ഭാഗ്യ സൂക്തം 04 [ഏക-ദന്തി] 95

ശ്രീലു റെഡിയായി വരുമ്പോൾക്ക് ഞാൻ അപ്പം എല്ലാം ചുട്ടു ഒരു കാസറോളിലെക്ക് മാറ്റി അതും ശ്രീലു റെഡി ആക്കി വെച്ച തേങ്ങാപ്പാലൊഴിച്ച ആവോലികറി കുറച്ചു സെര്‍വിംഗ് ഡിഷില്‍ എടുത്ത് ഡൈനിംഗ് ടേബിളില്‍ കൊണ്ട് പോയി സെറ്റ് ആക്കി . തിരിച്ച് കിച്ചണില്‍ വന്ന് സ്റ്റവ്വില്‍ കോഫിക്കുള്ള വെള്ളം വെച്ചുകൊണ്ട് ഓവര്‍ഹെഡ് കാബിനറ്റില്‍ നിന്നും എന്റെയും ശ്രീലുവിന്റെയും ലഞ്ച് ബോക്സ്‌ എടുത്തു സിങ്കില്‍ കൊണ്ടുപോയി വാഷ്‌ ചെയ്തു . 

അനു പിന്നെ ഡ്യൂട്ടി ഉണ്ടെങ്കില്‍ ഫുഡോന്നും കൊണ്ടുപോകാറില്ല . അവന്‍ ഏതെങ്കിലും കഞ്ഞിക്കടയില്‍ നിന്നും കഴിച്ചുകൊള്ളും ( മലപ്പുറം ജില്ലയില്‍  മലപ്പുറം , കൊണ്ടോട്ടി , കോട്ടക്കല്‍ , മഞ്ചേരി , പെരിന്തല്‍മണ്ണ , നിലമ്പൂര്‍ , മങ്കട എന്നിവിടങ്ങളും പിന്നെ പാലക്കാട്‌ ജില്ലയില്‍ മണ്ണാര്‍ക്കാട് , പട്ടാമ്പി ചെര്‍പുളശ്ശേരി, വല്ലപ്പുഴ എന്നീ സ്ഥലങ്ങളില്‍ ഒക്കെ കഞ്ഞി കടകള്‍ ഉണ്ട് വേറെ സ്ഥലങ്ങളിലും ഉണ്ട് . കോഴിക്കോട് ജില്ലയിലും ഉണ്ട് സ്ഥലങ്ങള്‍ കൃത്യമായി ഓര്‍മയില്ല . കഞ്ഞിയും പൊരിച്ച മീനും അച്ചാറും ചമ്മന്തിയും ഉപ്പേരിയും കൂടിയുള്ള ഒരു സ്പെഷ്യല്‍ ഫീല്‍ ആണ് , മേല് തട്ടാത്ത റേറ്റും പിന്നെ ഒടുക്കത്തെ ടെസ്റ്റും   ) 

സ്റ്റവ്വില്‍ തിളച്ചു വന്ന വെള്ളത്തിലേക്ക് ഞാന്‍ കോഫീ പൌഡര്‍ ഇട്ടു . മൂന്നു മഗ്ഗുകളില്‍ ഒഴിച്ചു വെച്ചു . ശ്രീലുവിനു ബ്ലാക്ക് കോഫീ പറ്റില്ല . അതുകൊണ്ട് അവളുടെ മഗ്ഗില്‍ മാത്രം അല്പം അമുല്യ പൌഡര്‍ ഇട്ടുകൊണ്ട് ഇളക്കി . 

അപ്പോഴേക്ക് ശ്രീലു റെഡിയായി വന്നു . ഇന്ന് കോര്‍ട്ട്‌ അപ്പിയറിംഗ് ഒന്നും ഇല്ല എന്ന് തോന്നുന്നു . ഒരു ബ്ലൂ ബന്ധനി ചുരിദാര്‍ ടോപ്പും  ഒരു പലാസ്സോ ബോട്ടവും  ആണ്  വേഷം  , കുന്ദന്‍ വര്‍ക്ക് ഉള്ള ഒരു  ദുപ്പട്ട വണ്‍ സൈഡ് ആയി ഇട്ടിട്ടുണ്ട് . ഒരു കയ്യില്‍  ബ്ലൂ ബാംഗിള്‍സ് ഒക്കെ കുത്തി കയറ്റിയിട്ടുണ്ട് , മറ്റേ  കയ്യില്‍ ബ്ലൂ  സ്ട്രാപ്പുള്ള  ആപ്പിൾ  വാച് . ഒരു ബ്ലൂ ക്രിസ്റ്റൽ  പൊട്ട് ഒട്ടിച്ചിട്ടുണ്ട് . കാതിലും നീല കല്ലുകള്‍ ഉള്ള ഒരു കമ്മല്‍ . മൊത്തം ഒരു നീല കുറുക്കത്തി ലുക്ക്‌ . 

