ഭ്രാന്തിക്കുട്ടി

Author :Hope

 

“എട്ടാ എഴുന്നേക്ക് നാല് മണിയാവൻ പോണ്…..”

 

എന്റെ നെഞ്ചിൽ തലവെച്ചുകൊണ്ട് എന്നെ ഉണർത്താൻ നോക്കുവാണ് പെണ്ണ്……. പക്ഷെ ഉറക്കത്തിന്റെ അസുഖം നല്ലോണമുള്ള ഞാൻ ഈ സമയത്ത് എഴുന്നേക്കുവെന്ന് തോന്നുന്നുണ്ടോ……

…. ഞാൻ പുതപ്പെടുത്തു ഒന്നും കൂടി നന്നായി പുതച്ച് അവളെ എന്റെ കരവലയത്തിനുള്ളിലാക്കി വീണ്ടും കിടന്നു……. വീണ്ടും എട്ടായിയെന്ന് വിളിച്ചെങ്കിലും ഉറക്കം വരുന്നത് കാരണം ഞാൻ പ്രതികരിച്ചില്ല..

പക്ഷെ അതിന്റെ ഫലം നിമിഷങ്ങൾക്കുള്ളിൽ തിരിച്ചു കിട്ടി……. നെഞ്ചിലെ മുഴുവൻ രോമവും ചൂണ്ട് വിരലുകൊണ്ട് കൂട്ടി പിടിച്ചോറ്റവലി കൂടെ കവിളൊത്തൊരു കടിയും…….. അമ്മേയെന്നും വിളിച്ചു ഞാൻ ചാടിയെഴുന്നേറ്റു…….

 

“നിനക്ക് പിന്നേം പ്രാന്തായോ പെണ്ണെ….. ”

 

പെട്ടെന്ന് ചിരിച്ചും കളിച്ചും കിടന്ന പെണ്ണിന്റെ മട്ട് മാറി…… മുഖത്ത് സങ്കടം നിഴലിച്ചു…….

ഉറക്ക പിച്ചിൽ അറിയാണ്ട് പറഞ്ഞു പോയതാണെങ്കിലും അവൾക്കത് വല്ലാത്ത സങ്കടമായെന്ന് അവളുടെ നിറഞ്ഞു തുളുമ്പിയ കണ്ണും

വീർത്ത കവിളും കണ്ടപ്പോഴേ എനിക്ക് മനസിലായി…….

….. ഇനിയും സമയം കളഞ്ഞാൽ ഇതൊരു വലിയ പ്രശ്നത്തിലേക്ക് പോകുമെന്ന് മനസ്സ് പറഞ്ഞതും ഞാനവളുടെ കുഞ്ഞു മുഖം കൈകളിലെടുത്തു

നെറുകയിലും കവിളത്തുമെല്ലാം കുറെ ഉമ്മ വെച്ചു……

 

“സോറി………ഞാനുറക്കപ്പിച്ചിൽ അറിയാതെ പറഞ്ഞു പോയതാ……. സോറി……..”