മാമകഹൃദയത്തിൻ ആത്മരഹസ്യം -5

Author :ദാസൻ

[ Previous Part ]

 
ഞാൻ നേരത്തെ മനസ്സിൽ കരുപ്പിടിപ്പിച്ച തീരുമാനം നടപ്പാക്കാനുള്ള നടപടികൾ നാളെത്തന്നെ തുടങ്ങണമെന്ന് ഉറപ്പിച്ചു. ഞാൻ ഇതിനെ പറ്റി ആലോചിച്ചു തുടങ്ങിയിട്ട് കുറച്ചു നാളുകളായി. തൃശൂർ ടൗണിന് ഉള്ളിലേക്ക് മാറി ശാന്തസുന്ദരമായ രണ്ടേക്കർ സ്ഥലവും അതിൽ സാമാന്യം വലിപ്പമുള്ള കെട്ടിടവും കണ്ട് വെച്ചിട്ടുണ്ട്. ഇനി രേഖയുടെ സമ്മതം വാങ്ങണം, അതിന് സൗകര്യമായി അവളുമായി സംസാരിക്കണം. അവൾ സമ്മതിക്കുമെന്നാണ് എൻ്റെ വിശ്വാസം.ഇത് വേറെയാരും അറിയാൻ പാടില്ല, അവളുടെ അച്ഛനും അനിയത്തിയും പോലും എല്ലാം രഹസ്യമായിരിക്കണം. നാളെ തന്നെ രേഖയെ കാണാനുള്ള അനുവാദം വാങ്ങി, കൂടിക്കാഴ്ച ഓഫീസിലും വീട്ടിലും വേണ്ട എന്ന് അവളോട് പറഞ്ഞു. ഓഫീസ് വണ്ടി വേണ്ട എൻ്റെ കാറിൽ പോകാമെന്ന് പറഞ്ഞു. അവൾ ok പറഞ്ഞു.

രാവിലെ തന്നെ കാപ്പി കുടി കഴിഞ്ഞ് ഞാൻ ഇറങ്ങി, രേഖയുടെ വീട്ടിലെത്തി. വീട്ടിൽ കയറി അവളുടെ അച്ഛനെയും അനിയത്തിയെയും കണ്ടു. അവളെയും കൂട്ടി ഞാൻ ഇറങ്ങി, ഞാൻ കണ്ടു വച്ചിരുന്ന സ്ഥലത്തേക്ക് തന്നെ വണ്ടി വിട്ടു. ആ കോമ്പൗണ്ടിൽ കയറ്റി വണ്ടി പാർക്ക് ചെയ്തു. ആ സ്ഥലവും എൻറെ മനസ്സിലുള്ള കാര്യവും ഞാൻ വണ്ടിയിൽ ഇരുന്നു അവളോട് പറഞ്ഞു. ഇതെല്ലാം കേട്ടുകഴിഞ്ഞപ്പോൾ അവൾ എന്നെ ആശ്ചര്യത്തോടെ നോക്കുകയാണ്.

