ഭാഗ്യ സൂക്തം 04 [ഏക-ദന്തി] 95

ഇന്ന്  വറൈറ്റി സ്നാക്സ് ആണ് . കോളിഫ്ലവര്‍ ബജ്ജിയും മൂംഗ്  ദാല്‍ ( ചെറുപയർ പരിപ്പ് ) പകോടയും കൂടെ പോധിന ചട്നിയും, പിന്നെ  കടല ബോൾ ( കപ്പലണ്ടി മിട്ടായി / peanut bar  ന്റെ  ലഡ്ഡു പോലെ ഒരു സംഗതി . ) ഞാന്‍ അവള്‍ ഉണ്ടാക്കിയ ബോൾ ഒരെണ്ണം എടുത്തു കഴിച്ചു . യ്യാ മോനെ ഇത് സാദനം വേറെയാ . ഓട്ട്സും , മൂംഗ് ദാലും , വറുത്ത അവലും , ഈന്തപ്പഴവും , ബദാമും , കാഷ്യു നട്ടും,  ചെറിയും  ഒക്കെ ചതച്ച് തേനില്‍ ഡ്രൈ ഫ്രൂട്സും ചേര്‍ത്തു കുഴച്ച് ഉണ്ടാക്കുന്ന എനര്‍ജി ബോള്‍ അഥവാ ഗ്രനോല ബോള്‍ . ( ഗ്രനോല എന്നത് ലൈറ്റ് വൈറ്റ് ആയിട്ടുള്ള ഒരു സ്നാക് ആണ് കലോറി ധാരളമുള്ളതിനാലും സ്റ്റോര്‍ ചെയ്യാനും പാക്ക് ചെയ്യാനും എളുപ്പവുമായതിനാല്‍ ഇത് ഹൈക്കിംഗ് , ക്യാമ്പിംഗ് , ബാക്പാക്കിംഗ് എന്നീ ഔട്ട്‌ ഡോര്‍ അക്ടിവിറ്റികളില്‍ എർപ്പെടുന്നവര്‍ക്ക് ഏറെ ഇഷ്ടമുള്ളതാണ്  ) പിന്നെ ചെറുപയറു കൊണ്ടുള്ള മൂംഗ് ദാല്‍ പകോട , പോധിന ചട്നിയില്‍ മുക്കി കഴിച്ചു . അതും വേറെ ഒരു ലെവല്‍ തന്നെ യാണ് . ഈ മൂംഗ് ദാല്‍ പകോട ഷെഫ് രാഖീ വാസ്വാനിയുടെ ഒരു സിഗ്നെച്ചര്‍ സ്നാക്ക് ഡിഷ്‌ ആണ് . നമ്മടെ വക്കീലിന്റെ ഫേവരൈറ്റ് ഷെഫു മാരില്‍ ഒരാളാണ് രാഖീ മാം . 

അങ്ങനെ കാപ്പി കുടിയും തീറ്റയും കഴിഞ്ഞു അനു ഇല്ലാത്തതുകൊണ്ട് ഒരു മത്സരാന്തരീക്ഷം ഇല്ലാ . അങ്ങനെ ബാക്കി കുറച്ചു സ്നാക്സ് അനുവിന് വേണ്ടി ഒരു എയര്‍ ടൈറ്റ്കണ്ടൈനറില്‍ മാറ്റി വെച്ചു . ശ്രീലുട്ടി പറഞ്ഞു ഏട്ടാ മമ്മി വിളിച്ചിരുന്നു , സിത്തു ദിദി ഏട്ടനൊരു ലിസ്റ്റ് അയച്ചു തന്നിട്ടുണ്ട് എന്ന് പറഞ്ഞു . അത് നോക്കിയിട്ട് വിളിക്കാന്‍ പറഞ്ഞു . ഞാന്‍ ഫോണ് എടുത്തു അമ്മയെ വിളിച്ചു . 

ഫോണെടുത്തതും മമ്മി പറഞ്ഞു .

“നീ ഉണ്ണീനെ കൂട്ടി തറവാട്ടിലേക്ക് പൊക്കോ ഞാന്‍ വിഡിയോ കാള്‍ ചെയ്യാ ” പറഞ്ഞു തീര്‍ന്നതും കട്ട് ചെയ്തു പോയി . ഞാന്‍ നോക്കുമ്പോള്‍ ശ്രീലുട്ടി ഉണ്ട് തറവാടിന്റെ ചാവി ഒക്കെ എടുത്ത് റെടിയായിരിക്കുന്നു . കയ്യില്‍ ഒരു തുണിസഞ്ചി ഒക്കെ ഉണ്ട്  . i ഫോണും പവര്‍ ബാങ്കും ഒക്കെ ഉണ്ട് കയ്യില്‍ . പിന്നെ അവളുടെ i പാഡും . ഏട്ടാ കാറെടുത്താല്‍ മതിയേ എന്നും പറഞ്ഞു പെണ്ണ് ഹാളിലെയും കിച്ചനിലെയും ഒക്കെ ലൈറ്റ് കെടുത്താന്‍ പോയി . ഞാന്‍ മെല്ലെ അനുവിന്റെ ക്രൂസ് പോര്‍ച്ചില്‍ നിന്നും പുറത്തിറക്കി  . ശ്രീലുട്ടി കോട്ടേഴ്സ് പൂട്ടി വന്നു  വണ്ടിയില്‍ കയറിയതും ഞങ്ങൾ  തറവാട്ടിലേക്ക് തിരിച്ചു . പോകുന്ന വഴിക്ക് അവള്‍ അനുവിനെ വിളിച്ച് അങ്ങോട്ട് വന്നാല്‍ മതി എന്ന് പറഞ്ഞു . 

തറവാട്ടിലെത്തിയപ്പോള്‍ അവിടെ രാമേട്ടനും പെയിന്റ് പണിക്കാരും ഉണ്ട് . പണിക്കാരൊക്കെ പണി കഴിഞ്ഞ് ഡ്രസ്സ്‌ മാറ്റിയിരിക്കുന്നു . അവരെല്ലാം കൂലി വേടിച്ച്  പോവാൻ നിൽക്കുകയാണ് . പണി ഒക്കെ ഏകദേശം തീർന്നപോലെ ആണ് . നാളെ കുറച്ച് ക്ളീനിംഗും ടച്ചപ്പും ആണത്രേ , പിന്നെ പ്ലംബിങ് ആൻഡ് വയറിങ് . 

പണിക്കാരൊക്കെ പോയതും ഞങ്ങൾ ഉള്ളിലേക്ക് കയറി . ശ്രീലുട്ടി i പാഡ് എടുത്ത് മമ്മിക്ക് വീഡിയോ കാള് ചെയ്യാൻ തുടങ്ങി . കാൾ കണക്ട് ആയതും മമ്മിയും പപ്പയും ഉണ്ട് അവിടെ ഹാളിൽ ഇരിക്കുന്നു , സിത്തുവും മിത്തുവും ഉണ്ട് കൂടെ . ശ്രീലുട്ടി നടന്ന് വീടിന്റെ ഉൾവശം ഒക്കെ കാണിച്ച് കൊടുക്കുന്നു . ഞാൻ വാട്സ്ആപ് തുറന്നു സിത്തു അയച്ച ലിസ്റ്റ് എടുത്തു നോക്കി .