ഭാഗ്യ സൂക്തം 04 [ഏക-ദന്തി] 94

ശ്രീലു i പാഡും വാങ്ങിച്ച് കുളത്തിന്റെ അവിടേക്ക് പോയി , ആ സമയത്താണ് അനു rx ഇൽ കേറി വരുന്നത് , നേരെ ഇങ്ങോട്ടുതന്നെ ആണ് . യൂണിഫോമിൽ തന്നെ , പക്ഷെ ഷർട്ട് ടക് ഇൻ ചെയ്തത് വലിച്ച് പുറത്തിട്ടിട്ടുണ്ട് . അവൻ വണ്ടി നിർത്തി എന്റെ അടുത്തേക്ക് വന്നു . ശ്രീലു എവിടെ എന്നു ചോദിച്ചു .

” ഭാഭി നെ ദേവർനിയോം കോ വോ ടെംപൾ വാല പോണ്ട് ദിഖാനെ ഗയാ ” ( ഏട്ടത്തി നാത്തൂൻമാർക്ക് അമ്പല കുളം കാണിക്കാൻ പോയിരിക്കുന്നു )  ഞാൻ പറഞ്ഞു .

ഞാനും ആനിയും ഒക്കെ വീടിന്റെ ഉള്ളിൽ കേറി കണ്ടു . ടെക്സ്ചർ പെയിന്റിങ് ഒക്കെ കിടു ആണ് . ഹാളിലെ ചുമർ മൊത്തം തേക്ക്‌ ഫിനിഷിങ് ആക്കിയിട്ടുണ്ട് . പഴയ കൊട്ടാരങ്ങളുടെ സ്റ്റൈൽ . ഇനി ലൈറ്റിങ്ങും കൂടി വന്നാൽ സംഗതി പൊളിക്കും . കിച്ചൻ കുറച്ചു മോഡേൺ സ്റ്റൈൽ ആണ് . സെമി മോഡുലാർ . യു ഷേപ്പ് ആണ് കൂടാതെ ഒരു ബ്രെക്ഫാസ്റ് നൂക് ഉണ്ടാക്കിയിട്ടുണ്ട് ഒരു വിൻഡോ യുടെ അരികിൽ . പഴയ കിച്ചണിലെ സിമന്റിട്ട കൗണ്ടർടോപ് ഒക്കെ ഡെമോളിഷ് ചെയ്ത് ഒരു വശത്തു മാത്രം കോണ്ക്രീറ് ചെയ്ത ഒരു കൗണ്ടർ ടോപ്പ് . ബാക്കി എല്ലാം വുഡൻ ബേസ് ക്യാബിൻസ് വിത് ആക്സസ്സറി ബാസ്കെറ്റ്‌സ് ആൻഡ് പുൾ ഔട്‌സ് , എല്ലാത്തിനും കോമൺ ആയി ബ്ലാക് ഗാലക്സി ഗ്രാനൈറ് കൗണ്ടർ ടോപ്പ് . കോണ്ക്രീറ് ചെയ്ത കൗണ്ടറിന്റെ ഭാഗത്ത് കിച്ചൻ ഹോബിനുള്ള ഭാഗം കട്ട് ചെയ്തിട്ടുണ്ട് . ഹുഡിനുള്ള ഭാഗം മാത്രം ഒഴിവാക്കി ഓവർഹെഡ്‌ ക്യാബിനെറ്റ്സ് . ഒരു സൈഡിൽ ടാൾ യുണിറ്റ് , അതിനടുത്തായി ഡബിൾ ഡോർ ഫ്രിഡ്ജിനുള്ള സ്പേസ് ഒഴിവാക്കി ഇട്ടിട്ടുണ്ട് . ബ്ലൂ ആൻഡ് ഐവറി കളർ കോമ്പിനേഷൻ ആണ് ക്യാബിനെറ്റ്സിന് . ഗ്ലോസി ലാമിനേറ്റ് ഫിനിഷ് . വർക് ഏരിയ ഗ്രിൽ വർക് ചെയ്ത് എൻക്ലോസെഡ് ആക്കിയിട്ടുണ്ട് . അവിടെ തന്നെ ഒരു ആലുവ അടുപ്പ് സെറ്റ് ചെയ്തിട്ടുണ്ട് . റെനോവേഷൻ ഒക്കെ സുധി ഏട്ടന്റെ ( സുധീഷ് കൈലാസ് ) ഡിസൈൻ ആണ് . കിച്ചനിൽ മാത്രം മമ്മിയും ശ്രീലുവും ചെറിയ സജഷൻസും മറ്റും കൊടുത്തു . വേറെ ഒരു കാര്യം എന്താണെന്ന് വച്ചാൽ കിച്ചണിലെ യും ഡൈനിങ് ഹാളിലെയും ഫ്ലോറിങ് മാത്രമാണ് ചേഞ്ച്‌ ചെയ്തിട്ടുള്ളത് . അത് വൃത്തിയാക്കാൻ എളുപ്പത്തിനു വേണ്ടി വിട്രിഫയ്ഡ് ടൈൽസ് ആക്കി , ബാത്റൂമുകളും ഒന്നു ഫുൾ മോഡേൺ ആക്കി . ബാക്കി എല്ലായിടത്തും ആ പഴയ കാവി ഇട്ട ( റെഡ് ഓക്സയ്ഡ് ) ഫ്ലോറിങ് അത് പോലെ തന്നെ നിലനിർത്തി . ഒന്നു പോളിഷ് ചെയ്തു . നാല്പതു കൊല്ലം മുൻപേ ഉള്ള ഫ്ലോറിംഗ് ആണ് , ഇപ്പോളും നല്ല ഗ്ലെയിസിങ്ങിൽ തന്നെ ആണ് .