” നീയാണ് ഇനി മറ്റുള്ള കാര്യങ്ങൾ നോക്കേണ്ടത്. ഞാൻ ഉദ്ദേശിച്ചത് നിനക്ക് മനസ്സിലായില്ലേ, അനാഥരായ ബാല്യങ്ങളെ കണ്ടെത്തി ഇവിടെ അഡോപ്റ്റ് ചെയ്യുന്നു. തൽക്കാലം നമ്മൾ ഈ കെട്ടിടം പുതുക്കി, ഞാൻ പോകുന്നതിനു മുമ്പ് തന്നെ സ്റ്റാർട്ട് ചെയ്യുന്നു. ഞാനാണ് ഇത് നടത്തുന്നതെന്ന് തൽക്കാലം ആരും അറിയേണ്ട. നിൻറെ കെയറോഫിൽ ആകട്ടെ കാര്യങ്ങളെല്ലാം. കുട്ടികൾ വരുന്നതനുസരിച്ച് നമ്മൾ ഇവിടെ ഡെവലപ്പ് ചെയ്യും. നല്ല രീതിയിലുള്ള ഭക്ഷണം നല്ല വസ്ത്രം. എപ്പോഴും ഒരു ഡോക്ടറുടെ നിരീക്ഷണം, മാസത്തിലൊരിക്കൽ മെഡിക്കൽ ചെക്കപ്പ്. അതിനുവേണ്ടി ഒരു ഡോക്ടറെ നിയമിക്കാം, എല്ലാം നിൻറെ നിയന്ത്രണത്തിൽ. നീ ok ആണെങ്കിൽ, നാളെ മുതൽ ഇതിൻറെ പ്രവർത്തനവുമായി മുന്നോട്ടു പോകും. ഇത് തുടങ്ങാനുള്ള മറ്റു ഗവർൺമെൻ്റ് തലത്തിലുള്ള പേപ്പറുകളുടെ പണി നീ ചെയ്യണം, എവിടെയെങ്കിലും പോകണമെങ്കിൽ ഞാൻ പോകാം.”

” ചേട്ടൻ ഇത്രയും നല്ല മനുഷ്യസ്നേഹിയാണെന്ന് ഞാൻ ഇപ്പോഴാണ് മനസ്സിലാക്കുന്നത്, അന്ന് എന്നെ സഹായിച്ചത് എൻറെ അവസ്ഥ കണ്ടിട്ട് ആണെന്നാണ് ഞാൻ കരുതിയത്. അങ്ങനെയല്ല എന്ന് ഇപ്പോൾ എനിക്ക് മനസ്സിലായി, ചേട്ടൻ്റെ എല്ലാ പ്രവർത്തനങ്ങൾക്കും കൂടെ ഞാൻ ഉണ്ടാവും, എപ്പോഴും എന്നും കൂടെയുണ്ടാവും”

ഞങ്ങൾ അവിടെ നിന്നും ഇറങ്ങി, രേഖയെ ഓഫീസിൽ ഇറക്കി. അതിനു ശേഷം ആ സ്ഥലത്തിൻ്റെ കാര്യത്തിനായി ആളെ കാണാൻ പോയി. ഈ ആഴ്ച തന്നെ സ്ഥലം രജിസ്റ്റർ ചെയ്യാമെന്ന് പറഞ്ഞു. ഞാൻ രേഖയെ വിളിച്ചു കാര്യം പറഞ്ഞു, ഇനി മറ്റുള്ള കാര്യങ്ങൾക്ക് താമസം വേണ്ടയെന്ന് പറഞ്ഞു. ഒരാളോടും പറയാതെ ഞങ്ങൾ പ്രവർത്തനങ്ങളുമായി മുന്നോട്ട് പോയി. ഞാൻ തിരിച്ചു പോകുന്നതിന് മുമ്പ് അതിൻ്റെ ഉത്ഘാടനം നടത്താനുള്ള മുന്നൊരുക്കങ്ങളായി, ഒന്നിനും ഞാൻ മുമ്പിൽ നിന്നില്ല. എല്ലാം രേഖയുടെ നേതൃത്വത്തിൽ നടന്നു. ഉത്ഘാടന ദിവസം എല്ലാ പ്രധാനപ്പെട്ട വ്യക്തികളേയും ക്ഷണിച്ചു. എല്ലാവരും ഉത്ഘാടന പ്രസംഗത്തിൽ സബ് കളക്ടറെ ഇങ്ങിനെ ഒരു പ്രസ്ഥാനം തുടങ്ങിയതിൽ പ്രശംസിച്ചു. മറുപടി പ്രസംഗത്തിൽ രേഖ. പ്രസ്ഥാനമല്ല. പേര് swannery എന്നാണ്, അരയന്നക്കൂട്. ഈ പ്രശംസകളൊക്കെ