ഭാഗ്യ സൂക്തം 04 [ഏക-ദന്തി] 95

പിന്നെ ഭക്ഷണത്തിന്റെ ഒരുക്കങ്ങള്‍ ചോറും കാലത്തുണ്ടാക്കിയ  ആവോലിക്കറിയും  വത്തല്‍ റോസ്റ്റും . രാത്രി മാത്രം സ്പെഷ്യലായി അല്പം ചീര താളിച്ചു , കുറച്ചു സലാടും ഉണ്ടാക്കി . അങ്ങനെ കുറച്ചു നേരം ഞങ്ങള്‍ ഫിഫ കളിച്ചു പിന്നെ ശ്രീലുട്ടി വന്നു റിമോട്ട് പിടിച്ചു വാങ്ങി സീരിയല്‍ വെച്ചു . ഞാനും അനുവും മുറ്റത്തിറങ്ങി . ഞങ്ങള്‍ക്ക് ഈ സീരിയല്‍ തിങ്ങ്സ്‌ ഡൈജസ്റ്റ് ആവില്ല .

അപ്പോളാണ് വിബിന്‍ ഡ്യൂട്ടി കഴിഞ്ഞു വരുന്നത് . അവനൊരു മെഡിക്കല്‍ റെപ്പ് ആണ് . അമ്മായിക്ക് ഷെയര്‍ ആയിക്കിട്ടിയ കോട്ടേഴ്സിന്റെ പോഷനില്‍ ആണ് താമസം . അവന്റെ വൈഫ്‌ അഞ്ജന ഒരു കംപ്യുട്ടര്‍ സെന്ററിലെ ടീച്ചര്‍ ആണ് . അവര്‍ ലവ് മാരേജ് ആണ് , അതുകൊണ്ട് തന്നെ രണ്ടുപേരുടെയും വീടുകാരുമായി അത്ര സുഖത്തിലല്ല . ഇന്ന് കാലത്ത് വാടക വാങ്ങാന്‍ മുതലാളിച്ചിയും മകളും വന്നപ്പോള്‍ വല്ലതും പറഞ്ഞു കാണണം . അതാണ്‌ പതിവ് . എല്ലാവരെയും താഴ്ത്തി കെട്ടാനും കുറ്റം പറഞ്ഞു നടക്കാനും മാത്രമാണ് അമ്മായിക്ക് ഉള്ള ഏക കഴിവ് . 

വിബി ഞങ്ങളെ കണ്ടപ്പോള്‍ വണ്ടി നിര്‍ത്തി അടുത്തേക്ക് വന്നു . വന്നപാടെ അവന്‍ ചോദിച്ചു “അനിയെട്ടാ മുകളിലത്തെ റൂം കുട്ടിയുള്ള ഫാമിലിക്ക് വാടകക്ക് കൊടുക്കുമോ ? ”

“അതെന്താഡാ കുട്ടികളുള്ള ഫമിലിന്നൊക്കെ . ഫാമിലി ആയാല്‍ കുട്ടികൾ ഉണ്ടാവില്ലേ . ഫാമിലി അയാൽ മതി . അത് ആരായാലും നോക്കാം . എന്തെ ആളുണ്ടോ ? “ ഞാന്‍ പറഞ്ഞു .

“അല്ല ഏട്ടാ , ചെറിയ കുട്ടികളുള്ള ഫാമിലിയാ . എന്റെ ഫ്രെണ്ടാണ് . അവന്‍ ഇവിടെ ഹോണ്ട കാറിന്റെ ഷോറൂമില്‍ അക്കൌണ്ടന്റ് ആണ് . വടകര ആണ് അവന്‍റെ നാട് . വൈഫ് തലശ്ശേരിയും , വൈഫും കുട്ടികളും അവളുടെ വീട്ടിലാണ്‌ . അവനു വൈഫിനെയും കുട്ടികളെയും കൊണ്ട് വരണം എന്നുണ്ട് . ഇതുവരെ അക്കൊമടെഷന്‍ ഒന്നും  സെറ്റ് ആയിട്ടില്ല . നിങ്ങളുടെ അമ്മായി പറഞ്ഞു കുട്ടികൾ ഉള്ള ഫാമിലിക്ക് കൊടുത്താൽ അവർ മൊത്തം വൃത്തികേടാക്കും ന്ന് ” അവന്‍ പറഞ്ഞു .

“ചെറിയ കുട്ടികള്‍ എന്ന് പറയുമ്പോള്‍ എത്ര ചെറുതാണ് ? “ അനു ചോദിച്ചു 

“ നാലെണ്ണം . വലിയവന്‍ രണ്ടാം ക്ലാസില്‍ . രണ്ടാമത്തേത് ഇരട്ടകള്‍  LKG യില്‍ , പിന്നെ ഉള്ള പെണ്ണിന് ഒന്നര വയസ്സും .  “ അവന്‍ പറഞ്ഞു . ഇനിയൊന്ന് ഓണ് ദി വേ .” വിബി പറഞ്ഞു.

” എന്റെ പൊന്നേ …. ഇവനെക്കൊണ്ട്‌ എങ്ങനെ സാധിക്കുന്നെടാ ഇത്രയൊക്കെ .” അനു തലയിൽ കൈ വച്ചു ചോദിച്ചു .

വിബി ഒന്നു ചിരിച്ചു . ഞാൻ പറഞ്ഞു .

” അവൻ ഉടനെ വരുമോ . ഞങ്ങൾ അടുത്ത ആഴ്ച തറവാട്ടിലേക്ക് മാറും . ” 

” അവൻ പറ്റിയാൽ നാലെതന്നെ അഡ്വാൻസ് തന്ന് മറ്റന്നാൾ പെട്ടിയും കിടക്കയും ഒക്കെ എടുത്ത് വരും . അത്ര പ്രശ്നത്തിലാണ് . പിന്നെ നിങ്ങൾ മാറിയാൽ ഞാനും അഞ്ജുവും അങ്ങോട്ട് മാറാനുള്ള പ്ലാനുണ്ട് . ഇനിയും നിങ്ങളുടെ അമ്മായിനെ സഹിക്കാൻ വയ്യ .”

” ആയിക്കോട്ടെ . അതൊക്കെ നിങ്ങളുടെ ഇഷ്ടം .” ഞാനും അനുവും അതു സമ്മതിച്ചു .