മാമകഹൃദയത്തിൻ ആത്മരഹസ്യം – 5 [ദാസൻ] 294

” ദിനേശന് അറിയാമായിരിക്കും ഇത് ഇവിടുത്തെ സബ്കളക്ടറാണ്, രേഖ.

” ചേട്ടാ ഞാൻ ചോദിച്ചതിന് മറുപടി പറഞ്ഞില്ല”

“ഞാൻ രാവിലെ പോകും”

“അപ്പോൾ നാളെ വൈകിട്ട് ഞാനും ചേട്ടനും കൂടി വരാം, ഞങ്ങൾ എയർപോർട്ടിൽ ഡ്രോപ്പ് ചെയ്തോളാം. ഞാനൊന്ന് അടുക്കളയിൽ പോയി അമ്മയെ കണ്ടിട്ട് വരാം”

അവൾ അടുക്കളയിലേക്ക് പോയി. ഇതാരാണ് എന്ന് അവൻ സംശയത്തോടെ അവളെ നോക്കുന്നതു കണ്ടപ്പോൾ.

“അത് എൻറെ അനിയത്തിയാണ്, അനിയൻറെ ഭാര്യ അല്ല. ജന്മം കൊണ്ടല്ല കർമ്മം കൊണ്ടാണ് അവൾ അനിയത്തി ആയത്.”

അപ്പോഴേക്കും അവർ മൂന്നു പേരും കൂടി ചായയുമായി വന്നു. രേഖ ഒരു ചായയുമായി പുറത്തേക്ക് പോയി, തിരിച്ചു വന്ന് എല്ലാവരും ഒരുമിച്ചിരുന്ന് ചായ കുടിച്ചു കൊണ്ടിരുന്നപ്പോൾ രേഖ

“അച്ഛൻ അപ്പുറത്ത് കുട്ടികളും ആയി ഇരുന്നു കളിക്കുക ആയിരിക്കുമല്ലേ.”

അതു കേട്ടപ്പോൾ അമ്മ

“കുട്ടികൾ വന്നാൽ ചേട്ടനെ, ഒരു നേരത്തും ഇവിടെ കാണില്ല. അതുതന്നെ ഇവനും.”

കുട്ടികൾ എന്ന് പറഞ്ഞപ്പോൾ ദിനേശും അനുവും പരസ്പരം നോക്കുന്നുണ്ട്.

“ചായ കുടിച്ചു കഴിഞ്ഞു, നിങ്ങൾ അന്വേഷിച്ചുവന്ന മഹാസംഭവം കാണാം.”

ചായ കുടി കഴിഞ്ഞു ഞാനും രേഖയും ദിനേശും അനുവും അരയന്നക്കൂടിലേക്ക് നടന്നു. അവിടെ ചെന്നപ്പോൾ അച്ഛൻ കുട്ടികൾക്ക് എന്തൊക്കെയോ പറഞ്ഞു കൊടുക്കുകയാണ്. ഇത്രയും കുട്ടികളെയും സൗകര്യവും ഒക്കെ കണ്ടപ്പോൾ ദിനേശും അനുവും അത്ഭുതം ഊറുന്നത് ഞാൻ കണ്ടു. ഞങ്ങളെ കണ്ടപ്പോൾ അച്ഛൻ എഴുന്നേറ്റു അടുത്തേക്ക് വന്നു, കൂടെ കുട്ടികളും. കുറേപേർ എൻറെ കയ്യിൽ തൂങ്ങി, മറ്റു കുറച്ചുപേർ രേഖയുടെ കൈയിലും. ഇതൊക്കെ കണ്ട് അവർ അത്ഭുതത്തോടെ നോക്കി നിൽക്കുന്നു. ഞാൻ അനുവിനോട്

“എന്നോട് കുട്ടികളുടെ വിശേഷം ചോദിച്ചില്ലേ, അപ്പോൾ ഞാൻ സുഖമായിരിക്കുന്നു എന്നും പറഞ്ഞു. ഇതാണ് എൻറെ കുട്ടികൾ.”

ഞാൻ കുട്ടികളോട്

“ഇനി നിങ്ങൾ പുറത്തുപോയി കളിച്ചോ, ചേച്ചിക്ക് വീട്ടിൽ പോകണം. ഞാൻ ഈ അങ്കിളിനേയും ആൻറിയേയും പറഞ്ഞയച്ചിട്ട് വരാം.”

അത് പറഞ്ഞപ്പോൾ അവർ പുറത്തേക്കു പോയി.

” അച്ഛാ, ഇത് ശാലിനിയുടെ അമ്മാവൻറെ മകനും ഭാര്യയും ആണ്.”

” ശരി. മക്കൾ ചായ കുടിച്ചോ?”

“കുടിച്ചു.”