പിന്നാലെ തന്നെ അനുമോദ് SI വന്നു . യുനിഫോമില്‍ ഒരു അന്‍ബുചെല്‍വന്‍ IPS ലൂക്കൊക്കെ ഉണ്ട് ( സുര്യയുടെ ക്യാരക്ടര്‍ ഫ്രം ഗൌതം മേനോന്‍സ് “ കാക്ക കാക്ക ” ) തെണ്ടി ചെല നേരത്ത് ഭയങ്കര ലുക്ക്‌ ആണ് . ശ്രീലു ലഞ്ച് ബൊക്സിലെക്ക് ചോറുനിറച്ചു . വേറെ രണ്ടു ടപ്പര്‍ വേര്‍ കണ്ടൈനറുകളില്‍ ആവോലികറിയും വത്തള്‍ റോസ്റ്റും എടുത്ത് നിറച്ചു . രണ്ടു ലഞ്ച് ബാഗുകളും അടച്ച് ഒരു വാഷ്‌ ക്ലോത് കൊണ്ട് തുടച്ചു .

പിന്നെ ഞങ്ങള്‍ ബ്രേക്ഫാസ്റ്റ് കഴിക്കാന്‍ തുടങ്ങി . അപ്പവും ആവോലികറിയും അതും തേങ്ങാപ്പാലോഴിച്ച ആവോലികറി . പൊളിച്ച കോംബിനേഷന്‍ . അതും തട്ടി ആദ്യം ശ്രീലു റെഡിയായി ബാഗും ലഞ്ച് ബാഗും എടുത്ത് ഇറങ്ങി . പിന്നാലെ ഞാനും . അനുവിനു പിന്നെ പതുക്കെ ഇറങ്ങിയാല്‍ മതി . ക്ലീനിംഗ് അവന്‍ ഏറ്റെടുത്തു . ഞാന്‍ പുറത്ത് വന്നു ഷൂ ഇടുമ്പോള്‍ ശ്രീലു ഇറങ്ങിയിരിക്കുന്നു . അവള്‍ വണ്ടി എടുത്തു ഗേറിന് പുറത്തിറങ്ങിയതും ഒരു എസ്റ്റിലോ കയറി വന്നു. പുറത്തിറങ്ങിയ ഞാന്‍ ആദ്യം കാണുന്നത് ആ കാറില്‍ നിന്നിറങ്ങിയ രണ്ടു പേരെയാണ് . 

നല്ല കണി . മൂദേവിയും MBA ഷവര്‍മയും . അച്ഛന്റെ പെങ്ങള്‍ മാധവി സോമനും മകള്‍ സൌമ്യയും . കോട്ടേഴ്സിന്റെ  അവരുടെ പോര്‍ഷനിലെ വാടക പിരിക്കാന്‍ വന്നിരിക്കുകയാണ് ( കോട്ടേഴ്സ് പകുതി പപ്പക്കും പകുതി അമ്മായിക്കും ആണ് അവരവരുടെ പോര്‍ഷനിലെ വാടക അവരവര്‍ കളക്റ്റ് ചെയ്യും . ഞങ്ങളുടെ സെക്ഷനില്‍ 4 വീതം യൂണിറ്റുകള്‍ അവരുടെതും അതുപോലെ തന്നെ ) . എന്റെ അവസ്ഥ മീശമാധവനും ടീമും കാണിച്ച കണി കണ്ട കൃഷ്ണ വിലാസം ഭഗീരഥന്‍ പിള്ളയുടെ പോലെ ആയി . ഇന്നെന്തോക്കെ ആവുമോ എന്തോ . ശ്രീലുട്ടി വേഗം പോയതുകൊണ്ട് അവള്‍ കണ്ടുകാണില്ല . അതുകൊണ്ട് അവള്‍ക്ക് കുഴപ്പമില്ല . ഇനി ഇറങ്ങനുള്ളത് അനു ആണ് ,  അവനിത് ഒരു വിഷയമേ അല്ല . പാവം വടകക്കാരുടെ ഒക്കെ കാര്യം എന്താകുമോ എന്തോ ?