വീടൊക്കെ കണ്ട് പുറത്തു വന്നപ്പോളാണ് കുളം കാണിക്കാൻ പോയ ശ്രീലുട്ടി വരുന്നത് കൂടെ രാമേട്ടനും ഉണ്ട് . ചീര ഒക്കെ പറിച്ചെടുത്ത് ഒരു തുണി സഞ്ചിയിൽ കുത്തി നിറച്ചിട്ടുണ്ട് . കുളത്തിന്റെ പുറകിലുള്ള ഞങ്ങളുടെ പാടത്ത് ചീര , വെണ്ട , പയർ , കയ്പ , പടവലം , വെള്ളരി എന്നിങ്ങനെ കൃഷി ചെയ്യുന്നുണ്ട് , വാഴയും മരച്ചീനിയും ഒക്കെ ഉണ്ട് . അവിടെ നിന്നായിരിക്കും . രാമേട്ടന്റെ കയ്യിലും കുറച്ച് ചീര ഉണ്ട് . പുള്ളി അതു ഒരു വാഴ നാരുകൊണ്ട് കെട്ടിയിരിക്കുന്നു , മറ്റേ കയ്യിൽ ഒരു വാഴക്കുല ഉണ്ട് . പെണ്ണ് വന്നിട്ട് വാഴയുടെ ഉണ്ണി പിണ്ടി അവിടെ ഉണ്ട് , അതൊന്നു കൊണ്ടു വരാൻ പറഞ്ഞു . ഞാനും അനുവും അങ്ങോട്ടു ചെന്ന് അതെടുത്തു കൊണ്ട് പോന്നു . വീടിന്റെ തൊടിയിൽ തന്നെ ആണ് മുളക് ചേന , ചേമ്പ് , കാച്ചിൽ എന്നീ കൃഷികൾ . പിറകുവശതായി മുപ്പതോളം കമുക് നാട്ടിട്ടുണ്ട് അതിൽ ഒക്കെയും കുരുമുളക് പടർത്തിയിട്ടും ഉണ്ട് . ഈ കോമ്പൗണ്ടിൽ തന്നെ ധാരാളം മാവുകളും പ്ലാവുകളും ഒക്കെ അച്ചച്ഛന്റെ കാലത്ത് പുള്ളി നട്ടു വെച്ചിരുന്നു . പിന്നെ കുറെ തേക്ക് ,വീട്ടി , ആഞ്ഞിലി , മഹാഗണി എന്നീ മരങ്ങളും . ഈയിടെ ആയി കുറച്ചു പുതിയ പല  ഫലവൃക്ഷങ്ങളും ഒക്കെ  നട്ടു പിടിപ്പിച്ചിട്ടുണ്ട് . ചാമ്പ , സപ്പോട്ട , ചിക്കൂ , ഞാവൽ , ജാതിക്ക , കൊക്കോ അങ്ങനെ കുറെ മരങ്ങൾ . ചിലതൊക്കെ കായ്ക്കാനും തുടങ്ങിയിട്ടുണ്ട് .