ഭാഗ്യ സൂക്തം 04 [ഏക-ദന്തി] 95

എന്നെ മൈന്റ് ആക്കാതെ അമ്മായിയും മുറപ്പെണ്ണും കയറി വന്നു അവരെ മൈന്റ് ആക്കാതെ ഞാനും എന്റെ ബുള്ളറ്റ് എടുത്തിറങ്ങി . ഇന്നെന്തു പണിയാണോ കിട്ടാന്‍ പോകുന്നത് . ഞാന്‍ മനസ്സില്‍ വിചാരിച്ചു .

റോഡിലേക്ക് കയറ്റി അല്പം ദൂരം ചെന്നതും വണ്ടിക്കെന്തോ ഒരു വൈബ്രേഷന്‍ . മുന്ഭാഗത്ത് ഒരു വിറയല്‍ . ഞാന്‍ വണ്ടി നിര്‍ത്തി ഇറങ്ങി നോക്കി .

ഹാ… ബെസ്റ്റ് … പഞ്ചറ് ..  കൊള്ളാം … കണിയുടെ ഒരു പവറെ …  ഞാന്‍ അനുനെ  വിളിച്ചു . 

“ എന്താ ഏട്ടാ ? “  ഫോണ്‍  അറ്റന്‍ഡ് ചെയ്തതും അവന്‍ ചോദിച്ചു .

“ നല്ല കണി ആയിരുന്നത് കൊണ്ട് വഴിയില്‍ കുടുങ്ങി . ടയര്‍ മാഫി … പഞ്ചര്‍ മാഫി …” ഞാന്‍ പറഞ്ഞു .

“ എവിടെ ആണ് “ അനു.

“ പഴേരി ടെ അവടെ “ ഞാന്‍ പറഞ്ഞു . 

“ പ്പോ വരാട്ടോ , അപ്പളേക്കും മാര്‍ക്ക്‌ ഉണ്ണിയേട്ടനെ ഒന്ന്‍ വിളിച്ചെക്ക് “ അനുപറഞ്ഞു .

ഞാന്‍ ഫോണ്‍ കട്ട് ചെയ്ത്  ഉണ്ണിയേട്ടനെ വിളിച്ചു കാര്യം പറഞ്ഞു , ഉണ്ണിയേട്ടന്‍ മരുമക്കളെ വിടാം എന്ന പറഞ്ഞു . അവരുടെ വീട് അവിടെ അടുത്ത് ആണ്. 

പഴേരി അപ്പാര്‍ട്ട്മെന്റിന്റെ  അവിടെ തന്നെ ആണ് ഉണ്ണി മാര്‍ക്ക്‌ എന്ന ഞങ്ങളുടെ വര്‍ക്ക്‌ ഷോപ്പ് ബ്രോ താമസം . പുള്ളിയുടെ ചേച്ചിമാരുടെ മക്കള്‍ ആണ് ലാലുവും വൈശാഗും . അവരുടെ വീടും അവിടെ അടുത്താണ് . അപ്പോഴേക്ക് അനു എത്തി . സമയം കളയാതെ ഞാന്‍ അവന്റെ വണ്ടിയുടെ പിറകില്‍ ചാടി കയറി . ഹെല്‍മെറ്റ്‌ ഞാന്‍ കയ്യില്‍ എടുത്തിരുന്നു . ചാവി വണ്ടിയില്‍ തന്നെ വെച്ചു . പോകുന്ന വഴിക്ക് അനു ചോദിച്ചു 

“ ആരായിരുന്നു ആ കണി ? “ 

“ അന്റെ അമ്മായി മൂദേവി , പിന്നെ പുട്ടി മച്ചുനിച്ചി എംബിഎ ഷവര്‍മ്മ  “ ഞാന്‍ പറഞ്ഞു . ( മച്ചുനിച്ചി / മച്ചുണിച്ചി എന്നത് അച്ചന്റെ സഹോദരിയുടെയോ അമ്മയുടെ സഹോദരന്റെയോ മകള്‍ ആണ് . മുറപ്പെണ്ണ്  അയ്നാണ് )

“ നന്നായി . അതിപ്പോ എന്റെ മാത്രം അല്ലല്ലോ ഏട്ടന്റെയും കൂടി അല്ലെ . സഹിച്ചോളീ “ ചെക്കന്‍ ട്രോളി .

അങ്ങനെ അവന്റെ കൂടെ ഞാന്‍ കോളേജിലെത്തി .

പോലീസ് യൂണിഫോമിൽ ഉള്ള ഒരാൾ ഒരു RX 100 ബൈക്ക് കോളേജിലേക്ക് ഓടിച്ച് കയറ്റിയതും പിള്ളേരൊക്കെ അന്തം വിട്ടു നോക്കി നിൽക്കുന്നു . വണ്ടിടെ പിറകിൽ ഞാനും . പിള്ളേരൊക്കെ കിളി പോയപോലെ നിൽക്കുകയാണ്  .  ഞാൻ അവനോട് വായിൽ നോക്കി നിൽക്കാതെ വേഗം സ്ഥലം കാലിയാക്കാൻ പറഞ്ഞു കൊണ്ട് ഓഫീസിന്റെ അങ്ങോട്ട് നടന്നു . അവൻ ബൈ പറഞ്ഞുകൊണ്ട് വണ്ടി എടുത്ത് പോയി . വണ്ടി പ്രാന്തുള്ള ചില പെൺകുട്ടികൾ ഒക്കെ  വണ്ടിയെ പറ്റി ഡിസ്‌കസ്‌ ചെയ്യുന്നുണ്ട് . ഞാൻ നേരെ ഹേമമ്മായിയുടെ ഓഫീസിലേക്ക് നടന്നു . മോർണിംഗ് വിഷ് ചെയ്ത് ഞാൻ അറ്റൻഡൻസ് രജിസ്റ്ററിൽ സൈൻ ചെയ്തു .  

” മോഹനും വനജയും വരുന്ന കാര്യം തീരുമാനമായി അല്ലെ ? ” ഹേമമ്മായി ചോദിച്ചു .

” ആ . ഞായറാഴ്ച്ച രാത്രി കരിപ്പൂര് എത്തും . ”  ഞാൻ പറഞ്ഞൂ .

അപ്പോളേക്കും സുജില ചേച്ചിയും വന്നു ഞങ്ങളെ വിഷ് ചെയ്ത് അറ്റൻഡൻസ് രജിസ്റ്ററിൽ സൈൻ ചെയ്തു . ഞാൻ  ചേച്ചിയുടെ കൂടെ സ്റ്റാഫ് റൂമിലേക്ക് നടന്നു . ബെൽ  അടിക്കുന്നതു വരെ ഞങ്ങൾ എല്ലാരും ഓരോന്ന് സംസാരിച്ചിരുന്നു . 

ഫസ്റ്റ് ഹവർ എനിക്ക് ഫസ്റ്റ് ഇയർ ഡിഗ്രി ക്ലാസിനാണ് . നിക്സ്റ് ഹവർ ഫ്രീ . ഞാൻ സ്റ്റാഫ് റൂമിലെത്തി .  മെസ്സേജ് നോട്ടിഫിക്കേഷൻ വന്നു . സിത്തു ആണ് . മമ്മിയുടെ അടുത്തെത്തി എന്നാണ് മെസ്സേജ് .