേഷം അവൻ വലതു ചിറകും അവൻ വലിച്ചു ഊരി കളഞ്ഞു അവൻ എന്നെ കൊന്നിരുന്നു എങ്കിൽ എന്ന് എനിക്ക് തോന്നി. അടുത്തതായി അവൻ എന്റെ കൈകളും കാലുകളും വലിച്ചു ഒടിച്ചു എടുത്തിരുന്നു.